Esdaraas 1:8 - NQAARIIT NE ROOG

⁸ Kiirus fee o maad Persi a hebla a Mitredat fee o keegeek oxe na xaaliis fee ta sut xa ƥaxañ axe ta limna soo a ɓoxot a den a Seesbasar fee o kelwaar Yudaa.

Esdaraas 1:8 Referans Kwoze

Esdaraas 5:14

O maad Kiirus a watnita sax no faɗoorand ole Babilon xa ƥaxañ wurus axe fo axe mbi’teena xaaliis Nebukadnesaar a watnit’ina no Mbind Roog ne Yeerusaleem, a ɓis a den no faɗoorand ole Babilon. Kiirus a cooxa a den oxaa ne’eena Seesbasar fee ta dalin’ina gofornoor

Safe le no tuleer AGE 1:14

Maaga, o Yaal oxe a jaflaxnoora a Serubabel fee o ƥiy Se’alti’el too a ref gofornoor Yudaa, fa Yosuwe fee o ƥiy Yosadak refna o saasadax o maak oxe, fo we yoqna na xeet fee fop, boo da ngar a ndef no maxatinaa Mbind ne no Yaal oxe Roog den fee Hupna fop.

Safe le no tuleer AGE 1:1

No hiid o ɗikandeer olaa no maat Daryus fee o maad Persi, no ñaal eetaand ne no nqool ɓetuu fa lengandeer onqe, o Yaal oxe a daawna a Serubabel fee o ƥiy Se’alti’el too a ref gofornoor Yudaa fa Yosuwe fee o ƥiy Yosadak refna o saasadax o maak oxe fa lay um, a reefandin no tuleer Age yee:

Esdaraas 5:16

Seesbasar feene a gara boog, a doon a per ake no Mbind Roog ne kam Yeerusaleem. Yaaga boo fa ndiik kaa maxeel ndaa ƴutafulee.›

Esdaraas 1:11

Xa ƥaxañ wurus fa xaaliis axe fop a ndeeƭa cuni ƥetik fo teemeed nahik. Seesbasar a ɓislooxa a den fop, ye we ƥis’eena took o hup doole a inoorna Babilon, a nqaadaa Yeerusaleem.

Yeremi 51:44

O Yaal oxe kaa tee: «Xam xaw a Bel, roog fee no Kaakalde we, huqnin ke ta ɗuudna, too qeet ke njaginkatee me ten. Saŋe ne Babilon sax xan a yen junjang.

Esdaraas 2:2

A yooniida fa Serubabel, Yesuwa, Nehemi, Seraya, Reelaya, Mordokay, Bilsan, Mispar, Bigway, Rehum fa Baana. Neeke Ii-isra’el we a mbodu:

Esdaraas 5:2

Maaga, Serubabel fee o ƥiy Se’alti’el fa Yesuwa fee o ƥiy Yosadak a inooxa, a ndef no maxaa Mbind Roog ne kam Yeerusaleem, too duleer we Roog a ndeeƭa fa den, a ndimle’aa a den.