Filip 1:22 - NQAARIIT NE ROOG

²² Kaa koy, o ñoow es a jegangaa no calel ke mi o njiriiñ, ga’iim kaa moƴuuna.

Filip 1:22 Referans Kwoze

1 Piyeer 4:2

Yaaga koy, no ngap onqe yoqna no ñoow nuun, naangyo o ñoowaa no bug ole Roog, ndaa baa ref no ke wiin we a yaawaa.

Galati 2:20

Refatee yee mi na ñoowaa, ndaa Kiristaa na ñoowaa na mi. Kaam ee um naagangaa o xuƥaa ndiiki sax oo, no ngim no Ƥeenqe Roog um ñoowaa, ten fee fexaxama boo a ɓoxot o ñis um yaam mi.

Filip 1:24

Kaa koy, na seek a lakas ale, ke moƴna o jeg o njiriiñ refu um ñak o xon ndiiki, yaam nuun.

A pi ake 3:17

Ndiiki koy fog we, andaam ee o ñak-o-and taxu nu mbi’in, nuun fo we kelfa’na a nuun,

2 Korint 10:3

Ndigil oo fe, nen njer no kiin i ñaaƴtaa, ndaa koy i naangee o ñoxorteel ngiin in.

A kim a tedu ke 71:18

Wo Roog, ba o xaƴaam, yaa nogoyuuma soo fuum. Yaaga xam waag o yegin suk ke na ngaraa doole of, we na ndeefkaxam, um yegin a den katil of.

Kolos 2:1

Kaam bug nu and xil ne um gomriteel yaam nuun fo yaam we ndefna kam teeru fee Lawodise fo yaam fop we andoona sax ee a kid in mosee o ndoonoor,

O leetar ole Pool a bindna GIMU WE NGENNA ROM 11:2

Roog deɓee xeet um feene ta jilna yaaga. Mee ndax nu anda a paax ke a Pind a Tedu ke a layna, na betandax ale me o tuleer Eliya a ɗomatoortoogna a Isra’el mbaambir Roog,

A sutax ale 32:1

Ye xeet fee a nga’na yee Moyiis a miña took o joong ole too fudooxiidee, a mbokatoora maa Aaroon, a layin ee: «Inooxi, fi’an a in roog kaa na mbugko ñaaƴaa mbaambir in, yaam Moyiis feeke, o koor oxe sutna a in no saax le Misira, i andee ke daluuna.»

Mberaand 39:8

Yoseef a faña, a doon o tew oxe no yaal mbind um ee: «Ga’i, o yaal mbind es andaniraam dara kam mbind ne, kaa jolna keene o jeg um fop ta doonin no ɓay es.

Mberaand 21:26

Abimelek a doonaan ee: «Andiim oxaa fi’na kaaga de, yegniraamo o ten, too mi fa xoox es mexey sogan o yeg xaye.»

O leetar ole Pool a bindna GIMU WE NGENNA ROM 1:13

Fog es, bugaam nu and ee kaam hebooxaa o xalatooxiid a nuun kili, ndax calel es a nqay me nuun, ne da nqayitna a ndeer qeet lakas ke, ndaa boo xaye, kaam maad o dikoox.

Filip 1:23

Me ta refna kaam gid a ƭak: Kaam tayaa o sutoox adna feeke, ret ñoowik fa Kiristaa, too a wooraxam ee ten moƴu.