Esayi 1:3 - NQAARIIT NE ROOG

³ Nqoox a anda o yaal um, too o faam a anda me o yaal um a yipanan ñaamel, ndaa Isra’el o mat andee dara, xeet es njegee yiif.»

Esayi 1:3 Referans Kwoze

Yeremi 8:7

A caroox ale na yetaa na asamaan sax a anda a mbane ta molaa, a qoɗoxoñ ale, o helaar-roog ole fo a keel ale a and waxtu fee da mbarna o ngat, ndaa xeet es o mat andee bargal ke no Yaal oxe.»

Yeremi 4:22

O Yaal oxe kaa tee: «Xeet es kaa ƥodax, andiraam. Xa ƥiy xa ƭof a ndefu, axaa njegeerna yiif. Kaa mbaane no fi paaxeer, ndaa mbaagee o mbi paax.»

Esayi 44:18

Wiin nandu neene, dara refee na qoox den, andee dara. A kid den kaa muurel boo mbaagee a ka, soo da ndaƥ a yiif boo mbaagee o ndam tig.

Esayi 5:12

Fo nqilimb fo a tiiti fo a ñal fo a liit na njibaa me da yertaa, ndaa a ƭat den yongee na pi no Yaal oxe, too nga’ee ke xa ƥay um a njalaa.

O leetar ole Pool a bindna GIMU WE NGENNA ROM 1:28

Ne da mbañna yee o and a Roog, tig cegu o njiriiñ oo, a taxa Roog a riñ a den no saƭik xoox, ndax da mbi’aa o njombe,

A kim a tedu ke 94:8

Mbootooxyo boog, nuun wiin ɓodaxu we! Nuun panxoy ke, ndi a mban nu andkaa tig?

Esayi 27:11

Yaa a naaq ake a mbeerkaa, xan a ƥolel, rew we a ngar, a umbik a den. Ii, xeet feene njegee yiif. Ten taxu oxe sakuuna jegee o liir no ten, oxe mooluuna yirmiran.

2 Piyeer 3:5

Yaaga fop oo de, kaa fel weene da mbeecit ee na pexey fa lay fee Roog, asamaan fee a feeñtu, lanq ke a mbeeñit na foofi le da ndeeƭna.

Xa peƭit axe 6:6

Wo feeñaak fee, reti maa no qorondom kaa, horoox a pesoorooƭ den too xan o xotit teen o jeg-yiif.

Yeremi 10:14

No keene, o kiin oo kiin oxe ŋam yaam a ñak o and, o paal wurus oxuu refna a naag ɓot yaam pangool ke ten, yaam ke ta muulna xa koɓong xa ƥor oo, too jegee na den o ñoow.

Yeremi 10:8

Den fop kaa tapoor a mbanxoy soo a yoqit, a cangin ale den refee tus. Roog ke den a teex rek a ndefu!

Mace 13:19

O kiin a nanangaa fa lay fee no Maat ne, too andee ke ta tekitna, o paaxeer oxe kaa garaa soo a watin ke duufeena kam xeeñ um. O kiin oxeene nandu fo ax ke yenna kam a ƭat ale.

Esayi 5:13

Ten taxu, xeet es yegkee yeg boo a sutel saax le. Wiin maak we ten xan a nqon fo nqeex, soo a koɗom a mbaraa lakas we fop.

Esayi 56:11

Xa ƥox xa say a ndefu itam, axaa mbaageerna o ngiñ, ke da ndefna gaynaak fop oo! Dara refee na qoox den, a yuxum a qoox den soom a ndeefaa, oxuu refna na den o njiriiñ xoox um a waaƭaa.

Heseki’el 16:30

Mi o Yaal oxe na refkaa boo faw kaam ee: Cey, ndaw ne heestoona! Fi’aa tig oo tig keene fop ndefna calel a caga laa moƴna o hupal.

Dañel 9:11

Ii-isra’el we fop ne da mbodeena a ƭapa kebil of, a nduux a koƥ, a mbañ o nan-giloox o ñuxur of. Kaa i tooñong boo a tax a salax ake mbindeena no kebil ke Moyiis fee o tag of a yen took in.

Hoose 2:8

Ten taxu xam wegit a ƭat um taxas kiƈ, widnin o ɗiiɗing, ndax suurkee na ƭat um.

Xa peƭit axe 28:5

Wiin faaxeer we andee ke jofna, we na mbaaƭaa o Yaal oxe mat a anda fop.

Esayi 42:20

Ga’aa tig mayu, ndaa damiro teen dara. Nof of a mbetooxa, ndaa naniro tus.

Yeremi 35:16

Xa taan axe Yoonadab fee o ƥiy Rekab a mbadna kebil ne o taan den a cooxna a den, soo xeet fene o mat a mbañaam o nan-giloox.

Yeremi 50:6

Xeet es kaa ndeeƭu o siir paal mo’u. Gaynaak den kaa mo’andoogu a den, a njoqooynoornaa a den na xa coong axe. Kaa mbirlooxoogu ndeer xa coong axe fo a ñaang ake, a mbeecit ngetand den.