Esdaraas 1:3 - NQAARIIT NE ROOG

³ Oxuu fogna na xeet um na nuun, yaasam Roog a ref fo ten, fat a nomtoox Yeerusaleem kam Yudaa, ndax ta maxatinik Mbind ne no Yaal oxe Roog fee Isra’el, Roog fee refna Yeerusaleem.

Esdaraas 1:3 Referans Kwoze

Dañel 6:26

Maaga, o maad Daryus a binda wiin we no qeet ke fop fo na saax ake fop fo no lak ke fop, ngenna na adna fee yee: «Yaasam Roog a ci a nuun jam!

Yeremi 10:10

Kaa koy, o Yaal oxe refu Roog fa ndigil fee, a ref Roog fa ñoow jok fee, o maad oxe na refkaa boo faw. A fuuxangaa, lanq ke a yo’noox, too qeet ke ngatlee xulmbax um.

A pi ake 10:36

Nu anda fa lay fee Roog a lultiidna xeet fee Isra’el, ta ref Yegil mbaax ne na ci’taa jam na pexey Yeesu Kiristaa, refna o Yaal no fop.

Mace 28:20

too njangin a den da ngay ke hebluuma fop. Mexey fa nuun bes fuu refna boo maa adna fee a daykaa.»

Esayi 45:5

Mi refu o Yaal oxe, too jegee o lakas. Jegee roog fa lakas faa jolna mi. Ke and’eeraxamoona fop oo, yaqanee um fapong.

Yosuwe 1:9

Ba o weec ee mi layong ee saƭakinooxi too saq njambaar. Ba o saɗar boog too ba o diid, yaam mi o Yaal oxe Roog of mexey fa wo muu o retaa.»

A cangatin ale 32:31

Fañ we in sax a anda yee roog den nandee fa fee in, refna ɓil jegu doole.

Dañel 2:47

Cinj kaaga, a laya a Dañel ee: «No ndigil Roog fee nuun hupu roog ke fop too ten kelfa’u maad we fop. Andaam ee ten soom na feeñlaa kunpa ke, feek tektanaxamo kunpa fene.»

A kim a tedu ke 83:18

Fat da sedlandel, a ndiidlandel boo cay, a saŋkoor seeƈaar.

1 Caloori ke 28:20

Cinj kaaga, Dawid a ɓaata teen ee: «O ƥees, saƭakinoooxi too jal! Ba o saɗar boog, too ba o diid! O Yaal oxe Roog es xaƴkirang, oxey fa wo too xan a damtong boo yaa calel ke no Mbind ne ten a muukooxkaa.

1 Maad we 8:23

a xeɗ ee: «O Yaal oxe Roog fee Isra’el, jegee roog faa nandna fa wo, ta ref na asamaan mbaat took lanq ke. Kaa o gayaa ngiɓoor ne fo o paaxel of a ndeer of fo dag of we ndamooxna na wo na qeeñ den fop.

1 Maad we 18:39

Ye xeet fee fop a nga’na keene, a ngunga a lanq soo a layaa yee: «O Yaal oxe refu Roog! O Yaal oxe refu Roog!»

Esdaraas 1:4

No mbiñ onquu ke yoqna na xeet fee no Yaal oxe a ndefna, wiin we maaga a mbara o ci a den xaaliis, wurus, kalal pogreer, cegel fo itam sadax kaa da mbi’oogna no fud o letu no Mbind Roog ne Yeerusaleem.»

Esdaraas 5:3

No ngap onqaaga, Tatenay fee gofornoor fee no mudand ne no xuluɓ ole Ofrat, Setar-Bosnay fo gend den a ngara me den soo a lay a den ee: «An ci’u a nuun nu maxatinaa Mbind Roog ne soo yoɗatinaa saŋe keeke?»

Esayi 37:16

«O Yaal oxe Hupna fop, wo Roog fee Isra’el, wo fee pindel yeeyetax ke a ndeegooxna uum-maamaad le wo, wo soom refu Roog fee no maat ke na adna fee fop, too wo saku asamaan fo lanq.

Esdaraas 4:3

Kaa koy, Serubabel, Yesuwa fo yaal ƥasil lakas ke no Ii-isra’el we a ndoona a den ee: «I mbaagee o mbokatoor fa nuun, ndax i maxan a Roog in Mbind, yaam in doŋ na maxankan o Yaal oxe Roog fee Isra’el, ne Kiirus fee o maad Persi a heblituuna a in.»

Esdaraas 5:13

Yaqanee koy, no hiid o feraand ole no maat Kiirus fee o maad oxe Babilon, o maad Kiirus a heblita Mbind Roog neene a maxatinel.

Esdaraas 6:7

Nqaƴyo calel ke no Mbind Roog neene da suur. Fat gofornoor fee no Yaawuur we fo maak we den a maxatinin me ta ref’ina.

A kim a tedu ke 132:13

O Yaal oxe a jila a Siyoŋ, too a buga ngenand um a ref maaga.

Esayi 44:28

Kaam layaa a Kiirus ee: ‹Wo refu oxe na gayanaxam.› Xan a fadin ke buguuma fop. Xan a lay a Yeerusaleem ee: ‹Xan o maxatinel›, soo Mbind Roog ne ta layin ee: ‹Xan o tabaxatinel.› »