Filip 2:22 - NQAARIIT NE ROOG

²² Nu anda yee Timote a ɗeetloox’e ye ta rokaa no waare’ik Yegil mbaax ne fa mi, a bug o jal fa mi, ne o ƥiy a jaltaa fa faap um.

Filip 2:22 Referans Kwoze

1 Korint 4:17

Keene o mat taxu um luliid a Timote me nuun, ten fee refna o ƥees o ngore’u no Yaal oxe. Boo ta garna xan a wetand a nuun me dakuuma fa Kiristaa Yeesu fo ne um jangnitaa a ndeer pokatax ke no gimu we fop.

2 Timote 1:2

Mi na bindang, wo Timote fee o ƥees onqe fexuuma bo: Yaasam Roog Faap fee fo o Yaal in Kiristaa Yeesu a ci’ong yirmande fa jam, a njeg o liir na wo!

1 Timote 1:2

Timote, mexe bindang, wo fee o ƥees ŋaƈit no ngim onqe. Yaasam Roog Faap fee fo o Yaal in Kiristaa Yeesu a ci’ong yirmande fa jam, too a njeg o liir na wo.

2 Korint 2:9

O ɗeetloox a nuun boo and ndax nu maadaxam o nananaa soom tax’u um bind a nuun.

1 Timote 1:18

Timote, wo fee o ƥees, keeke refu a cangin ale um doxnang. Kaa yoon fo fa lay fee we na njo’tanaa a Roog a lay’ina na wo yaaga. Fa lay feene xan a saƭakinong, ndax o waag o maafrel njom mbaax,

2 Korint 8:22

I yoonanda fa den o pog in oxe andoona yee i nga’a no ten o jaflax o maak no tig mayu, too a moƴahinin o lalit no jaf leeke, yaam a koolax ale ta jegna na nuun.

Tiit 1:4

Wo Tiit, wo um bindaa o leetar oleeke, wo fee o ƥees ŋaƈit no ngim onqe. Yaasam Roog Faap fee fa Kiristaa Yeesu o Muumucil in a ci’ong yirmande fa jam!

2 Timote 3:10

Wo o mat, reefaa a cangin es fo a ñaaƈooƭ es, ref o paar o nand es. Andaa itam o ngim es fo o muñ es fo o mbeq es fo o saƭkel es

Filip 2:20

Jegiim meeke o leng oxaa fogtuuma a yiif, a refangee Timote, ta waag o xaajir fa mi ke farna na qalaat es fa nuun.

2 Korint 8:24

Lalityo boog kam pokatax ke no gimu we yee nu mbexa a den, ndax ke i mbakooritna a nuun mbaambir den a ref ndigil.

2 Korint 8:8

Refee yee kebil um cooxaa a nuun, ndaa kaam lalaa a nuun o jaflax ole lakas we a njegna, ndax o mbeq o ndiindigil onqe nuun a waag o ɗeetaqinel.

A pi ake 16:2

Fog gimu we Listeer fa Ikooñum paax ƥor a seede’anoogun.

O leetar ole Pool a bindna GIMU WE NGENNA ROM 5:4

o saƭkel a rimaa o xox ƭeetlax, o xox ƭeetlax a rimaa yaakaar.

1 Korint 16:10

Timote a fadiidangaa me nuun koy, ngela ndamteenoo ƥay ƭik boo jambatkee dara, yaam nen a mi a fi’aa fi no calel ke no Yaal oxe.

Filip 1:5

yaam ga ne nu ndenditna fa mi, nqayandaa Yegil mbaax ne. Keene koy, oxaa xotta no ñaal mberaand naa nu ngimna boo ndiik.

Filip 1:7

Xalaat es na nuun fop, nuun we mbogna na yirmande fee daawuuma, keene cofu yoo, yaam kaa nu ndef no xeeñ es, ta ref um ɓekel kaso mbaat yaa um xoxtaa, saƭkandaa Yegil mbaax ne.

Filip 1:12

Fog es, kaam bug nu and ee ke dalaxama fop kaa tax Yegil mbaax ne a moƴ o joot.

Filip 1:16

Weene, o mbeq a mbi’tan, yaam a and ee xoxtaa Yegil mbaax ne taxu um doonel meen.

1 Timote 4:6

Boo layoona fog we keene fop, xan o ref o caajal o paax na Kiristaa Yeesu, o caajal oxaa na ñoowtaa fa lay fee no ngim onqe, refna a cangin a paax ale o reefaa.