Esdaraas 10:3 - NQAARIIT NE ROOG

³ Ndiiki koy, fat i ngiɓoor fa Roog in ee xan i ndax rew weeke fop fo xa ƥiy den, ne astanoona a in, wo o yaal es fo we mbootooxna kebil ke Roog in. Fat kebil ke a ngayel.

Esdaraas 10:3 Referans Kwoze

Esdaraas 9:4

Fop we saɗaroogna Roog a xaw we nomtoortiid’ina no mbaƭ naa yaam ngore’aƭar ne den a mbokatooriida me mi. Mi o mat, moofaam yaam kam fa mbagu boo neen waxtu fee sadax fee no kirand ne a fadiidu.

A kim a tedu ke 119:120

Cer es kaa sendaa, yaam o diidlandaam, um saɗar kate of.

A kim a tedu ke 119:59

Kaam horooxaa a ƭat es soo saktiid o jaf es farna fo fa lay of.

2 Caloori ke 34:21

«Ndetyo laamtankaam o Yaal oxe, mi fo yoqatin we Isra’el fo we Yudaa no kaa farna no ke layeena no safe lene sogna o ga’eel, yaam fuux le no Yaal oxe a yena took in. Daan in ngayee fa lay fee no Yaal oxe too ndeefee fop ke bindeena no safe lene.»

A cangatin ale 29:12

Xan a dalin a nuun xaye, nu ndef xeet um, soo ta ref Roog nuun, ne ta regtuuna a nuun fo ne ta daaɓoortuuna fo daan nuun Abraham fa Isaak fa Yakoob.

Heseki’el 9:4

O Yaal oxe a layaan ee: «Widi teeru fee bo ta xet, a ndeer Yeerusaleem, too ñaas na tagid wiin we na iinaa soo a ƭomatooxaa yaam a pi a cednooxu ke na mbi’eel teen fop.»

Esayi 66:2

Keene fop o ɓay es fi’un, too neene a sakoortu. Kaa koy, ke haalaxama refu o toroxu xe gooyna, a nan-gilooxaa fa lay es fo diid soo a sendaa.

Esayi 8:20

«Na cangin ale no Yaal oxe fo no seede ne ten a nomtax a helu.» A layangee neene, nga’kee mbeet ne.

Nehemi 8:14

A soƥa ta bindel kam kebil ke Roog a dalin’ina na pexey Moyiis ee Ii-isra’el we a mbara o ngen kam ƭiif, yaa fo a toofand ale na xew fee no nqool ɓetuu ƭikandeer onqe.

Esdaraas 10:44

Weene fop kaa ndolnir’u fo rew jan too a ndaxa a den, den fo xa ƥiy den.

2 Caloori ke 34:27

boo ta duq xeeñ of. Neewandooxaa mbaambir Roog, ye nanoona ke ta fosooxan’ina o mbiñ onqene fo we ngenna teen. Neewandooxaa mbaambir es, faar toki of, lool ciic mbaambir es. Ten taxu mi o Yaal oxe, mexe yegnang ee nanaaxoong.

2 Caloori ke 30:12

O Yaal oxe a duqa a qeeñ ake na xeet fee kam Yudaa itam soo da njaɓ ke o maad oxe fo kelfa ke a ngeblitna too ta inoor no Yaal oxe.

2 Caloori ke 29:10

Ndiiki koy, kaam heboox o hiɓoor fo o Yaal oxe Roog fee Isra’el ndax fuux ɗomu le ten biltooxanna a in a ɓoos.

2 Maad we 11:17

Yehoyada a dalna ndeer o Yaal oxe fo o maad oxe fa xeet fee ngiɓoor naa saƭkinna a den no ndef xeet fee no Yaal oxe. A dalna itam ngiɓoor ndeer o maad oxe fa xeet fee.

Yosuwe 9:6

A ndeta a soƥik a Yosuwe no saŋe naa Gilgal soo a layin, ten fo Ii-isra’el lakas we yee: «Kaa i inoor no saax goƭu. Ndiiki koy, ndalinyo fa in ngiɓoor.»

Esdaraas 10:9

Goor we Yudaa fo we Bensame fop a mbokatooriida Yeerusaleem no ñaal tadik ke. Kaaga oxe reeƭa no ñaal qarɓeen ƭikandeer ne no nqool o ɓetuu nahkandeer onqe. Xeet fee fop kaa ngeenoox’u na baayo fee no Mbind Roog ne, a sendaa yaam ke xew’ina fo yaam a teƥ ale.

Esdaraas 10:11

Ndiiki koy, mbeejilyo tooñ nuun o Yaal oxe Roog fee no daan nuun soo mbadin o bug ole ten. Nqaajooryo fo qeet ke no saax lene fo rew jan we.»

Nehemi 10:1

Yaam fop ke dalna a in, in we ngebooxaa, mbindan soo kelfa ke in, Leelewi we fo saasadax we in a mbegtin a kon den.