Filip 1:11 - NQAARIIT NE ROOG

¹¹ Xan nu may fo xa tim xa cofu xaa ngatna na Yeesu Kiristaa, ndax Roog a ɓoxotel o ndam, a simatel.

Filip 1:11 Referans Kwoze

Hebre 12:11

Boo i yareel koy, kaa nandaa a in na waxtu faaga sax nen naqad, naagee o nandaa a in muk nen o ɗaay. Kaa koy, no mbaambir naa, we njagandan’eena fa yar feene, a naanga o nqottaa teen jam fo o cofel.

YEGIL MBAAX NE YEESU ne Saŋ a bindtuuna 15:8

Faap es xan a ɓoxotel o ndam, yaa nu mayna fo xa tim. Neene nu ndefitkaa daalbe es itam.

Kolos 1:10

Yaaga, xan nu mbaag o ñaaƴit ne o Yaal oxe a bugtuuna, xeeñ um a let na nuun, nu saqik a pi a paax a pagatar, maakit o and a Roog.

Filip 4:17

Refee koy ee um gindaa ci’it keene. Ke um waaƭaa kañ refu xa tim xa mayu xa paax axe na sutooraa no ñoow nuun.

Kolos 1:6

Fa lay feene oxe na nuun, a ref itam na adna fa muum. Kaa rimaa, a maakaa. Neene a reftu refit a ndeer nuun, a xotit no ñaal naa nu eeteena o yegin yirmande Roog, andin ndigil.

O leetar ole Pool a bindna GIMU WE NGENNA ROM 6:22

Ndiiki koy nu sute na bakaad, soo ndefat faɗ Roog. O rim nuun a refata o ñoowooƭ o tedu, soo muj nuun a refat o ñoow o fagkeer ole.

Esayi 61:11

Yaam ne lanq ke a suttaa col ke mbaat ne a ƭing a saxnitaa ke duufeena teen, neen o Yaal oxe na refkaa boo faw a saxnitkaa o cofel fo a simat mbaambir a saax ake, ne da mbodeena fop.

1 Piyeer 2:9

Nuun o mat, kaa nu ndef xeet fa njile fee, saasadax no Maad oxe, ƥasil tedu ne, xeet fee Roog a watna. Roog kaa jil a nuun, ndax nu yegnitik calel mosu ke ten, ten fee xoyitna a nuun no niɓaan ole, a ɓek a nuun na qoolaand a maak ale ten.

2 Tesalonik 1:12

Neene, xan gon le no Yaal in Yeesu a ɓoxottel o ndam na nuun, soo nuun itam, nu ƥoxotel o ndam no ten, na pexey yirmande fee Roog in fo no Yaal oxe Yeesu Kiristaa.

Efees 5:9

Yaam a qoolaand ale o mat, kaa rimaa o paaxel oluu refna fo o cofel fo ndigil.

Efees 1:14

Yiif Tedu le kaa ref a ƭegeer njigand no paax ke Roog a geekanna a in. Kaa woornaa a in ee xan i pokoox keene fop, yaa a bat ale in a fadnooxkaa. Neene, xan o ndam onqe Roog a simatel.

1 Korint 10:31

Ta ref na ñaam mbaat na yer mbaat no lakas, mbi’yo fop na tedaanga Roog.

Mace 5:16

Neene a qoolaand ale nuun a waru o xoolit mbaambir no wiin we, ndax da mbaag o nga a pi a paax ake nuun, soo a ƥoxot a Faap nuun fee refna na asamaan o ndam.»

1 Piyeer 4:14

Boo nu mbeneena yaam gon le Kiristaa, nu ƭaaya. Yiif le saqna o ndam onqe, refna ref Yiif le Roog, oxey took nuun.

1 Piyeer 2:12

Ndeer gimaƭaru we, saqyo a pesoorooƭ a paax, ndax muu da njambitna a nuun nen waa na mbi’aa paaxeer, da nga a pi a paax ake nuun, too a simat a Roog na bes fee ta xalatooxiidkaa a den.

1 Piyeer 2:5

Nu mbi’angaan, xan nu njokel, nuun fa qoox nuun, nen a ƥil a ñoow a maxir, ndefik ngenand Yiif le Roog. Kaa nu ndef saasadax Roog, ndax nu mbaag o ƥoxotan sadax katu na yiif nuun, da mbelin na pexey Yeesu Kiristaa.

Efees 2:10

Yaam Roog saku a in, a fokat a in na Kiristaa Yeesu, ndax i ngen na pi a paax akaa Roog a jagandanna a in yaaga.

Efees 1:12

Fat i simat boog o magnel ole Roog, in Yaawuur we ndoonna yaakaar in na Kiristaa yaaga garafulee.

2 Korint 9:10

Oxe na cooxaa o tuuduuf oxe ax, soo a ci’in mbuuru ñoowir, xan a las a nuun, a mayƭand ax nuun, too xan a moƴ o mayƭand xa tim o cofel nuun.

YEGIL MBAAX NE YEESU ne Saŋ a bindtuuna 15:16

Refee koy ee nuun njilaxam, ndaa mi jilu a nuun, doon teen dalin a nuun, ndax nu saqik xa tim, xa tim axe a ngen na nuun, ndax kuu nu nqeɗna a Faap fee no gon es, ta ci’in a nuun.

YEGIL MBAAX NE YEESU ne Saŋ a bindtuuna 15:2

O par oluu saxna na mi, soo a fañ o rim, xan a ɗegin. Oluu na rimaa teen koy, xan a calasin, ndax ta moƴ o rim.

Esayi 61:3

Kaa ñaawooxaa a Siyoŋ, ndaa o jaf es refu um supit naqad den o ɗaay o jegee hap, ndaw ke na qoox den, um suptin tañalax mosu, ñaawax den, um suptin diwliin o mbelakinax, soo yiif naqadilooxu le den, um suptin ndoki simatir. Maaga, xan a nqoyeel pudaay ke no cofel ole fo a ƭing ale no Yaal oxe na feeñlaa o ndam um.

Esayi 60:21

Xeet of fop xan a ndef jofu, a njeg saax le boo kili, den we ndefna tuufe-duufe kaa na saxaa kam a ƭing es, a ndef we saktuuma xa ƥay es ndax da lalit o ndam es.

A kim a tedu ke 1:3

Oxeene kiin kaa ref nen ndaxar njimbe paam o ƈufnand foofi, a rimaa na waxtu um, a gen no neepaa kili. No kuu ta rokna rek, xan a ñaaƴ.

Esayi 5:2

A jiqta lanq ke maaga, a watin a kac ake soo a jimb teen taxar biiñ pelu. A maxa a ndeer ee ndeer ale o yetooxand soo a waq kam faa o nirir. Kaa yaakaaroogu yee a ƭing ale xan a rim xa tim biiñ xa safu, ndaa koy, ke ta rimna jaɓee no don.

O leetar ole Pool a bindna GIMU WE NGENNA ROM 15:28

Um fadnangaa calel keene boo ɓoxot o ndimle nqeene daawuuma, xam reeftiid me nuun, soo suurkaa Espaañ.

Tiit 3:14

Wiin in itam a mbara o aqatoox a pi a paax, a njalaa, ndax da ƭaxaa soxla fuu refna. Keene refu a pi a qatkeer.