Filip 1:15 - NQAARIIT NE ROOG

¹⁵ A ndeer den a jega waa na yegnitaa a Kiristaa yaam a siisaxam, a mbug o ƥisiid ñimatir. Kaa koy, a jega lakas waa na mbaare’aa yaam a ngeboox paax ƥor.

Filip 1:15 Referans Kwoze

Filip 2:3

Baa eetatir a ɓek a nuun na dara, mbaat nu mbi’aa tig ee ndax nu ƥoxotel o ndam o njegee xoox. Fat a neewandax a ref na nuun, nu ƭeetaa lakas we nen gartu a nuun took.

2 Korint 11:13

Wiin weene apootar maamaaɓ a ndefu fo jaajal laalaal waa mbi’ooxna apootar Kiristaa.

2 Korint 4:5

Ii, refee yee a qoox in i mbaare’aa. Kiristaa Yeesu fee refna o Yaal oxe o mat i mbaare’aa, soo yegnaa a nuun ee faɗ nuun i ndefu yaam Yeesu.

2 Korint 1:19

Kaam ee, Yeesu Kiristaa fee o Ƥeenqe Roog i mbaare’na a nuun, too waare feene a hat na mi Pool fa Silwe fa Timote, ndax «ii» fa «ha’aa» a refu, mee ndax «ii» soom saxu no ten?

Mace 23:5

Kuu da mbi’aa, kaa mbug soom wiin we a nga a den. Kaa ndokooxaa a safe yaaju fo a ndoki maak akaa njegna pic.

1 Timote 3:16

Kunpa fee no reef a Roog tig maak oo: Roog kaa xawoox, a ref o kiin. Yiif le Roog a lalta yee a jofa, malaaka ke a nga’in, ta waare’el adna fa muum. Mayu na adna fee a ngimaan, cinj kaaga, ta yoɗel, a sipel kam o ndam um.

Galati 2:4

A jeg’a koy waa ƥerexoogna a ndeer in, too ndeeƭee gimu. Weene o mat mbug’u o nqucnoor a Tiit. Kaa ƥerex a ndeer in ndax da ngoroox o daaw ole i njeg’ina na Kiristaa Yeesu. Kaa mbug’u o ƥakand a in no mbaƭ ne kebil ke a ndalinna,

2 Korint 12:20

Mi de, kaam diidaa rek o ñak o soƥ a nuun ne bugtuuma, nuun oo, nu nqetoortaam ne nu mbugteerna, yaam ke um soƥiidaa: Qasir fo ciisir fo puuxir fo ngendandoor fo layir paaxeer fo ñu’ir fo o nga’atinax fo o samar ole fi’na yook.

1 Korint 13:3

Waag’aam o lasit ke jeguuma fop itam, ndax rool we a njeg kaa da ñaamna boo um fakooxaa, ndaa um jegangee o mbeq, keene fop ɗaxkoogee dara.

1 Korint 1:23

ndaa in o mat, i mbaare’aa a Kiristaa fee rengeena took a kurwaa, a ref a panq no Yaawuur we, we ndefeerna Yaawuur a mbi’in ñaku xoox.

A pi ake 11:20

Na pe akaaga, a jeg’a a ndeer den gimu leng-leng waa ngen’ina Sipere fa Kireen. A mbadiida Ancook itam, a layaa fo we ndefeerna Yaawuur, too a mbaare’aa a den Yegil mbaax ne no Yaal oxe Yeesu.

A pi ake 10:36

Nu anda fa lay fee Roog a lultiidna xeet fee Isra’el, ta ref Yegil mbaax ne na ci’taa jam na pexey Yeesu Kiristaa, refna o Yaal no fop.

A pi ake 9:20

Ndak fo ndak, a waare’ooga kam pind a qeƭ kaa yee Yeesu refu o Ƥeenqe Roog.

A pi ake 8:35

Maaga Filip a dalfooxa o kaf fa lay faaga na Esayi, a ref no tektan Yegil mbaax ne no kaa farna na Yeesu.

A pi ake 5:42

Ñaal nuu refna, kaa maad’u o mbokatooraa kam Mbind Roog naa fo kam pind ke, a njangnaa, a yegnitaa Yegil mbaax ne yee Yeesu refu o Muumucil oxe regteena.

A pi ake 8:5

Filip a reta na teeru fa maak faa Samari, a waare’aa maaga kaa jofna na Kiristaa fee, o Muumucil oxe regteena.

O leetar ole Pool a bindna GIMU WE NGENNA ROM 2:8

Xan fuux le Roog fo a qaw ale ten a ndal took no we na mbaaƭaa o njiriiñ a qoox den soom, a nanaƭaran ndigil ne, soo a njaɓan njofaƭar ne.