Esdaraas 1:4 - NQAARIIT NE ROOG

⁴ No mbiñ onquu ke yoqna na xeet fee no Yaal oxe a ndefna, wiin we maaga a mbara o ci a den xaaliis, wurus, kalal pogreer, cegel fo itam sadax kaa da mbi’oogna no fud o letu no Mbind Roog ne Yeerusaleem.»

Esdaraas 1:4 Referans Kwoze

1 Caloori ke 29:3

Halal fee jegooduuma koy, ta ref wurus mbaat xaaliis, ci’aanum Mbind ne na Roog es. Ɓaataanum no ke jagandanuuma Mbind tedu neene boo ƴut yaam kaa felaam lool.

Galati 6:2

Ba nu ñak o ndoxondooxanraa toq ke nuun. Nu mbi’angaan, xan nu ndeef ke Kiristaa a hebilna.

A pi ake 24:17

Ne rok’uuma a koƥ boo xa kiid xa mayu, too gariim kam Yeerusaleem, ten taxu um nomtooxiid, ɓislooxiid xaaliis ndax um dimle xeet es, soo ɓoxotiid a Roog sadax.

1 Caloori ke 29:17

Wo Roog es, andaam ee kaa o horooxaa a qeeñ ake fop soo fex o cofel. Fi’anaaxoong boog ci’it ke mi no fud o letu kam o cofel ole no xeeñ es, too ga’aam xaye fo o ɗaay xeet of feeke ndefna fa mi a mbi’anong leng kut ke fi’uuma.

1 Caloori ke 29:9

Xeet fee kaa sawar’u no ci’it o fud o letu ke mbi’eena. O maad Dawid itam a felakinoox’a teen.

A sutax ale 35:29

Neene, fop we a qeeñ den a let’ina no Ii-isra’el we, goor fo rew, a ƥisiida ke da ngeñya’’ina o Yaal oxe no calel ke ta hebil’ina a Moyiis.

Esdaraas 1:3

Oxuu fogna na xeet um na nuun, yaasam Roog a ref fo ten, fat a nomtoox Yeerusaleem kam Yudaa, ndax ta maxatinik Mbind ne no Yaal oxe Roog fee Isra’el, Roog fee refna Yeerusaleem.

Esdaraas 1:5

Maaga, yaal ƥasil ke na carind ale Yudaa fo we na le Bensame, saasadax we fo Leelewi we, fop we Roog a wet’ina a yiif den, a inooxa, ndax da maxatinik Mbind ne no Yaal oxe kam Yeerusaleem.

2 Caloori ke 31:14

Koore fee o Leelewi, a ref o ƥiy Yimna too a fod’u no don-maax ole no batand, far’u no ci’it o fud o letu ke mbi’aneena a Roog, a lastaa ke watnaneena o Yaal oxe fo tig tedu tigi ke.

Esdaraas 9:15

O Yaal oxe Roog fee Isra’el, kaa o jof, yaam xaye kaa i yoqat onqaa mucna. In wey mbaambir of, sufoox tooñ in, too o leng waagee o geenoor neene mbaambir of.»

Esayi 10:21

Yoqatin we xan a nomtooxiid. Kaam ee yoqatin we Yakoob xan a saktooxiid me na Roog o Cegu doole xe.