Filip 1:27 - NQAARIIT NE ROOG

²⁷ Kaa koy, fat a pesoorooƭ nuun a waag o lingir fo Yegil mbaax ne Kiristaa. Keene koy, kaa warna yoo, ndax a soƥangaam fa nuun, mbaat o mbiñ o lakas, um ga mbaat um nan ee kaa nu saƭik, mbog yiif leng kut, mbog xeeñ leng itam, ngomreel, ndax o ngim no Yegil mbaax ne a geenoox.

Filip 1:27 Referans Kwoze

Efees 4:1

Mi fee dameena kaso yaam Kiristaa, mexe maƭooxaa a nuun boog, ndax nu ñoowit ne Roog a bugtuuna no xoy o jegu njiriiñ ole ta xoyna a nuun.

1 Korint 1:10

Fog es, kaam bug, no gon no Yaal in Yeesu Kiristaa, nu mbog ɗelem leng kut, ndef o leng, nqaajoor a ñak a ndeer nuun. Kaam ee fat nu mbokatoor ndef o leng, mbog xalaat fo o liir.

2 Piyeer 3:14

Nuun we fexuuma, ten taxu, ne nu cungaa bes feene, ngoorgoorlooxyo ndax nu nqool, ñak sik mbaambir Roog, ndef na jam fo ten.

Kolos 1:10

Yaaga, xan nu mbaag o ñaaƴit ne o Yaal oxe a bugtuuna, xeeñ um a let na nuun, nu saqik a pi a paax a pagatar, maakit o and a Roog.

Yudaa 1:3

Nuun we fexuuma! Kaam jeemoogu o bind a nuun no kaa farna na muc ale i njegna, ye ga’uuma yee wareef es oo. Ten taxu, mexe bindaa a nuun o leetar olene, ndax um saƭakin a nuun, nu maafrel yaam o ngim onqe Roog a ci’na jaf leng kut tedu we ndefna wiin um.

1 Tesalonik 4:1

No lakas ke koy, fog we, nu njangta na in ne nu mbarna o ñaaƴit boo mbaag o mbel a Roog, too meene sax a koorgoorlax nuun a refu. In we nqeɗan a nuun, too in we ndegdinooxan a nuun no gon le no Yaal oxe Yeesu: Moƴyo o ngoorgoorloox boog!

Filip 2:12

Fog es we fexuuma, naa nu moofu kaa nu nananaam. Ten taxu, kaa nu mbar o ƭofit o ñoow nuun no ngim a duuf, nu ngebooxin fo a qalaat fo o saɗar a Roog. Keene koy, baa ref soom yaa nu mbaagaxama o ndoon a ngid. Kaa nu mbar o moƴ o njofnoox teen ndiiki fee goƭuuma a nuun,

Filip 3:18

A jega mayu waa na ñaaƴaa, a ndef waa mbugeerna o nan paru na kurwaa le Kiristaa. Layaam a nuun a caf a mayu kaa jofna na den, ndiiki itam, um dakooxin o layaa fo xa kooniit.

2 Korint 13:11

Ndiiki koy fog we, fat o ɗaay a ref fa nuun! Njeemyo o njagandoox, yaalooraa, mbog xalaat, ñoowaa na jam! Yaaga Roog fee refna o mbeq fa jam xan a ref fa nuun.

A pi ake 4:32

Mbokatax naa no waa ngim’ina fop kaa mbog’u xeeñ leng fo yiif leng. O leng layoogee yee kene mi jegun, mbaat kaana wo jegun, ndaa o jeg den fop kaa mbokatoogun.

A kim a tedu ke 133:1

A kim no ñaañaaƴ we yoo, a fog na ke Dawid. Ndaw paaxu too a fel, yaa fog we a nanoorna!

Yeremi 32:39

Xam coox a den yiif leng kut fo a ƭat a leng, ndax da saɗaraam kili, a njeg o ɗaay, den fo xa taan den.

2 Piyeer 3:11

Feek keene fop xan a yaqtel neene, a pesoorooƭ nuun fo o reef a Roog nuun boog a mbara o ted.

1 Korint 15:58

Ten taxu, fog es we fexuuma! Ndamlooxyo, saƭik, moƴ o njalanaa o Yaal oxe, yaam and ee calel keene mbe’kee a koƥ.

O leetar ole Pool a bindna GIMU WE NGENNA ROM 1:16

Sediim muk Yegil mbaax ne, yaam kaa ref katil Roog ne na ɓisiidaa a muc no xuu gimna, eetu koy no Yaawuur we, soo we ndefeerna Yaawuur a ndoonoox.

Saak 3:18

Oxe bugna jam a ɓaatoox, jam a duufaa a ndeer no lakas we, too a naaga o saxadaa o cofel.

Filemon 1:5

Gon of a jootiida boo me mi yaam ne fexoona tedu we fop fo ne gimtoona no Yaal oxe Yeesu.

Tiit 2:10

mbaat da nguuɗaa a den. Kaa mbar o lalit ngor tigi, ndax no kuu refna, a cangin ale Roog o Muumucil in a niwel.

2 Timote 4:7

Maafreem njom mbaax, fagiɗ o sep ole, too ɗapiim o ngim onqe.

1 Timote 1:19

geek o ngim onqe fo yiif jeejooxeer dara. Yiif leene koy, a jega waa naanguuna buc, too kaa ngido kalte o ngim onqe.

1 Timote 1:11

A cangin aleene koy, kaa inoor no Yegil mbaax ne doxneema, too ta feeñlaa o ndam onqe Roog fee helna simatel.

A pi ake 2:46

Bes fuu refna, kaa mbokatooroogu no Mbind Roog ne, a mbogaa mbuuru ne kam pind ke, a ñaamaa fo o mbeq fo xeeñ yelefu,

Mace 12:25

Yeesu a anda a qalaat den, too a lay a den ee: «Boo we mbogna maat a nqaajoorna a ndeer den, maat naaga waagee o miñ. Boo we mbogna teeru mbaat mbind a nqaajoorna a ndeer den, xan a ngef tuƈ, yaam mbaagkee o ngeenoox.

Xa peƭit axe 22:23

yaam o Yaal oxe xan a fartin soo a lukit we na luktan.

1 Tesalonik 3:6

Kaa koy, miñee dara, Timote a ɓisiida o nan o felu no ne nu ndamooritna no ngim onqe fo ne nu mbexritna. A doona teen, a lay ee kaa nu ngen no nqalaattaa a in jam soom, mbug o nga a in bo. Neene itam, i mbugtun na nuun.

Kolos 1:4

yaam kaa i layel o ngim nuun na Kiristaa Yeesu fo o mbeq onqe nu njegna no gimu we fop.

Filip 2:24

too koy, jegaam yaakaar tigi no Yaal oxe yee mi itam, ndiik um gar.

Efees 1:15

Ten taxu mi itam, ye nanuuma o ngim nuun no Yaal oxe Yeesu a layteel, nan itam wiin we a layaa o mbeq onqe nu njegna no we mbogna na Roog fop,

Efees 1:13

Nuun we ndefeerna Yaawuur itam, boo nu nan-gilooxna fa lay fee no ndigil ne, refna Yegil mbaax ne ɓisiidna a nuun a muc ale, nu ngima na Kiristaa. Neene, Roog a fi’a na nuun o ñaas olaa lalitna yee no ten nu mbogu, ta ref Yiif Tedu le ta cooxna a nuun too ta regit’un.

Galati 1:7

Refee koy ee kaa jeg yegil mbaax lakas, ndaa kaa jeg wiin waa na njom’andaa a nuun, a mbug o yaq Yegil mbaax ne Kiristaa.

2 Korint 9:13

Nu kañtange calel keene, xan a simat a Roog yaam ne nu mbeejlitna yee nu nanana Yegil mbaax ne Kiristaa soo lalit o laabiir ole nu mbogna fa den no fop.

2 Korint 4:4

Wiin weene ngimee, yaam oxe na fi’ooxaa roog na jamaane feeke kaa fuulin a qalaat den, ndax nga’kee meleƈ le na qoolaand ale no Yegil mbaax ne Kiristaa fee refna nitaal ne Roog.

O leetar ole Pool a bindna GIMU WE NGENNA ROM 15:29

Andaam koy ee boo um garaa, xam fadtiid barke fa ndeyu sik fee Kiristaa.

O leetar ole Pool a bindna GIMU WE NGENNA ROM 15:16

boo um ref o caajal Kiristaa Yeesu me no we ndefeerna Yaawuur. Kaam fadnaa calel tedu, yaa um waare’aa Yegil mbaax ne Roog, ndax qeet ke ndefeerna Yaawuur a ndef sadax faa felna a Roog, sadax fa ñaku sik na pexey Yiif Tedu le.

O leetar ole Pool a bindna GIMU WE NGENNA ROM 10:8

Ndi xar a Pind a Tedu ke a layu boog? Kaa dee: «Mee ndax fa lay fee, oxey paam of, too oxey no don of fo no xeeñ of sax.» Fa lay feene refu yegnit ne no ngim onqe i mbaare’aa.

O leetar ole Pool a bindna GIMU WE NGENNA ROM 1:9

Roog a anda yee ndigil kak um layaa, ten fee um dagooxaa kam xeeñ es, yaa um waare’aa Yegil mbaax ne jofna no Ƥeem, too a anda itam ee kaam wetandooxaa a nuun kili na qeƭ es.

O leetar ole Pool a bindna GIMU WE NGENNA ROM 1:5

No ten daawtum yirmande fo waag o ref apootar boo qicaa qeet ke fop, da ngim no ten, too a nananin, ndax gon um a simatel.

A pi ake 24:24

A cinj a pe a leng-leng, Feliksi a gara, a yooniid fa Durusil fee o teem. Durusil koy, o Yaawuur a reeƭu. Maaga, Feliksi a lulta, ndax ta xoyaniidel a Pool. Pool a gara, too Feliksi a nan-gilooxoogaan ta layaa kaa farna no ke ta gimna na Kiristaa Yeesu.

A kim a tedu ke 122:3

Wo Yeerusaleem fee maxeena a paax, fop a fokatoor, a ref leng,

Filip 1:5

yaam ga ne nu ndenditna fa mi, nqayandaa Yegil mbaax ne. Keene koy, oxaa xotta no ñaal mberaand naa nu ngimna boo ndiik.

Filip 3:20

In we asamaan a refna mbaafaap in koy, in we cungaa o Yaal in Yeesu Kiristaa fee refna o Muumucil in, na inooriidkaa maaga.

Filip 4:1

Ten taxu koy, nuun fog es we fexuuma fex, nuun we sooɓaxama, ndef o ɗaay es fo o ndip es, koo saƭikyo no Yaal oxe, ngen na saƭik aleene.

1 Caloori ke 19:12

Yowab a layaan ee: «Aa-araam we a ngupangaam doole, fat o ƴufgiidaam, soo wo itam oo, Aa-amon we a ngupangaang doole, xam ƴufgiidong.