Esdaraas 1:2 - NQAARIIT NE ROOG

² «Keeke refu ke Kiirus fee o maad Persi a layna: O Yaal oxe Roog fee na asamaan a ɓoxotaxam maat ke na adna fee fop. A heblaxam um maxanin Mbind Yeerusaleem kam Yudaa.

Esdaraas 1:2 Referans Kwoze

Esayi 44:26

Kaam fadnaa fa lay no tag es soo fadnaa padafuleer ke duleer we mi a yegnitna. Kaam layaa a Yeerusaleem ee: ‹Xan o genel›, soo teeru ke Yudaa, um lay a den ee: ‹Xan nu maxatinel›, too xam inatin ke yaq’eena teen fop.

Dañel 5:23

Kaa o inooxan o Yaal oxe refna na asamaan boo simit o ɓisaniidel a tokol a tedu ke inoorna no Mbind um, nu yertaa a den biiñ, wo fo wiin maak we wo fo rew we wo fo keƈ-a-salma ke wo, doon teen simataa roog ke mbi’teena xaaliis, wurus, xanjar, njelem, a teex fo a ƥil, roog puulu keene naangeerna o nanaa too andee tus, soo fañ o ɓoxot o ndam a Roog fee saqna o ñis of, a gayaa a pi of fop.

Dañel 4:32

Wiin we na adna fee fop ndefee tus mbaambir um. Kaa fesooraa fo xuu refna ne feltuuna, ta ref no malaaka ke mbaat no wiin we, too o leng waagee o xox katil um, mbaat ta soqin no ke ta fi’aa.

Dañel 4:25

Keene fop yegnit’eena a dala took o maad Nebukadnesaar.

Dañel 2:28

Kaa koy, a jega na asamaan Roog faa na feeñlaa kunpa ke. Ten na andnooriidang, wo o maad Nebukadnesaar, ke na xewkaa taa mbaambir. Keeke refu ke ɗaaɗoona ye ɗaanoona:

Dañel 2:21

Ten hame’u camaane ke fo baxtu ke, a maafaa maad we, a inaa a den. Oxuu jegna yiif, ten ci’ong o ten, oxuu jegna o and itam, no ten a hatu.

Yeremi 10:11

Fat nu lay a den keeke: Roog ke sakeerna a asamaan mbaat lanq ke xan a mooc took lanq ke fo ɗuga asamaan fee.

Esayi 66:1

Keeke o Yaal oxe a layu: «Asamaan fee refu uum es, soo lanq ke a ndef o dakand es. Mbind nandu num nu maxankaxam? Ndi mam na refkaa o ñootnoorand es?

2 Caloori ke 2:12

Ndiiki koy, mexe lultiidang o kiin o baane’u too a jeg o and, ta ref Huram-Abi

1 Maad we 8:27

Kaa koy, ndax no ndigil xan Roog a gen took lanq ke? O xeƈangee na asamaan fee took-ee-took, nam o xeƈitkaa no Mbind neeke maxanoonga!

Esdaraas 1:5

Maaga, yaal ƥasil ke na carind ale Yudaa fo we na le Bensame, saasadax we fo Leelewi we, fop we Roog a wet’ina a yiif den, a inooxa, ndax da maxatinik Mbind ne no Yaal oxe kam Yeerusaleem.

Esdaraas 3:7

Ii-isra’el we a cooxa seesex we na ƥil ake fo daadaaƴ we xaaliis soo Siisidoŋ we fo Tiitiir we, da coox a den ñoowir, a yer fo diwliin, ndax da ƥistiid Libaŋ a teex ndaxar seedar, a ndeef no maag ole, boo Yope, ne Kiirus fee o maad Persi a ci’it’uuna a den.

Esdaraas 4:3

Kaa koy, Serubabel, Yesuwa fo yaal ƥasil lakas ke no Ii-isra’el we a ndoona a den ee: «I mbaagee o mbokatoor fa nuun, ndax i maxan a Roog in Mbind, yaam in doŋ na maxankan o Yaal oxe Roog fee Isra’el, ne Kiirus fee o maad Persi a heblituuna a in.»

A kim a tedu ke 136:26

Ngidimyo a Roog fee na asamaan, yaam o mbeq um xan a maadaa boo faw.

Esayi 41:2

An suttiidu no batand oxe o cofel ole a reefanna? An ɓoxotun a saax ake, a fi maad we a nananin? Laƥ um kaa mokandaa a den boo nen fo ut, soo a qali um a yetnaa a den nen ñaax laa nqeñ a maƥna.

Esayi 44:28

Kaam layaa a Kiirus ee: ‹Wo refu oxe na gayanaxam.› Xan a fadin ke buguuma fop. Xan a lay a Yeerusaleem ee: ‹Xan o maxatinel›, soo Mbind Roog ne ta layin ee: ‹Xan o tabaxatinel.› »

Esayi 45:1

Keeke o Yaal oxe a layu a Kiirus fee ta ɗuumna: «Xam damong no ɓay o ñamaak, ndax o maaf a saax ake, jaɓ sañ-sañ ke no maad we, soo daƈit a kinglir ake no begax ke no teeru ke mbodna mbaambir of.

Dañel 6:25

Cinj kaaga, o maad oxe a heblita ndax we njamboogna a Dañel a njoorel me cogoy ke a mbegeena, den fo xa ƥiy den fo rew den. Ye da ngelkaa fo mbad kam fee sax, cogoy ke a songa a den, a mbandir a den.

Yoona 1:9

Yoona a doona a den ee: «O Hebre refum, saɗar o Yaal oxe refna Roog fee na asamaan, sakna o maag ole fa jeeri fee.»

Esdaraas 5:15

soo a layin ee: Jangi xa ƥaxañ axeeke, ret doon a den kam Mbind Roog naa Yeerusaleem, too fat Mbind Roog ne a maxatinel me ta ref’ina.

Esdaraas 6:3

«No hiid o feraand ole no maat um, o maad Kiirus a heblita no kaa farna no Mbind Roog ne Yeerusaleem: ‹Fat Mbind Roog ne a maxatinel, ndax ta ref o mbiñ onqaa na ɓoxotteel sadax, too fat a per ake ten a yoɗatinel. Geel um xan a fi xa noonoong qarɓeen ɓetuu fa leng, o yaajel um a fi xa noonoong qarɓeen ɓetuu fa leng.

Esdaraas 6:10

ndax da ƥoxot a Roog fee na asamaan sadax kaa mbeluuna soo a nqeɗan o ñoow ole no maad oxe fo ole na xa taan um.

Esdaraas 7:12

«Artaserkesees, o maad oxe no maad we, na simnaa a Esdaraas fee o saasadax oxaa andna a paax kebil ke Roog fee na asamaan fo lakas fo lakas…

Nehemi 1:4

Ye nanuuma fa lay feene, moofaam, loolaa soo naqadiloox boo ñaal mayu. Kaam hooroogu, xeɗaa mbaambir Roog fee na asamaan

Nehemi 1:5

soo lay ee: «Ey, o Yaal oxe Roog fee na asamaan, Roog fa maak fa saɗarnooxu fee, wo fee na geekaa ngiɓoor ne soo laltaa yirmande no we mbexoonga too a ngayaa kebil of,

A kim a tedu ke 85:2

O Yaal oxe, farit’aa saax of yaaga, supit muj na xa taan Yakoob.

Xa peƭit axe 21:1

A qalaat no maad kaa ndef nen a ƥaaxaand foofi no ɓay no Yaal oxe. Kaa ɓakandan muu feluuna.

Yeremi 27:5

Katil maak ne mi fo o ɓay o jegu doole le mi saktum lanq ke, wiin we fo muumeen ke ndefna took lanq ke, too sañaam o ci a den oxuu felaxama.

Yeremi 29:10

Kaa koy, keeke o Yaal oxe a layu: ‹Yaa xa kiid qarɓeen ɓetuu ƭik axe a mbadnooxkaa na Babilon, xam topatooxahin a nuun, fadnan a nuun a tegit es, nomtiid a nuun no mbiñ onqene.

Dañel 1:21

Dañel a maad’a jalaa kam mbind no maad ne boo neen Kiirus fee o maad Persi a jaɓu a Babilon.