Filip 1:19 - NQAARIIT NE ROOG

¹⁹ Andaam ee keene fop, a muc es rek a ɓisiidkaa, na pexey a qeƭ nuun fo Yiif Tedu le Yeesu Kiristaa na dif’axam.

Filip 1:19 Referans Kwoze

O leetar ole Pool a bindna GIMU WE NGENNA ROM 8:28

I anda yee Roog kaa jalaa no ke na xewaa no ñoow no we mbexuuna fo no we ta xoyna no yuuƥ um fop, ndax ta rim o njiriiñ na den.

A pi ake 16:7

Ye da mbadiidna paam o jegel olaa Misi, a njeemooga o ndok kam Bitini, ndaa Yiif le Yeesu ci’iran a den.

2 Korint 1:11

Nuun itam, nu langantangaa a in fo a qeƭ, yaaga xan Roog a jaɓ a qeƭ ake wiin mayu a nqeɗanaa a in, too xan a ci’it a in teen yirmande. Neene, xan wiin mayu a ngidim a Roog itam yaam in.

Galati 4:6

Ne nu ndefna xa ƥiy xa time taxu Roog a luliid Yiif no Ƥeem kam in. Yiif leene koy na falalooxaa yee: «Aba, Faap!»

O leetar ole Pool a bindna GIMU WE NGENNA ROM 8:9

Nuun o mat, nu ndeefee ke cer nuun a mbugna, ndaa ke Yiif le Roog a bugna, yaam kaa Yiif le Roog a gen na nuun. Oxuu jegeerna Yiif le Kiristaa koy, fogee no ten.

1 Korint 4:17

Keene o mat taxu um luliid a Timote me nuun, ten fee refna o ƥees o ngore’u no Yaal oxe. Boo ta garna xan a wetand a nuun me dakuuma fa Kiristaa Yeesu fo ne um jangnitaa a ndeer pokatax ke no gimu we fop.

1 Piyeer 1:11

Kaa mbaaƭoogu maa da nga’itna a mban fo nam ke Yiif le Kiristaa reeƭna na den a lalitna. Yiif leene a yegnita padafuleer no coono ke nar’ina o ndal a Kiristaa fo o ndam onqe na doonooxkaa teen.

Galati 3:5

Oxe ci’na a nuun Yiif um too a fi’aa a pi katil a mayu a ndeer nuun, ndax kaa fi’an yaam ne nu ndeefaa ke kebil ke a layna, ndi yaam ne nu nanna Yegil mbaax ne too ngimin?

Filip 1:18

Refee dara, yaam ta ref fo yiif xoolu mbaat fo yiif xooleer, Kiristaa kaa moƴ o yegniteel: Sawaraam teen lool, too xam felakinooxahin teen.