Filip 1:8 - NQAARIIT NE ROOG

⁸ Roog a anda yee ne Kiristaa Yeesu a jegitna o liir na nuun, nu sooɓtaxam.

Filip 1:8 Referans Kwoze

Filip 4:1

Ten taxu koy, nuun fog es we fexuuma fex, nuun we sooɓaxama, ndef o ɗaay es fo o ndip es, koo saƭikyo no Yaal oxe, ngen na saƭik aleene.

O leetar ole Pool a bindna GIMU WE NGENNA ROM 1:9

Roog a anda yee ndigil kak um layaa, ten fee um dagooxaa kam xeeñ es, yaa um waare’aa Yegil mbaax ne jofna no Ƥeem, too a anda itam ee kaam wetandooxaa a nuun kili na qeƭ es.

2 Timote 1:4

Wetandooxaam itam xa kooniit of, too a taxa boo um bugong o doon a ngid, xeeñ es a waag o may fo o ɗaay.

1 Tesalonik 2:8

No mbeq o mat i mbugu o cooxit a nuun, refee Yegil mbaax ne Roog soom, ndaa o ñoow in sax, yaam kaa nu ndalood na qeeñ in.

O leetar ole Pool a bindna GIMU WE NGENNA ROM 9:1

Ke um layiidaa ndigil kak oo. Kaam refan a Kiristaa, too maaɓiim dara. Yiif es jeejooxee, too a seede’anaxam na pexey Yiif Tedu le yee fa lay es ndigil oo.

Filemon 1:12

Mexe nomtiidang o ten ndiiki, ten fee refatna genwal es.

Yeremi 31:20

O Yaal oxe kaa tee: «Ndax Efrayim kaa refee o ƥees onqe fexuuma fex, o njaaƈ onqe na ɗaaynooraxam? Nuu um maaltan, kupun moƴanum o wetandooxaa. Ten taxu kam es a dala no ten, um yirmin tigi.»

Kolos 2:1

Kaam bug nu and xil ne um gomriteel yaam nuun fo yaam we ndefna kam teeru fee Lawodise fo yaam fop we andoona sax ee a kid in mosee o ndoonoor,

Galati 4:19

Xa ƥees, xam dak o yegaa coono nen xa ƭomel gaaj yaam nuun, boo yaa nu nandkaa fa Kiristaa.

Galati 1:20

No ke um bindaa a nuun, ndeer es fa Roog oo, too maaɓiim.

2 Korint 7:15

Tiit koy a jega na nuun o mbeq o maak, a moƴaan a jeg koy yaa ta wetandooxaa ne nu njaɓanit’uuna fo ne nu ndalnit’uuna, njeg no ten a bootax boo sendaa.

2 Korint 6:12

Refee muk ee in mbeganu a nuun a qeeñ in, ndaa nuun o mat mbeganu a in ake nuun.

YEGIL MBAAX NE YEESU ne Lik a bindtuuna 1:78

Roog in kaa may yirmande, too a lewet. Xan a feedin a in a muc ale,

Esayi 63:15

Me fodoona took asamaan, ɗeeti, no ngenand tedu mosu ne wo, ga’i ke na daliidaa a in. Taa o mbeq o saasu nqe wo boog fa katil fee wo fo o liir ole jegoona? O Yaal oxe, ba o ñak o lal a in o mbeq of,

Esayi 16:11

Ten taxu kam es a gooy na Mowaab nen o nqilimb, xeeñ es a naqadiloox na Kiir-Heres.

1Saŋ 3:17

O kiin a jegangaa kalal adna, too a ga o pog um a ref na soxla, soo ta ɓalgin laaw um, nam o mbeq onqe Roog a gentu no ten?

Filemon 1:20

Ii, o pog es, mexe xeɗang o ci’aam, um daawit keene na wo yaam o Yaal oxe, too o dalin xeeñ es na Kiristaa.

1 Tesalonik 2:5

Ne nu andtuuna, i mosee o saq fa lay fa koocir fa leng, too i mosee o mbaare’aa, ndax i njegit teen xaaliis. Roog a seede’a a in no keene sax.

Kolos 3:12

Neene itam, nen waa Roog a jilna nu mbog no ten, ta fex a nuun, fat nu mbof yirmande fo o paaxel fo a neewandax fo o ɓuuɓ fo o muñ.

Filip 2:26

Kaa bug o ga a nuun, nuun fop, ne nu nanna jir le ten, a leeƈ cer um.

Filip 2:1

Yaaga boog, a soƥangaa yee yaaloor nuun key na Kiristaa, a soƥangaa yee o laaw nuun a waaga o dal yaam o mbeq um, Yiif leng kut a fokat a nuun, kaam ee a soƥangaa yee o liir fa yirmande a njega,

2 Korint 13:9

I neewangaa doole soo nuun o mat, nu ndef doole fa ƥor, kaa i mbelakinooxaa teen, too ke i nqeɗanaa a nuun refu nu ñak sik.

Ke bindeena no xe ne’eena YOB 16:19

Maadaam o jegaa o seede na asamaan, o paafarit es oxe jiŋ took-ee-took.

Galati 3:26

Nuun fop, xa ƥiy Roog nu ndefu yaam ne nu ngimna na Kiristaa Yeesu.