Filip 1:9 - NQAARIIT NE ROOG

⁹ Ke um xeɗaa refu rek ee o mbeq nuun a jof mbaambir, a lingir fo o and tigi fo o jeg-yiif o xoolu,

Filip 1:9 Referans Kwoze

1 Tesalonik 3:12

Yaasam o Yaal oxe a xayandaa, too a mayƭandaa o mbeq onqe nu njegna a ndeer nuun fo ne nu mbexitna lakas we itam, boo ta nand fo o mbeq onqe i njegna na nuun.

Kolos 1:9

Ten taxu in itam, no kaa xotitna na koom alaa i layeena paru na nuun, i nqeɗanaa a nuun a Roog, ndekan a nuun xa ƥay, ndax ta yip na nuun o and o deyu sik, nu mbaag o njekit ke ta bugna, ta yoon fo yiif fo o and no tig Roog.

Filemon 1:6

Kaam xeɗaa a Roog, ndax o fog ole fokatoonga fa in no ngim onqe a rim o and ole moƴna no paax ke i njegna no ñoow in fop fa Kiristaa.

Kolos 3:10

Ndiiki koy, nu ndokooxa ngiin nqas ne na jib’atintaa no nand Roog fee sakuuna, ndax ta fadnoox no andin tigi.

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.

2 Korint 8:7

Ne nu njegna halal no fop, ta ref o ngim onqe fo fa lay fee fo o and ole fo o jaflax no fop fo o mbeq onqe nu njegna na in, neene itam nu mbaru o ngoorgoorlooxit no calel paaxu keene.

1 Korint 14:20

Fog es, ngela ba nu saq yiif no ndeɓandoong. No paaxeer koy, njaɓyo o ndef xa qeq, ndaa fat nu ndef maak no Yiif le Roog,

2 Tesalonik 1:3

Kaa i mbar o ngidmaa a Roog kili yaam nuun, nuun fog gimu we, too keene sax kaa warna o jeg oo, yaam o ngim nuun kaa moƴ o jofaa mbaambir rek, soo o mbeq onqe o kiin oo kiin a jegna no lakas we a xay no xuu refna na nuun.

2 Piyeer 3:18

Njofyo mbaambir boog kam yirmande fee fo kam o jeg o and no Yaal in fo o Muumucil in Yeesu Kiristaa. Yaasam ta ɓoxotel o ndam ndiiki, bo na moos boo moos. Amiini.

Hebre 5:14

Ñaamel meɗu ke o mat, maak we njegun, ta ref we naaɓna a yiif den, ndax da mbaag o njektirand ke faaxna fo ke faaxeerna.

Efees 5:17

Ten taxu ba nu ndef ɗof, ndaa andyo o bug ole no Yaal oxe.

Xa peƭit axe 4:18

A ƭat ale no jofu we kaa nand nen a qoolaand mbeet, meleƈ um a ɓaatooxaa boo njoloor o mbuc.

1 Tesalonik 4:1

No lakas ke koy, fog we, nu njangta na in ne nu mbarna o ñaaƴit boo mbaag o mbel a Roog, too meene sax a koorgoorlax nuun a refu. In we nqeɗan a nuun, too in we ndegdinooxan a nuun no gon le no Yaal oxe Yeesu: Moƴyo o ngoorgoorloox boog!

Ke bindeena no xe ne’eena YOB 17:9

Kaa da layaa yee: «O cofu xe kaa damaa a ƭat um nuu ta saxitna saxit, oxe xa ƥay um a nqoolna a moƴ a moƴ o saƭkaa.»

A kim a tedu ke 119:66

Aqatinaam o jeg-yiif fo o and, yaam no kebil of rek hoolooxum.