Esdaraas 4:2 - NQAARIIT NE ROOG

² A soƥiida a Serubabel fo yaal ƥasil ke, a lay a den ee: «Kaa i mbug o maxatin fa nuun Mbind Roog nene, yaam Roog nuun i mbaɗooxaa nen a nuun too ten i ƥoxotaa sadax no kaa xotitna na jamaane faa Esar-Hadon fee o maad oxe Asuur a ɓisiidna a in mene.»

Esdaraas 4:2 Referans Kwoze

2 Maad we 19:37

Bes, a jopir ta xeɗaa no faɗoorand olaa Nisrok fee ta fi’’ina roog um, ɗik na xa ƥiy axe ten ndefna Adaramelek fa Sareseer a mbartaan laƥ, cinj kaaga, da ƈuf no saax laa Araraat. O ƥeem o lakas onqaa ne’’eena Esar-Hadon a rondandaan.

2 Maad we 17:24

O maad oxe Asuur kaa ɓistiid’u wiin Babilon fa Kuta fa Awi fa Hamat fa Sefarwayim, ndax ta dalin a den no teeru ke Samari na seek no Ii-isra’el we. Wiin weene a njanga a Samari, a ngen no teeru ke ten.

2 Timote 3:8

Ne Yanes fa Yambres a mbañit’ina a Moyiis, wiin weene a mbañitkaa ndigil ne, yaam kaa nqon a yiif, too o ngim den refee tus.

Galati 2:4

A jeg’a koy waa ƥerexoogna a ndeer in, too ndeeƭee gimu. Weene o mat mbug’u o nqucnoor a Tiit. Kaa ƥerex a ndeer in ndax da ngoroox o daaw ole i njeg’ina na Kiristaa Yeesu. Kaa mbug’u o ƥakand a in no mbaƭ ne kebil ke a ndalinna,

Hoose 14:3

Ƥonooxyo fa lay fa ndicoor too nomtooxiid me no Yaal oxe. Layeenoo yee: «Waasanti tooñ ke fop, dalin a in fa yirmande, too yaaga xan i simatang, ta ref nen sadax qoox in.

Esayi 37:37

Maaga, Sanxerib fee o maad no Aa-asuur we a simta saŋe ne a ɗisel, soo ta xotatin a ƭat, a nomtoox no saax um, a moof Niniif.

A kim a tedu ke 73:8

Kaa nqaadnooxaa, a ñexet fa lay, a laytaa a magnandax kam kañaan den.

Esdaraas 3:12

Kaa koy, mayu no saasadax we, Leelewi we fo yaal ƥasil ke nogoyna too a nga’’u Mbind Roog eetaand ne kaa looloogu a maak, ye a per ake no Mbind neene a ndooneel na kid den. Lakas mayu koy, kaa njibnoogu xa soroxole,

Esdaraas 3:2

Yesuwa fee o ƥiy Yosadak fo fog um saasadax we, Serubabel fee o ƥiy Se’alti’el fo fog um a inooxa soo a maxatin o sadaxand ole Roog fee Isra’el, ndax da ƥoxot teen sadax toxel, ne kebil ke Moyiis fee o kiin Roog a simtituuna.

Esdaraas 2:2

A yooniida fa Serubabel, Yesuwa, Nehemi, Seraya, Reelaya, Mordokay, Bilsan, Mispar, Bigway, Rehum fa Baana. Neeke Ii-isra’el we a mbodu:

Esdaraas 1:5

Maaga, yaal ƥasil ke na carind ale Yudaa fo we na le Bensame, saasadax we fo Leelewi we, fop we Roog a wet’ina a yiif den, a inooxa, ndax da maxatinik Mbind ne no Yaal oxe kam Yeerusaleem.

2 Maad we 17:41

Qeet keene kaa mbaɗooxoogu o Yaal oxe, a ndoon teen a mbaɗooxaa nitaal roog sexe ke den. Xa ƥiy den fo xa taan den kaa mbi’aa nen daan den boo no ñaal roog ne xaye.

Mberaand 10:11

No saax leene Nimrood a inooru, a ret Asuur, a sinj teeru fee Niniif, fa fee Rehobot-Iir fa fee Kalax

Nehemi 9:32

Ndiiki koy, wo Roog in, Roog fa maak fee mayna katil too a saɗarnoox, wo fee na gayaa ngor ne fo ngiɓoor ne, ba o ɗeet nen tig pooreer naqad ke i ngomna fop, in fo maad in, kelfa in fo saasadax in, duleer in fo daan in fa xeet of fop, no kaa xotitna na jamaane faa maad we Asuur a maadooxoogna boo no ñaal nene.

Esayi 37:38

Bes, a jopir ta xeɗaa no faɗoorand olaa Nisrok fee ta fi’’ina roog um, ɗik na xa ƥiy axe ten ndefna Adaramelek fa Sareseer a mbartaan laƥ, cinj kaaga, da ƈuf no saax laa Araraat. O ƥeem o lakas onqaa ne’’eena Esar-Hadon a rondandaan.