Esdaraas 4:3 - NQAARIIT NE ROOG

³ Kaa koy, Serubabel, Yesuwa fo yaal ƥasil lakas ke no Ii-isra’el we a ndoona a den ee: «I mbaagee o mbokatoor fa nuun, ndax i maxan a Roog in Mbind, yaam in doŋ na maxankan o Yaal oxe Roog fee Isra’el, ne Kiirus fee o maad Persi a heblituuna a in.»

Esdaraas 4:3 Referans Kwoze

Nehemi 2:20

Doonaam a den ee: «Xan Roog fee na asamaan a fi boo fop in a ñaaƴ. In we dag um, xan i inoox, max, ndaa nuun o mat, nu njegee a las mbaat wargal kam Yeerusaleem, too o leng wetandooxkee a nuun teen.»

A pi ake 8:21

Jegiro a las mbaat cer no keene, yaam xeeñ of kaa jofaƭar mbaambir Roog.

Mace 10:16

«Mexe lulaa a nuun nen paal kam xa moon. Fat nu ƈiƴit nen pangool, too ƥuuɓit nen a nuukuur.

Esayi 45:4

Xoyaaxoong no gon of soo ci’ong tedaanga yaam Yakoob fee o tag es, yaam Isra’el fee jiluuma, ke and’eeraxamoona fop oo.

Esayi 44:28

Kaam layaa a Kiirus ee: ‹Wo refu oxe na gayanaxam.› Xan a fadin ke buguuma fop. Xan a lay a Yeerusaleem ee: ‹Xan o maxatinel›, soo Mbind Roog ne ta layin ee: ‹Xan o tabaxatinel.› »

2 Caloori ke 36:22

No hiid o eetaand ole no maat Kiirus fee o maad Persi, o Yaal oxe a fosooxa fadand ke ta yegnit’ina, a reefandin no tuleer Yeremi. A ci’a a Kiirus yiif, ta simit o lambnanel, a bindel itam, ndax maat um fop a yeg kene:

YEGIL MBAAX NE YEESU ne Saŋ a bindtuuna 4:9

O tew o Saasamari xaa a layaan ee: «Nam wo o Yaawuur o mat o mat waagaxamo o xeɗit foofi, mi fee refna o tew o Saasamari?» O nanangaan koy, kaa Yaawuur we fo Saasamari we ne’roogee.

Esdaraas 1:1

No hiid o eetaand ole no maat Kiirus fee o maad Persi, o Yaal oxe a fosooxa fadand ke ta yegnit’ina, a reefandin no tuleer Yeremi. A ci’a a Kiirus yiif, ta simit o lambnanel, a bindel itam, ndax maat um fop a yeg kene:

Esdaraas 1:2

«Keeke refu ke Kiirus fee o maad Persi a layna: O Yaal oxe Roog fee na asamaan a ɓoxotaxam maat ke na adna fee fop. A heblaxam um maxanin Mbind Yeerusaleem kam Yudaa.

Esdaraas 3:8

No hiid o ɗikandeer ole a cinj ye da mbadiidna no Mbind Roog ne kam Yeerusaleem, no nqool o ƭikandeer onqe, Serubabel fee o ƥiy Se’alti’el fa Yesuwa fee o ƥiy Yosadak, yoqatin we no fog den saasadax we, Leelewi we fo fop we nomtoortiid’ina no mbaƭ naa, a ngar Yeerusaleem, a ndefa no calel soo a ngadin Leelewi we njeg’ina xa kiid qarɓeen ƭik a jof took da yetooxaa maq ne no Mbind ne no Yaal oxe.

Esdaraas 1:3

Oxuu fogna na xeet um na nuun, yaasam Roog a ref fo ten, fat a nomtoox Yeerusaleem kam Yudaa, ndax ta maxatinik Mbind ne no Yaal oxe Roog fee Isra’el, Roog fee refna Yeerusaleem.