Esdaraas 4:9 - NQAARIIT NE ROOG

⁹ «Keeke kaa inoor na Rehum fee gofornoor, Simsay fee o piibind oxe, gend den we Din, we Afarsatak, we Tarpel, we Afaras, we Erek, we Babilon, we Suusaan, we Deeha, we Elam

Esdaraas 4:9 Referans Kwoze

Esdaraas 6:6

Ndiiki koy, wo Tatenay, gofornoor fee no mudand ne no xuluɓ ole Ofrat, Setar-Bosnay fo gend nuun we Afarsak ngenna no mudand ne no xuluɓ ole Ofrat, baa a ƭat nuun a yongat teen.

Esdaraas 5:6

Keeke refu yiƥadax ne no leetar ole Tatenay fee gofornoor fee no mudand ne no xuluɓ ole Ofrat, Setar-Bosnay fo gend um we Afarsak ngenna no mudand ne no xuluɓ ole Ofrat a lulitna o maad Daryus.

2 Maad we 17:24

O maad oxe Asuur kaa ɓistiid’u wiin Babilon fa Kuta fa Awi fa Hamat fa Sefarwayim, ndax ta dalin a den no teeru ke Samari na seek no Ii-isra’el we. Wiin weene a njanga a Samari, a ngen no teeru ke ten.

A pi ake 2:9

In ndefu wiin we Part fo we Medi fo we Elam, we ngenna Mesopotami fa Yudee fa Kapados fa Pont fa Asi,

Dañel 8:2

Keeke refu ke ga’uuma: Kam mbeeñil ne kaam fod’u Suusaan, teeru fa maak fee no jegel olaa Elam, geenoox paam a ƈufnand ale Ulay.

Heseki’el 32:24

Elam oo xeene fo a yaj um fop, a wid a mboy um. Den fop kaa ndibel, laƥ ne a maaf a den. A mbudooxa no xooɗ-ee-xooɗ le no lanq ke, den we oroogna diid le took lanq ke no ñoow we, too a ndoxondooxa gaci den fo we mbudooxna kam gamb le na saŋkax ale.

Yeremi 49:34

Keeke refu fa lay fee o Yaal oxe a daawinna o tuleer Yeremi, ta jagin no Ee-elam we, no mberaandoong ne no maat Sedekiya fee o maad Yudaa.

Yeremi 25:25

– maad we Simri, we Elam fo we Medi fop,

Esayi 21:2

Laleem mbeeñil mbitnooxu: O koohod oxe a hoda, o yaayaq oxe a ref no yaq. «Nuun Ee-elam we, songyo! Nuun Meemedi we, mbidyo teeru fee o kurul-keƥ. Xam watin xa iin axe fop.»

Esteer 2:3

Fat o jil wiin kam xa cegel axe no maat of fop, o hebil a den da mbokat xa caaƈ xa tew axe andafuleerna adna too a mos bo, a ƥisiid a den no daland ole no rew we refna no mbind no maad ne kam teeru fa njegu saŋe faa Suusaan. Fat Hegay, o ƥuje of oxe doxneena o daland oleene no rew we a topatooxaa a den, a cooxaa a den ƭuum ke mbarna na den fop.

Esteer 1:2

Na jamaane faaga, uum-maamaad le no maad Asuwerus oxaa reeƭa na teeru fa njegu saŋe faa Suusaan.

Mberaand 10:22

Xa ƥiy axe Seem ndefu: Elam, Asuur, Arpaksad, Luud fa Araam.

Esdaraas 4:8

Rehum fee gofornoor fa Simsay fee o piibind oxe a mbinda o maad Artaserksees no kaa farna na Yeerusaleem o leetar olaa feritna neeke:

Nehemi 4:2

Den fop a yekoora no songiid a Yeerusaleem, a njaxasin.

Esdaraas 5:3

No ngap onqaaga, Tatenay fee gofornoor fee no mudand ne no xuluɓ ole Ofrat, Setar-Bosnay fo gend den a ngara me den soo a lay a den ee: «An ci’u a nuun nu maxatinaa Mbind Roog ne soo yoɗatinaa saŋe keeke?»