Filip 2:21 - NQAARIIT NE ROOG

²¹ Fop, ke faaxna na qoox den rek a mbaaƭaa, a mbañ o mbaaƭ ke jofna na Yeesu Kiristaa.

Filip 2:21 Referans Kwoze

1 Korint 10:24

Ba o leng a ƴufanaa ke faaxna na xoox um, ndaa fat a waaƭaa ke faaxna no lakas we.

Mace 16:24

Yeesu a laya daalbe um itam ee: «Oxuu bugaxama o reefan, fat a wuus o ñis um, a gadooxaa a kurwaa um, soo a reefanaam.

Filip 2:4

Fat oxuu refna na nuun a ɗeetaa ke faaxna no lakas we, a fañ o ɗeetaa ke faaxna na xoox um soom.

2 Timote 3:2

Xan wiin we a ƈufanaa a qoox den, xaaliis rek a ref xaariit den, da ndoon a qoox den maa da mbadeerna, a nga’atinoox, a mbenaa a Roog, a mbañ o nanan we ndimna a den, a ndef giñ-a-weec. Xan a ndef waa mbugeerna a ƭat Roog,

1 Korint 10:33

Mi fa xoox es, keene um jeemaa no kuu refna, ndax um fel fop. Keene koy refee yee um galagaa a xoox es, ndaa ke faaxna no moƴ-o-jaak we, ndax da muc.

1 Korint 13:5

O mbeq rokkee no qoolaƭaru, naagee o gindaa ke faaxna no ten soom, naagee o xaadooxaa, naagee o geekaa o njaaku kam.

YEGIL MBAAX NE YEESU ne Lik a bindtuuna 14:26

«Oxuu bugaxama o reefan, too moƴaninum a faap um mbaat a ya um mbaat o teem mbaat xa ƥeem mbaat maag um mbaat xa teɓ um mbaat o ñis um sax, waagkee o ref o taalbe es.

Esayi 56:11

Xa ƥox xa say a ndefu itam, axaa mbaageerna o ngiñ, ke da ndefna gaynaak fop oo! Dara refee na qoox den, a yuxum a qoox den soom a ndeefaa, oxuu refna na den o njiriiñ xoox um a waaƭaa.

2 Timote 4:10

Demas kaa xaƴaam, a ret Tesalonik, yaam tig adna a moƴanin. Keresaas a ret Galati, Tiit a ret Dalmati.

2 Korint 1:5

Ne i coono’taa mayu na Kiristaa, neene itam a yaalax in na Kiristaa a magnitu.

2 Timote 4:16

Ye refuuma no nqeloor, o leng fartiraam, fop kaa nqaƴaam, ndaa koy yaasam o Yaal oxe a waasan a den.

A pi ake 15:38

ndaa ke moƴan’ina a Pool, Mark a guloox, yaam kaa xaƴ’u a den Pamfili, a fañat o yoon fa den no calel ke.

A pi ake 13:13

Pool fo we ta yoonit’ina a inooxa Pafos, a ndeef no maag olaa, soo a ndet na teeru faa Perge kam Pamfili. Maaga, Saŋ fee lastitoogeena Mark a xaajoora fa den, soo a nomtoox Yeerusaleem.

Malaki 1:10

Ke moƴna o leng na nuun a weg begax ke no Mbind Roog ne, ndax nu ngeƥandiidkatee na kasaara fiɗel no sadaxand ole mi. O Yaal oxe Hupna fop kaa tee: Kaa nu soofaam, too sadax ke nu ƥoxotaxam mbeliraam.

2 Timote 1:15

Refee andaa yee Aa-asi we fop a mbesaxam a cinj, boo no goor wene: Figel fa Hermosen.

2 Maad we 12:6

fat o saasadax oxuu refna a xotantin a xoox um no wiin waa ta andna, soo muu o kef a refna no Mbind ne, a xendandel teen.»