Esdaraas 2:2 - NQAARIIT NE ROOG

² A yooniida fa Serubabel, Yesuwa, Nehemi, Seraya, Reelaya, Mordokay, Bilsan, Mispar, Bigway, Rehum fa Baana. Neeke Ii-isra’el we a mbodu:

Esdaraas 2:2 Referans Kwoze

Safe le no tuleer AGE 2:4

Ten taxu mi o Yaal oxe mexe layaa a nuun ee: Ndiiki koy, wo Serubabel, saƭakinooxi, wo Yosuwe fee o ƥiy Yosadak, refna o saasadax o maak oxe, saƭakinooxi, nuun xeet fee no saax le fop, saƭakinooxyo! Ndopyo calel, yaam mexey fa nuun. Mi o Yaal oxe Hupna fop layun.

Safe le no tuleer AGE 1:14

Maaga, o Yaal oxe a jaflaxnoora a Serubabel fee o ƥiy Se’alti’el too a ref gofornoor Yudaa, fa Yosuwe fee o ƥiy Yosadak refna o saasadax o maak oxe, fo we yoqna na xeet fee fop, boo da ngar a ndef no maxatinaa Mbind ne no Yaal oxe Roog den fee Hupna fop.

Safe le no tuleer AGE 1:12

Serubabel fee o ƥiy Se’alti’el fa Yosuwe fee o ƥiy Yosadak too a ref o saasadax o maak oxe fo we yoqna na xeet fee fop a nanana fa lay fee no Yaal oxe Roog den, o tuleer Age a daawin’ina a den, ne o Yaal oxe Roog den a heblit’uuna o ten. Maaga, xeet fee a ndalfooxa o njeg caƭar no Yaal oxe.

Nehemi 7:7

A yooniida fa Serubabel, Yesuwa, Nehemi, Asariya, Raamiya, Nahamani, Mordokay, Bilsan, Misperet, Bigway, Nehum fa Baana. Neeke Ii-isra’el we a mbodu:

Sakari 3:3

Yosuwe kaa geenoox’u mbaambir malaaka fee, a rokoox tikoorik toɗgu.

Sakari 3:1

Cinj kaaga, o Yaal oxe a feeñlaxam a Yosuwe fee o saasadax o maak oxe, ta geenoox mbaambir malaaka fee no Yaal oxe, too Saytaane a geenoox’a na ñamaak Yosuwe, a jamban.

Safe le no tuleer AGE 2:21

«Layi a Serubabel fee refna gofornoor Yudaa yee: ‹Xam yo’in asamaan fee fo lanq ke.

Safe le no tuleer AGE 2:2

«Layi a Serubabel fee o ƥiy Se’alti’el too a ref gofornoor Yudaa, fa Yosuwe fee o ƥiy Yosadak refna o saasadax o maak oxe fo we yoqna na xeet fee yee:

Safe le no tuleer AGE 1:1

No hiid o ɗikandeer olaa no maat Daryus fee o maad Persi, no ñaal eetaand ne no nqool ɓetuu fa lengandeer onqe, o Yaal oxe a daawna a Serubabel fee o ƥiy Se’alti’el too a ref gofornoor Yudaa fa Yosuwe fee o ƥiy Yosadak refna o saasadax o maak oxe fa lay um, a reefandin no tuleer Age yee:

Esdaraas 5:2

Maaga, Serubabel fee o ƥiy Se’alti’el fa Yesuwa fee o ƥiy Yosadak a inooxa, a ndef no maxaa Mbind Roog ne kam Yeerusaleem, too duleer we Roog a ndeeƭa fa den, a ndimle’aa a den.

Esdaraas 4:8

Rehum fee gofornoor fa Simsay fee o piibind oxe a mbinda o maad Artaserksees no kaa farna na Yeerusaleem o leetar olaa feritna neeke:

Esdaraas 4:3

Kaa koy, Serubabel, Yesuwa fo yaal ƥasil lakas ke no Ii-isra’el we a ndoona a den ee: «I mbaagee o mbokatoor fa nuun, ndax i maxan a Roog in Mbind, yaam in doŋ na maxankan o Yaal oxe Roog fee Isra’el, ne Kiirus fee o maad Persi a heblituuna a in.»

Esdaraas 1:11

Xa ƥaxañ wurus fa xaaliis axe fop a ndeeƭa cuni ƥetik fo teemeed nahik. Seesbasar a ɓislooxa a den fop, ye we ƥis’eena took o hup doole a inoorna Babilon, a nqaadaa Yeerusaleem.

Esdaraas 2:1

Weeke ndefu goor we no jegel ole Yudaa nomtoortiidna no mbaƭ naa, we Nebukadnesaar fee o maad oxe Babilon a ɓis’ina took o hup doole Babilon, too da nomtooxiid Yeerusaleem fo kam Yudaa, oxuu refna na teeru um.

Esdaraas 2:3

Xa taan axe Paros: cuni ƭik fo teemeed fo qarɓeen ɓetuu ƭik fo ɗik,

Esdaraas 3:2

Yesuwa fee o ƥiy Yosadak fo fog um saasadax we, Serubabel fee o ƥiy Se’alti’el fo fog um a inooxa soo a maxatin o sadaxand ole Roog fee Isra’el, ndax da ƥoxot teen sadax toxel, ne kebil ke Moyiis fee o kiin Roog a simtituuna.

Esdaraas 1:8

Kiirus fee o maad Persi a hebla a Mitredat fee o keegeek oxe na xaaliis fee ta sut xa ƥaxañ axe ta limna soo a ɓoxot a den a Seesbasar fee o kelwaar Yudaa.

Esdaraas 8:1

Weeke ndefu yaal ƥasil ke fo daan den inoortiidna fa mi Babilon ye Artaserkesees a madooxaa:

Nehemi 10:15

Kelfa ke na xeet fee ndefu: Paros, Pahat-Mowaab, Elam, Satu, Bani,

Nehemi 12:47

Na jamaane Serubabel fo na jamaane Nehemi, Ii-isra’el we fop a cooxooga giigim we no Mbind Roog ne fo yeeyetax we na xa ton-maax axe no Mbind Roog ne ke helna a den ñaal oo ñaal. A cooxooga itam Leelewi we sadax tedu ke, soo Leelewi we a coox teen saasadax we ndefna xa taan Aaroon a las den.