Esdaraas 8:1 - NQAARIIT NE ROOG

¹ Weeke ndefu yaal ƥasil ke fo daan den inoortiidna fa mi Babilon ye Artaserkesees a madooxaa:

Esdaraas 8:1 Referans Kwoze

Esdaraas 7:7

Jaaku no Ii-isra’el we, no saasadax we, no Leelewi we, no giigim we, no yeeyetax we na xa ton-maax axe no Mbind Roog ne fo no diidimle we no Mbind Roog ne a ndeta itam Yeerusaleem no hiid ɓetuu ɗikandeer ole no maat Artaserkesees.

Esdaraas 7:13

Heblitaam, ndax Ii-isra’el we fop, saasadax we den fo Leelewi we den ngenna no maat es too a mbug o ndet Yeerusaleem a yoon fa wo.

Esdaraas 2:62

Saasadax weene a mbaaƭa safe le a kon ake no daan den a mbindeena, ndaa koy nga’iran. Naaga, a nqañte calel no saasadax,

Esdaraas 1:5

Maaga, yaal ƥasil ke na carind ale Yudaa fo we na le Bensame, saasadax we fo Leelewi we, fop we Roog a wet’ina a yiif den, a inooxa, ndax da maxatinik Mbind ne no Yaal oxe kam Yeerusaleem.

2 Caloori ke 26:12

Yaal ƥasil cuni ƭik fo teemeed ɓetuu fa leng adooxan’u xir say weene.

1 Caloori ke 26:32

O maad Dawid a dalna a Yeriya fo goor cuni ƭik fo goor teemeed ɓetuu ƭik lakas waa mbogna na qaw aleene too den fop a ndef yaal ƥasil, ndax da ngadoox a ñaaƈnooƭ ale na ƭat ale fo no maat ne kam a carind ale Ruben, na le Gaad fo na genwal a carind ale Manaase ndefna no batand.

1 Caloori ke 24:31

Den itam a mbanjangane nen fog den we xa taan Aaroon mbaambir o maad Dawid fa Saadok fa Ahimelek fo yaal ƥasil ke no saasadax we fo ke no Leelewi we. Neene, ƥasil ne no xe moƴna o maak a ɗeete nen ƥasil ne no xe moƴna o neew.

1 Caloori ke 9:34

Weene ndefu Leelewi yaal ƥasil we fo ne da ndeepatiritna. Yeerusaleem a ngen’u.

1 Caloori ke 9:1

Ii-isra’el we fop a mbinde no «Safe le no maad we Isra’el», a reefandel no ƥasil den. Yuuyudaa we kaa ƥis’el Babilon took o hup doole yaam ngore’aƭar den na Roog.

1 Caloori ke 4:33

fo caate ke teeru keene a mbaxooxna fop boo Baalat. Keene ndefu kenand ke den fo daan we den.

Esdaraas 7:28

A fi’a itam o maad oxe, aa-as um fo kelfa maak ke ten fop a mbaax na mi. Ne o Yaal oxe Roog es a reeƭna fa mi, saƭakinooxaam too fokataam kelfa ke Isra’el, ndax da yooniid fa mi.»

Esdaraas 8:2

Na xa taan axe Finees: Geersom, na xa taan axe Itamaar: Dañel, na xa taan axe Dawid: Hatus, o ƥiy Sekaniya,

Esdaraas 2:2

A yooniida fa Serubabel, Yesuwa, Nehemi, Seraya, Reelaya, Mordokay, Bilsan, Mispar, Bigway, Rehum fa Baana. Neeke Ii-isra’el we a mbodu:

Esdaraas 2:3

Xa taan axe Paros: cuni ƭik fo teemeed fo qarɓeen ɓetuu ƭik fo ɗik,

Esdaraas 7:6

Esdaraas feene a inoortiida Babilon. Kaa reeƭu o piibind oxaa andna a paax kebil ke Moyiis o Yaal oxe Roog fee Isra’el a cooxit’ina. O maad oxe a ci’ooga a Esdaraas fop ke ta xeɗoogna, yaam o Yaal oxe Roog um a reeƭa fo ten.