Esdaraas 4:4 - NQAARIIT NE ROOG

⁴ Maaga, wiin we no saax le a ndefa no ngooynooraa xeet fee Yudaa, a ndiidnooraa a den, ndax da yaqan a den da max

Esdaraas 4:4 Referans Kwoze

Esdaraas 3:3

Ke da saɗar’ina qeet ke no saax le fop oo, a ndalnatina o sadaxand ole took a per ake ten soo a ƥoxotaa teen o Yaal oxe sadax toxel, nqes fo kirand.

Yeremi 38:4

Kelfa ke a laya o maad oxe yee: «O koor oxene fa nqon helun! Ke ta layaa kaa foosnooraa goor xiixire we yoqna kam teeru fene fa xeet fee fop. O koor oxene waaƭanee xeet fee jam, ndaa taamaala den a oraa.»

Nehemi 6:9

Den fop koy, a njeemooga o ndiidland a in, a layaa yee: «Xan xa ƥay den a ƥoloox, too calel ke mbi’kataand.» «O Yaal oxe, saƭakinaam no far es!»

Nehemi 4:11

We maxoogna saŋe ne fo we ngadooxoogna mbaat da sufaa a toq ake, ɓay leng a njaltoogu soo o lakas ole a pokoox ƥonax.

2 Sami’el 4:1

Yaa Isbaal fee o ƥiy Sawul a yegna yee Abineer a xonta Hebron, o laaw um a reta, too Ii-isra’el we fop a ndiid’a lool.

Esdaraas 4:5

soo a ndabid aa-as we no maad oxe, ndax da mbinq calel ke den. Neene a refit’u no ñoow o ñis Kiirus fee o maad Persi boo no maat Daryus fee o maad Persi.

Nehemi 4:2

Den fop a yekoora no songiid a Yeerusaleem, a njaxasin.

Dañel 10:13

Malaaka fee na yetooxaa maat ne Persi koy, a kandaxam boo ñaal qarɓeen ƭik fo ñaal leng, ndaa Mika’el fee o leng no kelfa ke no malaaka ke a ƴufgiidaxam. Keene geek’axam boog paam no maad we Persi.

Dañel 10:20

Maaga, a layaxam ee: ‹Ndax andaa ke taxna um gar me wo? Kaam gar ndax um andnoorong ke bindeena kam safe le no ndigil ne. Ndiiki koy, mexe nomtooxaa ndax um xire’ik fa malaaka fee na yetooxaa Persi. Mexaa maafan koy, xan malaaka fee na yetooxaa Yawan a gar, too o leng ƴufgiidkiraam, a refangee Mika’el fee na yetooxaa a Isra’el,