Filip 2:16 - NQAARIIT NE ROOG

¹⁶ nu ƥisaa a den fa lay fee na ci’taa o ñoow. Yaaga, na bes faa Kiristaa a nomtooxiidkaa, xam waag o fakoox yaam nuun, and ee ke ƴufanooguuma fe’ee a koƥ, den fo calel es.

Filip 2:16 Referans Kwoze

1 Korint 9:26

Ten taxu um sag, fañ o sagit nen o puul, tiq es, um and ne um fadtaa a den, nen o cegu xa kep.

Galati 2:2

yaam Roog a feeñooxaam, a heblaam a ñaaƈ aleene. Ye retuuma, wootaam fo aa-adax we soo lal a den Yegil mbaax ne um waare’aa kam we ndefeerna Yaawuur, ndax jalkiim mbaat ta ref ee kaam jal calel cegee xoox.

1Saŋ 1:1

In we mbindaa a nuun no kaa farna no kaa reeƭna no mberaand naa, ta ref fa lay fee no ñoow ole. Kaa i nanin, nga’in fo a kid in, ngorooxin, soo nduqin fo xa ƥay in.

2 Korint 1:14

Ndiiki koy, o ndik soom nu andafulu no keene, ndaa no ñaal naa o Yaal oxe Yeesu a nomtooxiidkaa, xan nu mbi a in kañoor nuun ne i mbi’itna a nuun kañoor in.

YEGIL MBAAX NE YEESU ne Saŋ a bindtuuna 6:68

Simoŋ Piyeer a layaan ee: «O Yaal oxe, na an i njofkaa? Mee ndax wo saqu fa lay fee na ci’taa o ñoow o fagkeer ole!

1 Tesalonik 3:5

Ten taxu, ye waag’ateeranuuma o muñ, luliidaam a Timote me nuun, ndax ta feednaam o ngim nuun, yaam kaam saɗaroogu yee xan o poofoog oxe a nax a nuun boo calel ƭomu in a ndef kasaara.

YEGIL MBAAX NE YEESU ne Saŋ a bindtuuna 6:63

Yiif le Roog na ñoownaa, cer ƭaxee dara boo dara fag. A ƭelem ake layuuma a nuun koy, Yiif fo o ñoow a ndefu.

YEGIL MBAAX NE YEESU ne Lik a bindtuuna 12:8

«Mexe layan a nuun, oxuu layna mbaambir no wiin we yee a andaxam, xan o Ƥeenqe no kiin oxe a lay mbaambir malaaka ke Roog ee a andaan.

Hebre 4:12

Yaam fa lay fee Roog kaa ñoow too a saƭik. Ten moƴu o weel saamar. Kaa godaa boo a daaw me o laaw fo yiif a nqetna, a suur boo me a kiɓ cer fo yuur a nqetna. Kaa jaqtaa paax fo paaxeer na pug fo na qalaat no kiin.

1 Piyeer 1:23

Kaa nu ndimel o rimel o xas, refee no paap kaa mbarna o nqon, ndaa no ax kaa mbaageerna o nqon. Ax keene ndefu fa lay fa ñoowu fee Roog, na refkaa boo faw.

1 Tesalonik 2:19

Kaam ee, an i yaakaaru o njegit no ten o ɗaay fo a kañax nen o ndip? Mee ndax nuun soom a refkaa mbaambir no Yaal in Yeesu, na waxtu fee ta nomtooxiidkaa?

Galati 4:11

Kaam diidaa sax, ndik ke jalanuuma a nuun fop a ref kasaara.

Esayi 49:4

Mi o mat kaam xalaatoogu yee: «Ke xijuuma fop kasaara yoo, too doole es, kaam ɓaxin na xa koɓong fo na xa andand xa ƥor. Kaa koy, refee naaga. A woora yee o Yaal oxe saqu wargal es, too Roog es pokooxu saɗig es.»

A kim a tedu ke 71:17

Wo Roog, aqatinaxamo yaaga um refaa o ndeɓandoong, too boo fa ndiik com’andtu ke wo um yegnitaa.

Mbeeñil 22:17

Yiif le Roog fo o Kulook oxe kaa layaa yee: «Gari!» Oxuu nanna kene fat a lay itam ee: «Gari!» Oxuu hoɗomeena fat a gar, a yer. Oxuu bugna foofi le na ñoownaa, fat a jangin! Ci’it oo!

A pi ake 13:26

Fog es, nuun we xa taan Abraham fo nuun we ndefeerna Yaawuur, too saɗar a Roog! In o mat taxu fa lay feene na muc ale a lultiidel.

Mace 10:27

Ke um layaa a nuun no niɓaan, layeenoo njoloor. Ke nu nde’eena, yegniteenoo no qel ke!

A kim a tedu ke 40:9

Roog es, o fadin o bug of refu ke felaxama, too kebil of key kam ee kam xeeñ es.»

1 Korint 1:8

A woora yee xan a fap a nuun, ndax nu ñak sik na bes faa o Yaal in Yeesu Kiristaa a nomtooxiidkaa.

Filip 1:6

A wooraxam ee oxe ferna na nuun paax keene, xan a fadnin boo na bes faa Kiristaa Yeesu a nomtooxiidkaa.

Filip 1:10

ndax nu mbaag o njekit ke moƴna. Yaaga xan nu njeg o ñoow o xoolu, ñak ƥanjel boo na bes faa Kiristaa a nomtooxiidkaa.