Biblia Todo Logo
Bib sou entènèt

- Piblisite -




Filip 2:12 - NQAARIIT NE ROOG

12 Fog es we fexuuma, naa nu moofu kaa nu nananaam. Ten taxu, kaa nu mbar o ƭofit o ñoow nuun no ngim a duuf, nu ngebooxin fo a qalaat fo o saɗar a Roog. Keene koy, baa ref soom yaa nu mbaagaxama o ndoon a ngid. Kaa nu mbar o moƴ o njofnoox teen ndiiki fee goƭuuma a nuun,

Gade chapit la Kopi




Filip 2:12
41 Referans Kwoze  

Ten taxu, fog es we fexuuma! Ndamlooxyo, saƭik, moƴ o njalanaa o Yaal oxe, yaam and ee calel keene mbe’kee a koƥ.


Fat i njeem fa doole in fop boog ndax i ndok na ñootnax aleene. Fat i mbi boo o kiin oo kiin na in a fañ o nanaƭar ne waa ndeeƭna na koƥ-a-ƥor alaa a nanaƭarit’ina, boo ndokee na ñootnax aleene.


Nuun we fexuuma, ke nu ndefna ndef genar fo xa kataakoon fop oo, mexe maƭooxaa a nuun, nu mbootoox a yaaw cer a paaxeer ake na ñoxoraa fo o laaw ole.


Ngadooxyo kadoor ke cooxuuma a nuun, too njangit na mi, yaam kaam ɓuuɓ, too xeeñ es magnandooxee. Nu mbi’angaan, xan xa laaw nuun a ñootnoox.


Kaa koy, fat a pesoorooƭ nuun a waag o lingir fo Yegil mbaax ne Kiristaa. Keene koy, kaa warna yoo, ndax a soƥangaam fa nuun, mbaat o mbiñ o lakas, um ga mbaat um nan ee kaa nu saƭik, mbog yiif leng kut, mbog xeeñ leng itam, ngomreel, ndax o ngim no Yegil mbaax ne a geenoox.


Keene fop o ɓay es fi’un, too neene a sakoortu. Kaa koy, ke haalaxama refu o toroxu xe gooyna, a nan-gilooxaa fa lay es fo diid soo a sendaa.


Njofyo mbaambir boog kam yirmande fee fo kam o jeg o and no Yaal in fo o Muumucil in Yeesu Kiristaa. Yaasam ta ɓoxotel o ndam ndiiki, bo na moos boo moos. Amiini.


Neene a ñaktu sik, boo a refat a cur a muc a pagkeer ale no we nananuuna fop.


Jaɓaam o gadoox fop yaam we njileena, ndax den oo, da mbaag o ndaaw a muc ale refna na Kiristaa Yeesu, a tapit o ndam onqe na refkaa boo faw.


Feeñaak fee kaa yuxmaa, ndaa daawkee dara, duuña fee mat xan a giñ tem.


Roog a rega a in ee xan i ñootnoox fo ten. Fat i mbootoox a paax boog, yaam ndik o leng na nuun a ga ee rokee na ñootnax aleene.


Faan maak leene no weene ngimna kaa mbid a in o kurul-keƥ, a ndef seede no ngim den mbaambir in. Ten taxu, kaa i mbar o ndoxodoox ndoq meɗu ne na yaqanaa a in a ñaaƈ, mbaas itam bakaad fee yooɓna o dik a in. Fat i ngen no ƈufaa ne waritna no ndaƭatir ne i ndefitna.


Ten taxu koy, nuun fog es we fexuuma fex, nuun we sooɓaxama, ndef o ɗaay es fo o ndip es, koo saƭikyo no Yaal oxe, ngen na saƭik aleene.


We ngenna no mbi’aa paax, soo a mbaaƭaa o ndam fo o niwel fo o ñoow o jegee hap, xan Roog a ci a den o ñoow o fagkeer ole.


I ñakee o mbetandooxaa a nuun na qeƭ in mbaambir Roog Faap in yaam o ngim nuun o laltinooxu nqe fo o mbeq onqe nuun na jaflaxnooraa a nuun fo yaakaar mbooru ne nu njegna no Yaal in Yeesu Kiristaa.


yaam kaa nu ndaawnel yirmande, ndax nu ngim na Kiristaa. Refee koy soom ee nu ngim no ten, ndaa nu coono yaam ten itam,


Cer es kaa sendaa, yaam o diidlandaam, um saɗar kate of.


Mbaɗooxyo o Yaal oxe fo caƭar, send mbaambir um too njeg teen o ɗaay.


Tiit koy a jega na nuun o mbeq o maak, a moƴaan a jeg koy yaa ta wetandooxaa ne nu njaɓanit’uuna fo ne nu ndalnit’uuna, njeg no ten a bootax boo sendaa.


O neew doole tigi fadtiid’um me nuun, sendaa yaam diid.


Nuun faɗ we, nananyo yaal pind nuun na adna fee no kuu refna. Saɗaryo a den, too niw a den fo xeeñ galagee dara, nen Kiristaa nu mbi’anan.


Nan-gilooxyo ke o Yaal oxe a layna, nuun we na sendaa yaam diid yaa nu ndaawna fa lay um: «Fog nuun we sibna a nuun soo a ndaxaa a nuun yaam gon es kaa nqaadnoortaa a nuun ee: ‹Fat o Yaal oxe a lalit o ndam um, too yaaga xan i nga o ɗaay nuun!› Ndaa kañ, den o mat na neewandkeel.»


Calel no cofu xe kaa ndimaa o ñoow, ke o soxodu xe a rabdeel o mat, a fi’nooran paaxeer.


No kaa xotitna na jamaane faa Saŋ o Paabatiise xe boo fa ndiik, Maat ne na asamaan kaa bugel o gef fa doole, too yaal toole ke na njeeman o njang.


Ndiiki koy, fat i ngiɓoor fa Roog in ee xan i ndax rew weeke fop fo xa ƥiy den, ne astanoona a in, wo o yaal es fo we mbootooxna kebil ke Roog in. Fat kebil ke a ngayel.


yaam ga ne nu ndenditna fa mi, nqayandaa Yegil mbaax ne. Keene koy, oxaa xotta no ñaal mberaand naa nu ngimna boo ndiik.


Inooxi rok kam teeru fee! Xan o layel ke waroona o fi.»


No Yaal oxe Yeesu, yaakaaraam o luliid a Timote me nuun no miñeer, ndax a gatangaa um waag o felakinoox, yaam ke ta wetandooxkaxam na nuun.


Bindaa kene koy, refee waaƭaa gaci nuun. Kaam maƭooxaa a nuun soom, yaam nu ndefa ndef xa ƥees axe fexuuma.


Nuun Fiifilip we, nu anda sax tigi yee, ye Yegil mbaax ne a sogeena o waare boo um ret Makedoni, mbokatax no gimu leng sax cooxiraam ƭaxir soxla, a refangee ne nuun.


Maaga, o yeeyetax oxaa na kaso faa a simta o heƥandanel, a siip a rok kam a ndok alaa, soo a yen na caf ake Pool fa Silaas, a diid boo a sendaa.


A wooraxam ee oxe ferna na nuun paax keene, xan a fadnin boo na bes faa Kiristaa Yeesu a nomtooxiidkaa.


Swiv nou:

Piblisite


Piblisite