Filip 1:29 - NQAARIIT NE ROOG

²⁹ yaam kaa nu ndaawnel yirmande, ndax nu ngim na Kiristaa. Refee koy soom ee nu ngim no ten, ndaa nu coono yaam ten itam,

Filip 1:29 Referans Kwoze

Saak 1:2

Fog es, nu yenangaa no ƭeetlax mayu, mbelakinooxyo a paax,

1 Piyeer 4:13

Kaa nu mbar o mbelakinoox kañ, yaam ne nu njegna a las no coono ke Kiristaa, ndax nu may fo o ɗaay itam, yaa o ndam onqe ten a feeñilkeel.

A pi ake 5:41

Naaga, apootar waa a ndiƈatooxa Mal maak naa. Den fop a ƭaaya yaam tedaanga fee Roog a ci’’ina a den, da toroxandeel yaam gon le Yeesu.

O leetar ole Pool a bindna GIMU WE NGENNA ROM 5:3

Kupu keene sax, kaa i moƴ o mbelakinooxaa kam coono ke, yaam i anda yee coono na rimaa o saƭkel,

A pi ake 14:22

A ndif’ooga a qeeñ ake no daalbe we, a saƭakinaa a den da sax no ngim onqe, too a layaa a den ee: «Kaa i mbar o ngom coono mayu, soo ndokkaa no Maat ne Roog.»

Efees 2:8

Neene boog, na yirmande Roog nu muctu na pexey o ngim onqe. A muc aleene koy hatee na nuun, ci’it Roog oo.

Kolos 2:12

Yaam ne nu uupeena fo ten na batiise fee, nu nqontooxa fo ten na pexey o ngim onqe nu ngimna na Roog fee xontooxnoortuuna katil um a ndeer no xon we.

A pi ake 14:27

Yaa da mbadiidna Ancook, a mbokata waa mbog’ina no mbokatax ne no gimu we. A mbetandooxa gimu we ke Roog a fi’’ina fop na pexey den fo ne ta wetanit’ina we ndefeerna Yaawuur o don-maax ole, ndax da ngimat no ten, den itam.

A pi ake 13:39

Neene itam, oxuu gimna no ten, a ɗeete nen o cofu yaam o ten. O cofel o nandu neene koy, nu mbaagiran o njegit na pexey kebil ke Moyiis.

Mace 16:17

Yeesu a layaan ee: «Ɗaayaa, Simoŋ, o ƥiy Yoona, yaam refee yee cer ke mbaat fo’oy le mbeeñlong o ten, ndaa Faap es fee refna na asamaan.