Filemon 1:16 - NQAARIIT NE ROOG

¹⁶ Yaam ndiiki, refatee o paɗ soom, ndaa oxaa hupna o paɗ. O pog of o paax oo na Kiristaa. O pog es o paax oo itam, ndaa a waraan o moƴ o ref na wo, yaam ne nu andirna yaaga, ndoon teen mbogat no Yaal oxe.

Filemon 1:16 Referans Kwoze

Kolos 3:22

Nuun faɗ we, nananyo yaal pind nuun no kuu refna na adna fee. Keene koy, baa ref soom na kid den nen waa na mbaaƭaa kaa felna wiin we. Fat nu mbi’an fo xeeñ galagee dara lakas, a refangee o saɗar o Yaal oxe.

Mace 23:8

Nuun o mat, ba nu ne’oox ‹O caajangin o maak!›, yaam o leng soom refu o Caajangin nuun. Nuun fop, fog nu ndefu.

1 Timote 6:2

Fat fop we andoona yee yaal pind den a ngima, a mbañ o nqeef yaal den weene, ee yaam a ndamtin na: «Fog i ndefu.» Fat a moƴ o njalan a den sax, yaam ne da ndefna wiin gimu, too a ndefat waa na mbaaƭaa maa da mbi’anitna a den paax. Jangni keene, too maƭin wiin we.

1 Korint 7:22

O paɗ oxe o Yaal oxe a mucilna, a jega a xoox um no Yaal oxe, too oxe andoona yee kaa jeg’u a xoox um, Kiristaa a muclangaan, o paɗ um a refataa.

Hebre 3:1

Ten taxu, nuun o fog ole no tedu we, nuun we Roog a xoyna, ƭeetyo na Yeesu fee Roog a luliidna, ndax ta ref o saasadax o maak no ngim onqe i mbeejlaa.

A pi ake 9:17

Anañaas a inooxa, too ye ta fadiidna no mbind ne, a doona xa ƥay um took Sool, a layin ee: «O pog es Sool, o Yaal oxe Yeesu Kiristaa, feeñoox’oonga na ƭat ale ye o garaa, luliidaxam ndax o ga’atin, too may fo Yiif Tedu le.»

1Saŋ 5:1

Oxuu gimna yee Yeesu refu Kiristaa fee, o Muumucil oxe regteena, o ƥiy o ndimte na Roog a refataa. Oxuu fexna a Roog fee rimuuna, a fexa itam we ndimteena no ten.