Filemon 1:22 - NQAARIIT NE ROOG

²² Mexe xeɗang itam o jagandanaam maa daluuma, yaam yaakaaraam ee xan Roog a jaɓ a qeƭ nuun, boo um waag o soƥiid a nuun.

Filemon 1:22 Referans Kwoze

Filip 2:24

too koy, jegaam yaakaar tigi no Yaal oxe yee mi itam, ndiik um gar.

2 Korint 1:11

Nuun itam, nu langantangaa a in fo a qeƭ, yaaga xan Roog a jaɓ a qeƭ ake wiin mayu a nqeɗanaa a in, too xan a ci’it a in teen yirmande. Neene, xan wiin mayu a ngidim a Roog itam yaam in.

2Saŋ 1:12

A jega lakas mayu kaa buguuma o lay a nuun, ndaa bugiim ta ref no leetar. Ke moƴanaxama refu um gar i njasnoor lay, o ɗaay in a ñak sik.

Saak 5:16

Ten taxu, um layaa a nuun ee: Mbeejliryo pakaad nuun, too nqeɗanraa a Roog itam, ndax nu mbod. A qeƭ no kiin o cofu a jega doole lool.

Filip 1:19

Andaam ee keene fop, a muc es rek a ɓisiidkaa, na pexey a qeƭ nuun fo Yiif Tedu le Yeesu Kiristaa na dif’axam.

A pi ake 28:23

A ndama bes, too yaa bes faaga a fadna, mayu a soƥiida a Pool me ta dal’ina. No kaa xotitna no nqes naa boo no yaar olaa, Pool a yegnooga a den Maat ne Roog, soo a jeemaa o gimnoor a den no kaa farna na Yeesu, ye ta tektaa a den ke bindeena kam kebil ke Moyiis fo kam a safe ke no duleer we.

3Saŋ 1:14

Kaam bug o cung bo i njasnoor, yaam Roog a fi’angaan, ndiiki um ɗeetiid a nuun. A koom, xan i mbaag o layit fop.

Hebre 13:23

Kaam bug nu and ee o pog in Timote a sute kaso. A teelangaa o gat, xam yooniid fo ten, ɗeetiid a nuun.

Hebre 13:19

Mi fa xoox es koy, kaam bug nu nqeɗanaam ndax Roog a ci’aam o wooƥ olaa taxna um ñof o nomtooxiid paam nuun.

O leetar ole Pool a bindna GIMU WE NGENNA ROM 15:24

Bugaam o fi keene yaa um retaa Espaañ. Yaakaaraam o ga a nuun, yaa reefiiduuma meene boo daaw o ndimle nuun, ndax um waag o suur no saax leene, ta ref itam o wooƥ olaa um waagkaa o moofit fa nuun boo ñaal leng-leng.

A pi ake 27:24

‹Pool, ba o saɗar! Xan o geenoox mbaambir Kesaar fee. Roog kam o paaxel um a ci’aang o ñoow, wo fo fop we yoontoona na kaal ale.›