Filip 1:23 - NQAARIIT NE ROOG

²³ Me ta refna kaam gid a ƭak: Kaam tayaa o sutoox adna feeke, ret ñoowik fa Kiristaa, too a wooraxam ee ten moƴu.

Filip 1:23 Referans Kwoze

2 Korint 5:8

Kaam ee, kaa i may fo njambaar, too mbugat sax o sutoox cer keene, ngenik paam o Yaal oxe.

A kim a tedu ke 17:15

Mi o mat, o cofel xan a tax um ga mukit of, too um yokooxangaa, xam ɗeetaa o mem of boo deyƭoox.

Mbeeñil 14:13

Cinj kaaga, nanaam o ñuxur olaa inoorna na asamaan, a layaam ee: ‹Bindi keeke: We na nqonaa no Yaal oxe no ke xotitna ndiiki a ƭaaya! Yiif le Roog a yegnita yee keene ndigil oo: Xan a mbaagat o ñootnoox no calel ƭomu ke da ngomoogna, yaam a pi den xan a ndeefan a den.› »

A pi ake 7:59

Neeke mat Eceen a xeɗtoogu ye da ndooman a kac: «O Yaal oxe Yeesu, jaɓi o laaw es!»

YEGIL MBAAX NE YEESU ne Lik a bindtuuna 23:43

Yeesu a doonaan ee: «No ndigil, mexe layang ee: Xaye fee xaye sax o rok fa mi kam arjana.»

2 Timote 4:6

Mi o mat, andaam ee mbaal ndurane sadax refum, too hap es a fadiida.

YEGIL MBAAX NE YEESU ne Saŋ a bindtuuna 17:24

Faap, kaam bug muu refuuma we lasaxamoona a moof fa mi, ndax da nga o ndam es, refna onqe ci’axamoona, yaam kaa o fexaam yaaga adna ferooxafulee.

YEGIL MBAAX NE YEESU ne Saŋ a bindtuuna 12:26

Oxuu na dagooxaxam, fat a reefaam. Muu refuuma, maaga o tag es a refkaa. Oxuu na dagooxaxam, xan Faap es a niwin.»

A kim a tedu ke 49:15

Kaa maƥel nen paal, a njagin jaaniif, fa nqon a gayaa a den. Wiin jofu we xan a nduut a den no feet olaa, o mosel den a sooƴ kam gamb le na saŋkax ale, da ngoƭ ngenand den.

1 Tesalonik 4:17

Cinj kaaga, in we ta soƥkaa i ñoowaa, xan i yoɗooxandoor fa den kam a eel ake, nqetik fo o Yaal oxe took, soo ndef fo ten boo kili.

YEGIL MBAAX NE YEESU ne Saŋ a bindtuuna 14:3

Boo retuuma, boo nu njeg maa nu moofna, xam nomtooxiid, xot a nuun, ndax me um refkaa, nu ndef maaga nuun itam.

YEGIL MBAAX NE YEESU ne Lik a bindtuuna 12:50

Kaam war o jaɓ batiise fa ƭomu, ndaa bug’iim o ñaam jamaane es too fadninum.

1 Tesalonik 2:13

Ten taxu, i ngen no ƥoxotaa a Roog o ngidim, yaam nu ndamtee Yegil mbaax ne ten i nannoorna, nen fa lay faa sutoorna no don no kiin soom. Kaa nu ndamtin nen fa lay fa ndigil fee Roog. Fa lay feene koy na jalaa kam a qeeñ nuun, nuun we ngimna.

YEGIL MBAAX NE YEESU ne Saŋ a bindtuuna 13:1

Yaa Xew faa na colandax alaa a faambnooxna, Yeesu a anda yee waxtu um a fadiida, ta war o inoor na adna feeke, a jof maa Faap um. Ne ta fexna wiin um we na adna fee, a fadnatina o mbeq um fa den.

YEGIL MBAAX NE YEESU ne Lik a bindtuuna 8:38

O koor oxaa cini kaa a sutoorit’ina kaa xeɗooxoogu, ndax ta yoon fa Yeesu, ndaa Yeesu a heblaan ee:

1 Tesalonik 2:1

Fog es, nu andooda yee i ñaaƴiidee o jaf kasaara me nuun.

2 Korint 6:12

Refee muk ee in mbeganu a nuun a qeeñ in, ndaa nuun o mat mbeganu a in ake nuun.

2 Sami’el 24:14

Dawid a doonaan ee: «Mi koy de jaaxɗaam lool, ndaa koy, o yen na xa ƥay no Yaal oxe moƴanaxam o yen no axe no wiin we, yaam o Yaal oxe a naaga o yirmaa.»

Filip 1:24

Kaa koy, na seek a lakas ale, ke moƴna o jeg o njiriiñ refu um ñak o xon ndiiki, yaam nuun.