Filip 1:21 - NQAARIIT NE ROOG

²¹ yaam Kiristaa refu o ñoow es, soo fa nqon a ref o ndam na mi.

Filip 1:21 Referans Kwoze

Galati 2:20

Refatee yee mi na ñoowaa, ndaa Kiristaa na ñoowaa na mi. Kaam ee um naagangaa o xuƥaa ndiiki sax oo, no ngim no Ƥeenqe Roog um ñoowaa, ten fee fexaxama boo a ɓoxot o ñis um yaam mi.

2 Korint 5:8

Kaam ee, kaa i may fo njambaar, too mbugat sax o sutoox cer keene, ngenik paam o Yaal oxe.

2 Korint 5:1

A woora a in ee ƭiif in neeke no lanq ke, ta ref cer in, a yaqooxangaa yoo, i njega na asamaan mbind naa Roog a geekanna a in, ta ref cer aa-asamaan. Kaa ref ngenand njegee muukandoong naa o ɓay no kiin a maxeerna.

Filip 1:23

Me ta refna kaam gid a ƭak: Kaam tayaa o sutoox adna feeke, ret ñoowik fa Kiristaa, too a wooraxam ee ten moƴu.

Kolos 3:4

Yaa Kiristaa fee refna o ñoow nuun a feeñkaa, nuun itam, xan nu mbeeñ fo ten no ndam.

2 Korint 5:6

Kaa i may boog fo njambaar kili, too i anda yee feek in we ñoowaa no cer in keene, i matafulee ngenand ne no Yaal oxe.

Filip 1:20

Kaam cungaa rek, too yaakaaraa yee jegkiim gaci. Feek naa moofum, too boo kili, xan Kiristaa a ɓoxotel o ndam no cer es fa doole, ta ref um sutel kaso mbaat um wartel teen,

Mbeeñil 14:13

Cinj kaaga, nanaam o ñuxur olaa inoorna na asamaan, a layaam ee: ‹Bindi keeke: We na nqonaa no Yaal oxe no ke xotitna ndiiki a ƭaaya! Yiif le Roog a yegnita yee keene ndigil oo: Xan a mbaagat o ñootnoox no calel ƭomu ke da ngomoogna, yaam a pi den xan a ndeefan a den.› »

Galati 6:14

Mi o mat, a refangeerna a kurwaa le no Yaal in Yeesu Kiristaa, bugiim o fakoor lakas. Ke yaawooguuma na adna fee fop, yaawatinum, yaam kaam nand nen oxaa xonna, too a kurwaa le Kiristaa soom taxun. Ñoowtatiim ne adna fee a ñoowtaa, too adna fee ñoowtee ne um ñoowtataa.

1 Korint 1:30

O ten doonu a nuun na Kiristaa Yeesu. Kaa Roog a fi a Kiristaa ta ref na in o jeg-yiif fo o cofel fo o tedel fo a bateer,

Filip 2:21

Fop, ke faaxna na qoox den rek a mbaaƭaa, a mbañ o mbaaƭ ke jofna na Yeesu Kiristaa.

1 Korint 3:22

ta ref Pool, Apolos fa Kefaas, adna fee, o ñoow ole, fa nqon fee, ke ndiiki fo ke na garaa. Keene fop, nuun njegun,

Filip 1:22

Kaa koy, o ñoow es a jegangaa no calel ke mi o njiriiñ, ga’iim kaa moƴuuna.