Filip 1:26 - NQAARIIT NE ROOG

²⁶ Yaaga um nomtooxiidangaa a ndeer nuun, nu njeg kaa nu mbakoortaa yaam mi no ñoow ole nu mbogna fa Kiristaa Yeesu.

Filip 1:26 Referans Kwoze

2 Korint 1:14

Ndiiki koy, o ndik soom nu andafulu no keene, ndaa no ñaal naa o Yaal oxe Yeesu a nomtooxiidkaa, xan nu mbi a in kañoor nuun ne i mbi’itna a nuun kañoor in.

2 Korint 5:12

Refee yee kaa i mbokatahinaa a qoox in fa nuun, ndaa kaa i mbug nu njeg kaa nu mbakoorna na in. Yaaga, xan nu mbaag o ndoon we na mbakoortaa ke yulna a ngid, a mbañ ke saxna no xeeñ.

Filip 4:4

Naangyo o mbelakinooxaa kili no Yaal oxe, kaam ee naangyo o mbelakinooxaa!

Filip 3:3

We nqucooxna tigi ndefu in we na mbaɗoortaa a Roog Yiif le ten, in we a tagas in a refna na Kiristaa Yeesu, in weeke ndooneerna yaakaar in no cer.

Filip 4:10

Jegaam o ɗaay o maak no Yaal oxe kam xeeñ es, yaam ne nu umbatinna o mbeq nuun fa mi. Andaam koy ee nu miñaan o mbosoox, o daaw rek nu njeg’afuleeru.

Filip 3:1

Fog es, mbelakinooxyo no Yaal oxe. Dapatinaa leng kut ke no leetar oleeke xijliraam, too ten na saƭakinaa a nuun.

2 Korint 7:6

Kaa koy, Roog fee refna o yaayaal no we neewna doole, a yaaltiida a in a Tiit, ye ta fadiidna me in.

YEGIL MBAAX NE YEESU ne Saŋ a bindtuuna 16:24

Boo ndiik nu nqeɗtee gon es. Nqeɗyo, too xan nu ci’el, ndax o ɗaay nuun a ñak sik.»

YEGIL MBAAX NE YEESU ne Saŋ a bindtuuna 16:22

Nuun itam, nuun wey na naqad, ndaa xan i ndakoox o nga’ir, too a koom nu may fo o ɗaay. O ɗaay olaaga koy, o leng waagkiran o suqit na nuun.

A kim ale na kim ake 5:1

O cigeen es, o toog es, mexe garaa na ƭing es, ɓooriid miir fee mi fo qeeñe-xeeñe ke mi, ɓaƈit xef es, ñaam suum ke, yer biiñ es fo fo sis es. Nuun qaariit ke, ñaamyo boo ngiñ, yer mbug ne boo mbay nep.

2 Korint 7:4

Jegaam a koolax a maak na nuun, ta refat sax o wooƥ o fakoor es na nuun. Kaam ee, mayaam fo xa yaaloorand, may muut fo o ɗaay kam coono ke in fop.

2 Korint 7:14

Wariim o sed o fakoor a nuun o ndik mbaambir Tiit, yaam ndiiki a xoola yee ndigil layum. Ne i laytaa layit a nuun ndigil ne, neene o mat ke i mbakoortaa na nuun mbaambir Tiit a reftu ndigil.

Galati 6:4

Oxuu refna, a pi um a waru o horooxaa. A soƥangaa yee no ke ta fi’aa a jega kaa waaguuna o ɗaayand, fat a liiƥoor fa xoox um, a waas a jaambuur.