Esteer 4:3 - NQAARIIT NE ROOG

³ No jegel oluu yegnit ne no kebil ne no maad oxe a fad’ina rek, ta jeg naqadilax maak a ndeer no Yaawuur we. Kaa ngooroogu, a loolaa soo a ƭomatooxaa. Mayu na den a mbondooxooga took xa saaku xaa ƭaapeena no ndaw.

Esteer 4:3 Referans Kwoze

Esayi 22:12

A koom, o Yaal oxe na refkaa boo faw Hupna fop kaa sim’u a nuun nu lool, ƭomatoox, nduusoox soo nderoox xa saaku,

Dañel 9:3

Maaga, xeɗaam o Yaal oxe Roog es, ƴufginooxin, yoonandtin koor, deroox o saaku, yipoox ndaw.

Esayi 58:5

Ndax keene refu koor ne buguuma, ñaal ne o kiin oxe a damna cer um? Yoorin xoox nen xeet, deroox o saaku, wondoox kam ndaw, ndax no ndigil keene nu nqoyaa koor, ñaal naa felna o Yaal oxe?

Esayi 22:4

Ten taxu um lay ee: «Mbaasaamoo pelek, nqaƴaamoo um lool boo torox. Ba nu njeemaam o yaal no njakad onqe na dalkaa o njaaƈ o ndoog onqe refna xeet es.»

Mace 25:30

Ndeɓyo o paɗ o cegee njiriiñ oxe tafil kam o niɓaan ole maa xa lool fo ƈaxrand a ñiiñ a ndefkaa.› »

Mace 22:13

Maaga, o maad oxaa a laya dag waa yee: ‹Ngumyo xa ƥay axe no kiin oxene fo a caf ake ten, too ndeɓin tafil fee kam o niɓaan ole. Maaga xa lool fo ƈaxrand a ñiiñ a ndefkaa.›

Mace 13:42

Xan malaaka ke a ndeɓ a den kam fiɗel fa saasu, maa xa lool fo ƈaxrand a ñiiñ a ndefkaa.

Esteer 4:16

«Reti o fokat Yaawuur we ndefna kam Suusaan fop, nu ngoor yaam o sagu es. Ba nu ñaam too ba nu yer boo ñaal tadik fo xa yeng den. Mi fo jeefeer we mi xan i ngoor soo um sogkaa o ret maa no maad oxe, ke bargal ke a ci’teeruuna fop oo. Um naagangaa xonkaa rek, um xon.»

Esteer 3:12

No ñaal xarɓaxay fo ñaal ndadkandeer ne no nqool o eetaand onqe, biibind we no maad oxe a nqoye. A mbinda xa leetar we ndefanna o maad oxe fo gofornoor ke na xa cegel axe fo we adooxanna qeet pogreer ke fop ne Haamaan a heblit’uuna. Kaa mbind’el na pindooƭ o jegel oluu refna no maat ne, xeet fuu refna no ɗelem um. Kaa mbind’el no gon no maad Asuwerus soo a mbegtel o ñaasir ole ten.

Esteer 1:1

Kene oxe xew’a na jamaane no maad Asuwerus fee maadooxoogna took xa cegel teemeed fo xa cegel qarɓeen ƭik fo xa cegel ɓetaa ƭaq, a xotit no saax laa End boo a damik no laa Kuus.

1 Sami’el 11:4

Waa lul’eena a mbadiida Gibe’a, na teeru fee Sawul a gen’ina, soo a lay xeet faa fop kaaga. Yaa xeet faa a nanna ke xew’ina, den fop a ndefa no mbaɗooxaa.

Esteer 4:2

Ye ta garna boo a jasnoor fo mbind no maad ne, a geenooxa, yaam o leng ci’’aand o rok teen, yaa ta derooxna o saaku.

Esteer 4:4

Ye jeefeer we fo ɓuje we lingeer Esteer a ngarna boo a mbetandooxin ke xew’ina, Esteer a diida ƭomu. A lulta a Mordokay toki, ndax ta rokoox a den, a wol o saaku le, ndaa oxeene jaɓ’ee.

Esteer 9:31

too teen Yaawuur we a ngebil’e o ndoofandaa Purim na waxtu fee ta hap’eena, ne Esteer fa Mordokay a ndaawnitit’uuna fo ne da ndalnanit’uuna a qoox den fo xa taan den. Kaa jolna keene, a jeg’a ke dalneena no koor ne fo no ƭomatax ke mbar’eena o mbadin na xew feene.

Yosuwe 7:6

Yosuwe a faara toki um, a gung a lanq mbaambir arka ne no Yaal oxe, a yipoox fo ut no xoox soo a yoq naaga boo no kirand naa. Maak we Isra’el itam a mbi’a leng kut ke.

Ke bindeena no xe ne’eena YOB 2:8

Yob a moofa no ndaw, a gis o faambaar olaa ta ñaxañooraa.

Heseki’el 27:30

Xan a ƭomatooxaa na muj fee wo, a mbuuq boo a torox. Xan a yipoox fo ut no xoox, a mbirkiloox kam ndaw.

Yoona 3:6

Yaa o maad oxaa Niniif a nanna ke xew’ina, a inooxa no uum-maamaad le ten, a wol lori um, a deroox o saaku, a moof no ndaw, ndax ta lalit ee a ricooxa.