Esteer 1:3 - NQAARIIT NE ROOG

³ No hiid o dadkandeer ole no maat um, a fi’ana kelfa ke fop fo dag we ndefna no maat um mbumbaay. A jeg’a teen aa-adax we no xiixire we fo wiin maak we fo gofornoor ke na xa cegel axe Persi fa Medi.

Esteer 1:3 Referans Kwoze

Mark 6:21

Maaga, Herojas a jegata o wooƥ olaa ta warnooritna a Saŋ, a jopir Herood a roofandaa bes fee no rimel um. A xoya we mbogna no maat ne ten fo aa-adax we no xiixire we fo wiin maak we Galile fop, ndax ta fi’an a den a put a maak.

Dañel 5:1

Bes, o maad Baltasaar a fi’ana wiin maak we no maat um ndeeƭna juni mbumbaay maak, soo a yer fa den biiñ.

Esteer 2:18

O maad oxe a fi’ana a Esteer mbumbaay soo a xur kelfa ke no maat um fo dag we ten fop. A waña a bateer ake kam xa cegel axe ten fop soo a lasit ci’it, ne o maad a merna o fi’tan.

1 Maad we 3:15

Salomo a yokooxa, a ga ee o ƭaad oo. A nomtooxiida Yeerusaleem, a gar mbaambir arka ne no ngiɓoor ne no Yaal oxe, a ɓoxot sadax toxel fo sadax camsa’oor. Cinj kaaga, a fi’ana dag we ten fop mbumbaay.

Yeremi 51:11

Lakyo a kas ake, mayƭand a tungaar ake! O Yaal oxe a xiira maad we Medi na xire, yaam kaa bug o gef a Babilon tuƈ. Ndabdinax no Yaal oxe yoo, ndabdinax ne na yaq fee no Mbind ne ten.

Esayi 21:2

Laleem mbeeñil mbitnooxu: O koohod oxe a hoda, o yaayaq oxe a ref no yaq. «Nuun Ee-elam we, songyo! Nuun Meemedi we, mbidyo teeru fee o kurul-keƥ. Xam watin xa iin axe fop.»

Mberaand 40:20

No ñaal ndadkandeer naa, a jopir Firawon fee a roofandaa bes fee no rimel um, a fi’ana jaajal we ten fop a put, a xoyin oxe topatooxoogna a yer ale fo xe juɗoogna puuru ke mbaambir dag we ten.

Dañel 8:20

Suk mbaal le na xa can xa ƭaq axe ga’oona kaa tekit maat ne Medi fo ne Persi.

Dañel 6:1

soo Daryus fee genna Medi a rondandin no maat ne, a jopir ta jegaa xa kiid qarɓeen ɓetuu fa leng fo xa kiid xa ƭaq.

Dañel 5:28

U-FARSIN kaa tekit ee maat of xan a xaajel, a cooxel Meemedi we fo Peepersi we.»

Esteer 1:14

Aa-as we moƴ’ina o mat o maad oxe ndeeƭu Karsena, Setar, Admata, Tarsis, Meres, Marsena fa Memukaan, kelfa ɓetuu ƭik ke Persi fa Medi. Weene ndeeƭu we adooxna no maat ne too a njeg sañ-sañ o nga’raa fo o maad oxe a mbanuu da mbuguuna.

Esdaraas 1:2

«Keeke refu ke Kiirus fee o maad Persi a layna: O Yaal oxe Roog fee na asamaan a ɓoxotaxam maat ke na adna fee fop. A heblaxam um maxanin Mbind Yeerusaleem kam Yudaa.

Esteer 1:4

No mbumbaay neene fi’’ina a qool ɓetaa fo leng, a lala a den halal fee no maat um njegu o ndam fo o mosel o jegee sen ole ten.

Esteer 3:7

No ndokand ne no hiid xarɓaxay fo ɗikandeer ole no maat Asuwerus, no nqool o eetaand onqe refna ref o nqool Nisan, Haamaan a simta ke na banjangteel too a xoyeel Purim a deɓel, ndax ta and bes fum fo o nqool onqum na njagooxkaa no yuuƥ ke ten. Mbanjang ne a yena no ñaal xarɓaxay fo ndadkandeer ne no nqool xarɓaxay fo ƭikandeer onqe refna ref o nqool Adaar.