Filip 2:17 - NQAARIIT NE ROOG

¹⁷ Um warange sax oo, fo’oy es kaa nandkaa soom nen ƥaate took o ngim onqe nu ƥoxotna a Roog nen sadax, sawaraam teen, felakinooxaa fa nuun, nuun fop.

Filip 2:17 Referans Kwoze

2 Timote 4:6

Mi o mat, andaam ee mbaal ndurane sadax refum, too hap es a fadiida.

O leetar ole Pool a bindna GIMU WE NGENNA ROM 15:16

boo um ref o caajal Kiristaa Yeesu me no we ndefeerna Yaawuur. Kaam fadnaa calel tedu, yaa um waare’aa Yegil mbaax ne Roog, ndax qeet ke ndefeerna Yaawuur a ndef sadax faa felna a Roog, sadax fa ñaku sik na pexey Yiif Tedu le.

2 Korint 12:15

Mi o mat, xam jaɓ o jiriiñoor ke jeguuma fop, too xam ɓoxot a nuun a xoox es yaam xa laaw nuun. Ndax ne fextuuma a nuun neene xan a tax o mbeq nuun fa mi a wañoox?

Kolos 1:24

Jegaam o mbelakinax lool no coono ke um coono’aa yaam nuun. Keene koy, kaa ref kaa um ɓaataa no coono ke Kiristaa no cer es, fadnanan o fog ole no gimu we, refna ref cer ke Kiristaa.

Filip 1:20

Kaam cungaa rek, too yaakaaraa yee jegkiim gaci. Feek naa moofum, too boo kili, xan Kiristaa a ɓoxotel o ndam no cer es fa doole, ta ref um sutel kaso mbaat um wartel teen,

2 Korint 7:4

Jegaam a koolax a maak na nuun, ta refat sax o wooƥ o fakoor es na nuun. Kaam ee, mayaam fo xa yaaloorand, may muut fo o ɗaay kam coono ke in fop.

1Saŋ 3:16

Mene i anditkaa o mbeq onqe: Kiristaa a ɓoxota o ñis um yaam in. Ten taxu in itam, i mbara o ƥoxot o ñis in yaam fog in.

O leetar ole Pool a bindna GIMU WE NGENNA ROM 12:1

Fog we, ne Roog a letinna yirmande um took in, mexey xeɗaa a nuun, nu ƥoxotin cer nuun nen sadax faa na ñoowaa, a ted too a felin bo. Neene nu mbaru o mbaɗoortaa a Roog.

1 Piyeer 2:5

Nu mbi’angaan, xan nu njokel, nuun fa qoox nuun, nen a ƥil a ñoow a maxir, ndefik ngenand Yiif le Roog. Kaa nu ndef saasadax Roog, ndax nu mbaag o ƥoxotan sadax katu na yiif nuun, da mbelin na pexey Yeesu Kiristaa.

1 Tesalonik 2:8

No mbeq o mat i mbugu o cooxit a nuun, refee Yegil mbaax ne Roog soom, ndaa o ñoow in sax, yaam kaa nu ndalood na qeeñ in.

Filip 4:18

Daawaam fop boo mexey no jeg tigi. Jegaam itam bo ta dey sik, ye daawtuuma na Epaforodit ke nu lultaxama. A refa ref na mi nen sadax fa mbelu tuñ mbaambir Roog.

Filip 2:30

yaam no calel ke Kiristaa o ñoow um a yaac’u o ɓostoor, yaam ta doon’un no xoƥ nquƭ, ye ta rondandna a nuun paam es.

A pi ake 21:13

ndaa Pool a doona yee: «Xar taxu nu loolaa, yaqaa xeeñ es? Ndax nu andee yee fañiim o humel soom, ndaa jaɓaam o warel Yeerusaleem sax yaam gon le no Yaal oxe Yeesu.»

A pi ake 20:24

Safiraam sax ee o ñoow es a jeganaxam o njiriiñ, a refangee um fadin calel ke fo o sep ole daawtuuma no Yaal oxe Yeesu: Ten refu um yegnitaa Yegil mbaax ne na yirmande fee Roog.

A lim ale 28:6

Keene ndefu sadax toxel ke na bes fuu refna, too a mengoorayo fa sadax fee doxan’eena o Yaal oxe took o joong olaa Sinayi, a felin tuñ bo.

A lim ale 28:7

O mbaal onqe na ɓoxoteel nqes ne, fat a yoonandteel o liitar fa genwal biiñ fa nqaaɗu, a ɓoxoteel o Yaal oxe kam o Mbiñ o tedu nqe.

2 Korint 6:10

naqadileel, too ngen no ɗaay, ndef rool, too njegnooraa wiin mayu halal, ndef waa njegeerna a keƭtoor, too yaaga fop oo, no ndigil i njega fop.

Filip 2:18

Nuun itam, mbelakinoorityo neene. Kaam ee nu mbelakinoox fa mi.

2 Korint 4:12

Ten taxu yoo, fa nqon fee kaa jalaa na in, soo o ñoow ole mat a jalaa na nuun.