Esteer 4:4 - NQAARIIT NE ROOG

⁴ Ye jeefeer we fo ɓuje we lingeer Esteer a ngarna boo a mbetandooxin ke xew’ina, Esteer a diida ƭomu. A lulta a Mordokay toki, ndax ta rokoox a den, a wol o saaku le, ndaa oxeene jaɓ’ee.

Esteer 4:4 Referans Kwoze

A kim a tedu ke 77:2

Mexe falalooxaa, o ñuxur es a nannooxaa maa Roog, kaam ee o ñuxur es ole nannooxaa maa Roog, too oxe nan-gilooxaxam.

Yeremi 31:15

Keeke o Yaal oxe a layu: «O wuuq a nane na saate faa Rama, ƭomatax fo xa lool xa ƭomu, Rakel na loolaa xa ƥeem too bugee o yaalel yaam maadatee.»

Esayi 56:3

O gataakoon ole damooxna no Yaal oxe waree o xalaat boog ee: «O Yaal oxe kaa xaajaam, a saytirandaam fa xeet um.» Baa o ƥuje xe a lay itam ee: «Ndaxar mbeeru rek refum»,

Esteer 1:12

Kaa koy, lingeer fee a faña o ret, ke o maad oxe a heblit’uuna fop oo a reefandin no ɓuje we. Took kaaga, o maad oxe a xaadooxa, a fuux boo a buɓaa.

2 Maad we 9:32

Yehu a daxaƴooxa farna fo falangteer olaa, a falaloox ee: «An faru fa mi meene?» Maaga, dag ɗik mbaat daduk waa mbod’ina took, a mbootnoortiida no falangteer olaa.

1 Sami’el 8:15

Xan a jangaa a seek xarɓaxayandeer ale no saxade le nuun fo na xa tim axe no taxar biiñ ke nuun soo a coox a den cawdiin ke ten fo dag um.

Mberaand 37:35

Xa ƥiy xa koor axe fo xa tew axe ten fop a ngara ndax da yaalin, ndaa a faña o yaalel. Kaa layoogu yee: «Kaam bugko ñaawooxaa o ƥees boo yaa um xonkaa, soƥkin jaaniif.» A refa no loolaa o ƥeem rek.

A pi ake 8:27

Filip a inooxa, a ret, too a jopra maaga fo o koor o ken’u no saax laa Ecopi. O koor oxaaga koy kaa yoomnoor’el, a ref jawdiin Kandaak fee tekitna o maad o tew oxe Ecopi, too a geekoogu a kamba le ten. Kaa faɗook’u a Roog Yeerusaleem,

Esteer 4:3

No jegel oluu yegnit ne no kebil ne no maad oxe a fad’ina rek, ta jeg naqadilax maak a ndeer no Yaawuur we. Kaa ngooroogu, a loolaa soo a ƭomatooxaa. Mayu na den a mbondooxooga took xa saaku xaa ƭaapeena no ndaw.

Esteer 4:5

Maaga, Esteer a xoya a Hatak, o leng no ɓuje we o maad oxe a coox’uuna, ndax ta jalanan, a lulin ta laamtankin a Mordokay xar tige a reeƭu fo xar garu fo ten.