Filip 2:13 - NQAARIIT NE ROOG

¹³ yaam Roog na sakaa na nuun a posax fo a pi ne ta bugtuuna, too paax oo.

Filip 2:13 Referans Kwoze

2 Korint 3:5

Saɗaand o lay muk ee na pexey kaŋ-kaŋ in i mbi’taa tig. Kaa koy, o waag in, oxe inoora na Roog.

2 Timote 1:9

Roog feene muclu a in, a xoy a in ndax i ted, refee koy ee a pi in a njarin. Kaa yuuɓ’un yaaga jamaane jegafulee. Keene koy, kaa inoor na yirmande fee i ndaawitna na Kiristaa Yeesu.

O leetar ole Pool a bindna GIMU WE NGENNA ROM 9:16

Keene koy, inooree no ke o kiin oxe a bugna mbaat na koorgoorlax um, ndaa kaa inoorit toqet na Roog fee jegna yirmande.

1 Korint 15:10

Yirmande Roog soom taxu um ref ke refuuma xaye, too yirmande um fa mi yenee na ngas, yaam kaam daar, hupiɗ a den jale. Wariim o lay sax ee mi jalu, ndaa yirmande fee Roog a dalinna a ndeer es fo ten.

YEGIL MBAAX NE YEESU ne Saŋ a bindtuuna 3:27

Saŋ a doona a den ee: «O kiin waagee o jang colu muud fee ta daawitna na Roog.

Efees 1:11

Roog a ci’a a in itam na Kiristaa a las ale refna ref a muc ale ne ta yuuɓit’uuna fo ne ta fosooxit’uuna yaaga, ten fee na fi’aa fop ke ta hebooxna fo ke ta bugna.

1 Korint 12:6

Ke na fi’eel a maya, ndaa Roog fa leng kut fee na fi’aa fop no fop.

2 Tesalonik 1:11

Ten taxu i ngen no nqeɗanaa a nuun, ndax o xoy ole Roog fee in jombkee a nuun. Yaasam ta ci a nuun doole faa nu mbaagna o mbadnit paax ke nu nqalaataa fop fo calel ke no ngim onqe nu njegna.

Efees 1:5

Roog kaa yuuɓ’u yaaga yee xan a fi a in xa ƥeem ŋaƈit na pexey Yeesu Kiristaa. Keene kaa reeƭu ke ta bugna fo ke feluuna.

Efees 2:8

Neene boog, na yirmande Roog nu muctu na pexey o ngim onqe. A muc aleene koy hatee na nuun, ci’it Roog oo.

1 Maad we 8:58

ndaa ɓakandi a qeeñ in na wo, ndax i ñaaƴaa na ƭat of fop, ndeef kebil of fo bargal of fo ke simtoona, too o coox’un daan in.

A kim a tedu ke 119:36

Joobni xeeñ es farna fo fa lay of, ndaa baa ref no ke ta ƴufanaa.

YEGIL MBAAX NE YEESU ne Lik a bindtuuna 12:32

«Ba nu mbit dara, o njiir onqe nu ndefna ndef! Yaam a fela a Faap nuun boo ta ci a nuun Maat um.

Efees 1:9

A andnoora a in kunpa fee ta ɗaapna, too ta yuuɓ’un yaaga, ndax ta fadnin na Kiristaa.

YEGIL MBAAX NE YEESU ne Saŋ a bindtuuna 6:65

Yeesu a doona taaga, a lay a den ee: «Keene mat taxu um lay a nuun ee o leng waagee o gar me mi, a refangee kaa Faap fee a ci’in o ten.»

Yeremi 32:38

Maaga, xan a ndef xeet es, soo um ref Roog den.

O leetar ole Pool a bindna GIMU WE NGENNA ROM 9:11

Maaga soƥ’afulee xa teɓandoong axe a ndimel, too soƥee da mbi dara, ta ref paax mbaat paaxeer, Roog a laya a Rebeka yee: «Taaw fee xan a dagooxaa o ndeɓ onqe.» Roog kaa jil o leng na den, ndax yuuƥ um a geenoox naŋ. Neene koy a cil ale Roog refee na pi ake no we ta jilna, ndaa no xoy ole ta xoyna a den.

Yeremi 31:33

Kaa koy, keeke refu ngiɓoor ne um dalnatinkaa fa xeet fee Isra’el cinj ñaal keene: Xam ɓek kebil es kam a yiif den, bind a den kam a qeeñ den. Maaga, xam ref Roog den, da ndefat xeet es. Mi o Yaal oxe layun.

Xa peƭit axe 21:1

A qalaat no maad kaa ndef nen a ƥaaxaand foofi no ɓay no Yaal oxe. Kaa ɓakandan muu feluuna.

Esdaraas 1:1

No hiid o eetaand ole no maat Kiirus fee o maad Persi, o Yaal oxe a fosooxa fadand ke ta yegnit’ina, a reefandin no tuleer Yeremi. A ci’a a Kiirus yiif, ta simit o lambnanel, a bindel itam, ndax maat um fop a yeg kene:

Esdaraas 7:27

Esdaraas a falalooxa yee: «A simat a hela o Yaal oxe Roog fee no daan in riñna o maad oxe ta niwit neene Mbind ne no Yaal oxe refna kam Yeerusaleem.

Esdaraas 1:5

Maaga, yaal ƥasil ke na carind ale Yudaa fo we na le Bensame, saasadax we fo Leelewi we, fop we Roog a wet’ina a yiif den, a inooxa, ndax da maxatinik Mbind ne no Yaal oxe kam Yeerusaleem.

2 Caloori ke 30:12

O Yaal oxe a duqa a qeeñ ake na xeet fee kam Yudaa itam soo da njaɓ ke o maad oxe fo kelfa ke a ngeblitna too ta inoor no Yaal oxe.

YEGIL MBAAX NE YEESU ne Saŋ a bindtuuna 6:45

A binde no leng na safe ke no duleer we yee: ‹Den fop, xan Roog a jangin a den.› Neene itam, oxuu andoona yee a nana ke Faap fee a layna, too a jaɓ a cangin um, xan a gar me mi.

Esayi 26:12

O Yaal oxe, kaa o woornaa a in jam fee, yaam fop ke i mbadnaa, wo na fi’an.

A kim a tedu ke 141:4

Dami xeeñ es boo joobkiim no paaxeer, too ba um sooboox no kañaan fo we na mbi’aa njofaƭar. Koo ba um ñim sax no rox o felu den.

Nehemi 2:4

O maad oxe a laamtaxam ee: «Xar bugo bug um fi’anong?» Ndak fo ndak, xeɗaam a Roog fee na asamaan

1 Piyeer 1:3

Yaasam Roog Faap fee no Yaal in Yeesu Kiristaa a simatel! Na yirmande um fa maak, a rimnooratina a in na pexey a qontax ale Yeesu Kiristaa a ndeer no xon we. Yaam o rimel o xas oleene, i njega yaakaar ñoowu

A pi ake 11:21

O ɓay katil no Yaal oxe fa den a reeƭu. Wiin mayu a ngima, too a ndamooxata no Yaal oxe.

A kim a tedu ke 110:3

Wo ngelwaar a helu naa rimee took xa coong xa tedu xe, o sutoor no mbuyukuun ne nen liim, ye rimoonga.

Ke bindeena no xe ne’eena YOB 33:29

Keene refu ke Roog a fi’anaa o kiin a caf a mayu,

YEGIL MBAAX NE YEESU ne Lik a bindtuuna 2:14

«Tedaanga a hela Roog took asamaan fa jam na adna, took no wiin we ta fexna.»

O leetar ole Pool a bindna GIMU WE NGENNA ROM 12:3

Ne Roog a ci’axama yirmande um, mexey layaa a nuun fop ee: Ba nu yeg a qoox nuun boo muk, ndaa fat nu maandoox na qalaat nuun, oxuu refna a liiƥoor fo a las ale Roog a ci’uuna no ngim onqe.