Esdaraas 2:1 - NQAARIIT NE ROOG

¹ Weeke ndefu goor we no jegel ole Yudaa nomtoortiidna no mbaƭ naa, we Nebukadnesaar fee o maad oxe Babilon a ɓis’ina took o hup doole Babilon, too da nomtooxiid Yeerusaleem fo kam Yudaa, oxuu refna na teeru um.

Esdaraas 2:1 Referans Kwoze

2 Maad we 25:11

Cinj kaaga, Nebusaradan fee adooxan’ina yeeyetax we a ɓisa gilaa saax took o hup doole we yoq’ina na xeet fee maad’ina o ngenaa na teeru fee fo we ƥoxotoox’ina no maad oxe Babilon fo faan falakaand le.

A pi ake 23:34

Gofornoor faa a janga o leetar olaa, too a laamta a Pool ee: «No jegel olum fogo?» Kaa koy, ye ta andna yee no jegel olaa Silisi a rime,

Sofoni 2:7

A ƥeeraamb akeene xan a ndefan we yoqna no mbind Yudaa. Meene a mbugko ngayaa, soo no yeng ole, da mbondook kam pind ke Askalon. O Yaal oxe Roog den xan a topatoox a den, a supit o roxanqol ole den.

A ƭomatax ake 4:22

Wo Siyoŋ, o ndoog onqe, rabdaa njofaƭar of boo ƴut. O Yaal oxe ɓiskatirang no mbaƭ muk. Wo Edoom, o ndoog onqe mat, xan a xaw njofaƭar of, a hulit pakaad of.

A ƭomatax ake 1:5

Fañ we ten a njega ne mbugna, ñaañagadil we ten a ndef na jam, yaam ne o Yaal oxe a fi’uuna ƭomu, o ngar fo pakaad pagkatar ke ten. We nqawuuna a tañtañna mboƥ ne ten, da ndet no mbaƭ naa.

A ƭomatax ake 1:3

Xeet fee Yudaa a ɓise gilaa saax took o hup doole, a toroxandel soo a ref no mbaƭ ƭomu. Kaa genat a ndeer qeet ke, too jegee me den a ñootnax a leng. Ñaañagadil we ten fop a mbetaan, too jegee maa ta daɗitna.

Esteer 8:9

No ñaal leng kut naaga, fodir’ina fo ñaal qarɓeen ƭik fo ñaal tadik no nqool o ndadkandeer onqe, refna ref o nqool Siwan, biibind we no maad oxe a nqoye, ndax da mbind na xa leetar ke Mordokay a lalgandkaa a den. Xa leetar axeene a mbinde Yaawuur we fo we ndefanna o maad oxe fo gofornoor ke fo kelfa ke na xa cegel teemeed fo xa cegel qarɓeen ƭik fo xa cegel ɓetaa ƭaq axe no maat ne, a xotit no saax laa End a damik boo no laa Kuus. Kaa mbind’el na pindooƭ o jegel oluu refna, xeet fuu refna no ɗelem um, soo no Yaawuur we itam na pindooƭ den fo no ɗelem den.

Esteer 1:11

da ƥisiidin a Wasti, lingeer fee, ta rokooxiid o ndip no maad onqe ten. Kaa bug’u o lal kelfa ke fo lakas we nqureena ne lingeer fee a mositna, yaam kaa mos’u lool.

Esteer 1:8

A yer ale koy, ser’aand o leng, yaam o maad oxe kaa hebil’u aa-adax we no dag we, ndax we na lastaa a yer ale a mbadin o bug ole no we nqureena.

Esteer 1:3

No hiid o dadkandeer ole no maat um, a fi’ana kelfa ke fop fo dag we ndefna no maat um mbumbaay. A jeg’a teen aa-adax we no xiixire we fo wiin maak we fo gofornoor ke na xa cegel axe Persi fa Medi.

Esteer 1:1

Kene oxe xew’a na jamaane no maad Asuwerus fee maadooxoogna took xa cegel teemeed fo xa cegel qarɓeen ƭik fo xa cegel ɓetaa ƭaq, a xotit no saax laa End boo a damik no laa Kuus.

Esdaraas 6:2

Kam Ekbatan fee reeƭna teeru fa maak fee no jegel olaa Medi, o laxas a pind olaa saqna betandoor kene a ga’te maaga:

Esdaraas 5:8

Fat o maad oxe a yeg fo and ee i ndeta no jegel olaa Yudaa, no Mbind ne na Roog fa maak fee. Kaa maxatinteel a ƥil a maak soo a teex a ƥekel no tabax ne. Calel keene a mboda too a ñof.

Esdaraas 1:11

Xa ƥaxañ wurus fa xaaliis axe fop a ndeeƭa cuni ƥetik fo teemeed nahik. Seesbasar a ɓislooxa a den fop, ye we ƥis’eena took o hup doole a inoorna Babilon, a nqaadaa Yeerusaleem.

Esdaraas 2:2

A yooniida fa Serubabel, Yesuwa, Nehemi, Seraya, Reelaya, Mordokay, Bilsan, Mispar, Bigway, Rehum fa Baana. Neeke Ii-isra’el we a mbodu:

Esdaraas 8:35

We ƥis’eena took o hup doole too a nomtoortiid no mbaƭ naa a ƥoxota a Roog fee Isra’el nen sadax fa ndoxel: Qoox xarɓaxay fo qoox ƭik na kon no Ii-isra’el we fop, a suk paal qarɓeen ɓetuu nahik fo a suk paal ɓetaa fo leng, fo mbaal qarɓeen ɓetuu ƭik fo fo mbaal ɓetuu ƭik fo a suk xarɓaxay fo a suk a ƭak nen sadax fa mbaasnoor pakaad, fop a ƥoxotel o Yaal oxe nen sadax fa ndoxel.

Nehemi 12:1

Keeke ndefu a kon ake no saasadax we fo Leelewi we nomtoortiid’ina no mbaƭ naa too a yooniid fa Serubabel fee o ƥiy Se’alti’el fa Yesuwa: Seraya, Iremiya, Esdaraas,

1 Caloori ke 9:1

Ii-isra’el we fop a mbinde no «Safe le no maad we Isra’el», a reefandel no ƥasil den. Yuuyudaa we kaa ƥis’el Babilon took o hup doole yaam ngore’aƭar den na Roog.

1 Caloori ke 9:2

We eetna o nomtooxiid no teeru den ndax da ngenatin a den, a njangatin tig oo tig ke da njeg’ina ndefu Ii-isra’el we njeg’eerna ndod, cinj kaaga saasadax we fo Leelewi we fo we na topatooxaa Mbind Roog ne.

Esdaraas 2:70

Saasadax we, Leelewi we, we na xeet fee, giigim we no Mbind Roog ne, yeeyetax we na xa ton-maax axe no Mbind Roog ne fo diidimle we no Mbind Roog ne a ndala no teeru ke den. Ii-isra’el lakas we fop a ngena no teeru ke den.

Esayi 48:20

Sutooxyo Babilon, ñofyo inoox no saax le no Kaakalde we. Yegnityo fo o ɗaay o nan olene boo no cat adna. Yegniteenoo, lambnin too lay ee: «O Yaal oxe a wata a Yakoob fee o tag um.»

Yeremi 50:19

Cinj kaaga, xam nomtiid a Isra’el no ngenand um, ta suufaa took Karmel fo kam Basan, a giñ tem took o joong ole Efrayim fo kam Galaad.