Esteer 10:3 - NQAARIIT NE ROOG

³ A refangeerna o maad Asuwerus, jeg’ee kam maat ne oxaa hupna a Mordokay, o Yaawuur oxe. Yaawuur we fog um a niw’aan lool too a mbexin, yaam kaa waaƭoogu kaa faaxna na xeet um, soo a layanaa fog um kaa na jootinkaa a den o feet.

Esteer 10:3 Referans Kwoze

Nehemi 2:10

Ye Sanbalat fee o Hoohoroni fa Tobiya fee o Aa-amon jaloogna no maat ne a yeguuna, sawar’ee tus no ke o kiin a garna, ndax ta jal kaa faaxna no Ii-isra’el we.

O leetar ole Pool a bindna GIMU WE NGENNA ROM 14:18

Oxe na dagoortaa a Kiristaa neene, refu oxe felna a Roog fo xe jofooxna wiin we.

O leetar ole Pool a bindna GIMU WE NGENNA ROM 10:1

Fog we, ke buguuma no xeeñ es fop fo ke refna a qeƭ es na Roog refu yee Yaawuur we a muc.

Dañel 5:29

Ndak fo ndak, Baltasaar a heblita Dañel a rokanel ndoki daalde mosu, a hiɓanel ceq wurus no cok um, soo ta yegnitel ee Dañel a refata o tadkandeer oxe doonna o ɓay no maat ne.

2 Caloori ke 28:7

Sikiri fee o leng na salma-koor ake Efrayim a wara a Maseya fee o ƥiy no maad oxe fa Asrikam fee o aa-adax oxe no mbind no maad ne fa Elkana fee jawdiin no maad oxe.

Mberaand 41:40

Wo o mat na adooxankaa mbind es, too xeet es fop no kebil of a mbugko ñaaƴaa. Uum-maamaad le doŋ na garitkang took.»

Dañel 5:16

Wo o mat, nanaam ee waagaa tekit xa ƭaaɗ soo xooldand ke wegna xoox. Ndiiki koy, boo waagoona o jang bind lene soo tektanaam o ten, xan o rokel ndoki daalde mosu, hiɓanel ceq wurus no cok of soo refat o tadkandeer oxe doonna o ɓay no maat ne.»

Esteer 3:2

Dag we njaloogna kam mbind no maad ne fop kaa ngooknooxoogu, a ngungaa mbaambir Haamaan, yaam o maad oxe fa xoox um o mat heblit’un. Mordokay koy, gooknooxoogee too gungoogee mbaambir um.

1 Sami’el 23:17

A layaan ee: «Ba o saɗar dara! Sawul fee faap es waagkirang o doon o ɓay muk. Xan o ref o maad Isra’el, soo mi o mat um matang, ref o yoon of. Faap es sax a andaan a paax.»

Dañel 6:3

A doda daduk waa kelfa’na weene ndefanuuna. Dañel o leng no daduk weene a reeƭu, too we ndefanna o maad oxe a mbar’a o andnooraa a den a ñaaƈnooƭ den fop, ndax o leng ñaamkee o maad oxe.

Mberaand 45:10

Xan o genik no jegel olaa Goseen ndax o mataam, wo fo xa ƥeef fo xa taan of, a ked ake fo xa siir axe fo fop ke jegoona.

Mberaand 45:11

Maaga, xam cooxong fop ke soxla’oona yaam a maada o yoqaa xa kiid xa ƥetaq biim. Neene, ñakkiro dara, wo fo ƥasil of fo fop ke jegoona.›

1 Sami’el 18:16

Kaa koy, fop we ngenna Isra’el fa Yudaa a mbex’a a Dawid fee adooxanoogna a den, yaa da nqire’aa.

Esteer 2:5

A jeg’a kam teeru fa njegu saŋe faa Suusaan o koor o Yaawuur oxaa ne’’eena Mordokay, a ref o ƥiy Ya’iir, Ya’iir a ref o ƥiy Simey, Simey a ref o ƥiy Kiis fee fogna na carind ale Bensame.