Filemon 1:7 - NQAARIIT NE ROOG

⁷ O pog es, o mbeq of a ɗaaynooraxam lool, too a saƭakinaxam, yaam na wo, xeeñ le no tedu we a daltu.

Filemon 1:7 Referans Kwoze

2 Korint 7:13

Keene riimand’u a qeeñ in. Refee soom ee a yaalax i ndaawu, ndaa i moƴ’a o mbelakinoox itam yaam o ɗaay ole Tiit a jegit’ina na nuun, nuun we ndalin’ina xeeñ um.

1 Tesalonik 3:9

Kaam ee, ndiiki i mbaaga o ngidim a Roog a paax no ɗaay ole i njegitna na nuun mbaambir Roog in.

2 Korint 7:4

Jegaam a koolax a maak na nuun, ta refat sax o wooƥ o fakoor es na nuun. Kaam ee, mayaam fo xa yaaloorand, may muut fo o ɗaay kam coono ke in fop.

Filemon 1:20

Ii, o pog es, mexe xeɗang o ci’aam, um daawit keene na wo yaam o Yaal oxe, too o dalin xeeñ es na Kiristaa.

1 Tesalonik 2:19

Kaam ee, an i yaakaaru o njegit no ten o ɗaay fo a kañax nen o ndip? Mee ndax nuun soom a refkaa mbaambir no Yaal in Yeesu, na waxtu fee ta nomtooxiidkaa?

2Saŋ 1:4

Ye ga’uuma yee a jega na xa ƥeef waa na ndeefaa ndigil ne Faap fee a hebilna a ndeer in, sawar’aam lool.

2 Timote 1:16

Yaasam o Yaal oxe a xayand yirmande um kam mbind Onesifoor. Yaaloortaam no ten a caf a mayu, too kaso fee refuuma fi’iran gaci.

1 Tesalonik 2:13

Ten taxu, i ngen no ƥoxotaa a Roog o ngidim, yaam nu ndamtee Yegil mbaax ne ten i nannoorna, nen fa lay faa sutoorna no don no kiin soom. Kaa nu ndamtin nen fa lay fa ndigil fee Roog. Fa lay feene koy na jalaa kam a qeeñ nuun, nuun we ngimna.

1 Tesalonik 1:3

I ñakee o mbetandooxaa a nuun na qeƭ in mbaambir Roog Faap in yaam o ngim nuun o laltinooxu nqe fo o mbeq onqe nuun na jaflaxnooraa a nuun fo yaakaar mbooru ne nu njegna no Yaal in Yeesu Kiristaa.

1 Korint 16:18

boo da ndalin yiif es ne da ndalnitna ake nuun. Kaam ee ngela ndamityo wiin nandu neene ƥay ƭik.