Filemon 1:1 - NQAARIIT NE ROOG

¹ Mi Pool fee jengeena yaam Kiristaa Yeesu fa Timote fee o pog in, na mbindang o leetar oleeke. Wo Filemon fee fexuuma fex, too ref o yoon in no calel ke,

Filemon 1:1 Referans Kwoze

Efees 3:1

Ten taxu, mi Pool fee Kiristaa a taxna um wegel kaso yaam nuun, kaam gen no xeɗanaa a nuun a Roog, nuun we ndefeerna Yaawuur.

Filemon 1:9

ndaa ke moƴanaxama koy, um xeɗong no mbeq. Mi Pool, ke refuuma ref o nogoy fop oo, soo doon teen ref oxaa jengeena yaam Kiristaa Yeesu,

Kolos 1:1

Mi Pool fee Roog a jilna, a doonaam apootar Kiristaa Yeesu, mi fa Timote fee o pog in na mbindaa a nuun o leetar oleeke.

Filip 2:25

Ɗeetaam itam boo ga ee nomtiid o pog es Epaforodit cegu o njiriiñ oo. Ten itam, o yoon es no calel ke yoo, a gomreel nen a mi, nu luliidin me mi, ta ɓisiidaam ƭaxir soxla.

1 Korint 3:9

In, waa na njalaa fa Roog i ndefu, nu ndef a ƭing um. Kaam ee nuun ndefu itam tabax ñoow ne ten.

2 Timote 1:8

Yaaga koy, ba o sed o seede’aa o Yaal in mbaat yaam mi fee ɓekeena kaso yaam o ten. Geƈnooxi na doole fee Roog a cooxtaa, jaɓ o xij nen a mi, ndax Yegil mbaax ne a jof a paam.

1 Tesalonik 3:2

soo ngebliid a Timote fee o pog in no ngim onqe, too a ref o caajal Roog oxaa na waare’aa Yegil mbaax ne Kiristaa. Kaa i luliidin, ndax ta saƭkand a nuun, a saƭakin a nuun no ngim onqe nu njegna,

Kolos 4:11

Yeesu fee da lastitaa Yustus oo, oxe simnaa a nuun. Ndeer Yaawuur we, weene soom ndefu we na njalaa fa mi, ndax Maat ne Roog a joot. Yaaloor saƭku a ndefu na mi.

Filip 4:3

Wo itam, wo fee o yoon es o kore’u xe, koo dimle’i rew weene, yaam kaa ngomrel bo, nen a mi yaam Yegil mbaax ne, fa Kelemaa fo lakas we um yoontaa no calel ke, too a kon den a mbindel no safe le no ñoow ole.

Efees 4:1

Mi fee dameena kaso yaam Kiristaa, mexe maƭooxaa a nuun boog, ndax nu ñoowit ne Roog a bugtuuna no xoy o jegu njiriiñ ole ta xoyna a nuun.

2 Korint 1:1

Mi Pool fee refna apootar Kiristaa Yeesu ne Roog a bugtuuna, mi fo o pog nuun Timote na mbindaa a nuun o leetar oleeke. In we simnaa a nuun, nuun mbokatax ne no gimu we Roog ngenna na teeru fee Korint, nuun fo tedu we Roog fop ngenna kam o jegel ole Akayi.

Filemon 1:24

Mark fa Aristark fa Demas fa Lik, we ndefna yoon es no calel ke, den oo, owe simnang itam.

2 Tesalonik 1:1

Mi Pool fa Silwe fa Timote na mbindaa a nuun o leetar oleeke. Kaa i simnaa a nuun, nuun mbokatax ne no gimu we kam teeru fee Tesalonik, nuun we mbogna na Roog Faap in fo no Yaal oxe Yeesu Kiristaa.

Efees 6:20

Kaam ref oxaa Roog a lulna, ndax um yegnitaa Yegil mbaax neene, taxna um jengel ndiiki. Nqeɗyo boog, ndax Roog a ci’aam njambaar naa um layantan ne waranuuma o layit.

A pi ake 16:1

Cinj kaaga, Pool a fadiida Derbe, a suur Listeer. Maaga, a jeg’a o taalbe xaa ne’eena Timote, o ƥiy no tew o Yaawuur o kimu, too faap um a reeƭu o Keegeres.

Galati 3:26

Nuun fop, xa ƥiy Roog nu ndefu yaam ne nu ngimna na Kiristaa Yeesu.

Filip 1:1

Mi Pool fa Timote we faɗ Kiristaa Yeesu na mbindaa a nuun o leetar oleeke. In we simnaa a nuun, nuun tedu we Kiristaa Yeesu ngenna kam teeru fee Filip, nuun fop fo aa-adax nuun fo diidimle nuun.

Filemon 1:23

Epafaras, o yoon es oxe jengeena yaam Kiristaa Yeesu itam, oxe simnang.