Baa eetatir a ɓek a nuun na dara, mbaat nu mbi’aa tig ee ndax nu ƥoxotel o ndam o njegee xoox. Fat a neewandax a ref na nuun, nu ƭeetaa lakas we nen gartu a nuun took.
Kaa ndef wiin waa na ñunqumtooxaa, a ƭomatooxaa, a ñoowaa na yaaw a paaxeer den, a laytaa a magnandax, soo a laasaa wiin we, yaam a mbug o njegit na den tig.
Fog we, kaam xeɗaa a nuun nu mbootoox we na sakaa fo mbokatax fo sayooxu. Kaa mo’nooraa gimu we, yaam kaa mbañ faƥit a cangin ale nu ndaawneena. Fat nu ngoƭaa a den.
Pool fa Barnabaas a ñimatir’a fa den ñimatir ƭomu no kaaga. Maaga, Pool fa Barnabaas fo leng-leng no fog ole Ancook a ngeble a ndet Yeerusaleem maa no apootar waa fo maak waa, ndax da njokit kaa farna na fa lay feene.
Na jamaane faaga, a soƥ daalbe we a ƥaatoox, we layoogna a gerek na den a ñuxmatilooxooga no we layoogna a hebre. Kaa layoogu yee ñaaw we den kaa mbeecoogel no ñoow ole da nqaajroogna mbeet oo mbeet.
Mi de, kaam diidaa rek o ñak o soƥ a nuun ne bugtuuma, nuun oo, nu nqetoortaam ne nu mbugteerna, yaam ke um soƥiidaa: Qasir fo ciisir fo puuxir fo ngendandoor fo layir paaxeer fo ñu’ir fo o nga’atinax fo o samar ole fi’na yook.
Yaa da ñimatirna boo ta sum, Piyeer a inooxa, a lay ee: «Fog we, nu anda yee Roog a miñaxam o jilit a ndeer nuun, ndax na pexey o don es, we ndefeerna Yaawuur a nan fa lay fee no Yegil mbaax ne, too a ngim.
Yaa Yeesu fo daalbe daduk waa a mbadiidna paam daalbe lakas waa, a nga’a faan maak a ndeer a den fo jaajangin we no kebil ke Moyiis ñimatiroogna fa den.
Farisiya we fo jaajangin we no kebil ke Moyiis mbog’ina na den a nqaadoox’a, too a layaa daalbe we Yeesu yee: «Xar taxu nu ñaamaa yeraa fo we na ndabdinooxaa juuti fo baabakaad we?»
