Efees 6:8 - NQAARIIT NE ROOG

⁸ Fat nu and ee: Oxuu refna xan a daawit no Yaal oxe paax ke ta fi’aa, ta ref o paɗ mbaat oxaa jegna a xoox um.

Efees 6:8 Referans Kwoze

Kolos 3:24

Andyo yee xan o Yaal oxe a coox a nuun ndabid ne refna ref lam ne. Kiristaa refu o Yaal oxe nu ndagooxaa.

YEGIL MBAAX NE YEESU ne Lik a bindtuuna 14:14

O naagangaa o fi’taa neene, ɗaayaa. Yaam ne weene a mbaagkeeroonga o ndabid, xan Roog a rabdong, yaa jofu we a nqontooxkaa.»

Kolos 3:11

Jegatee njektir leng ndeer o Keegeres fo o Yaawuur mbaat ndeer o qucooxu fo o haat. Jegatee o yokooxeer, jegatee o kiin o naaku, jegatee o paɗ, jegatee jaambuur: Kiristaa kaa ref fop, a ref no fop.

2 Korint 5:10

Yaam in fop, kaa i mbar o ngeennel no nqel ne Kiristaa, ndax ta ɓoxot oxuu refna a pi um ye ta ñoowaa no cer um, ta ref paax mbaat paaxeer.

Mace 16:27

O Ƥeenqe no kiin oxe xan a gar kam o ndam Faap um, a yoon fo malaaka um, soo a ɓoxot o kiin oo kiin a pi um.

Mace 6:4

O fi’angaan, xan sadax of a fi’u na pet, too yaaga, xan Faap of fee na ga’aa ke ɗasna a rabdong o ten.»

Xa peƭit axe 11:18

Mbef no soxodu xe kaa kasaara’ooxaa, oxe na duufaa o cofel o mat a xottaa teen ndabid mbagkeer.

Hebre 10:35

Ba nu ndeɓ a cinj boog njambaar ne nu njegna. A jega ndabid maak naa ta geekaneena.

Xa peƭit axe 23:18

Keene o njiriiñ of o feet oo, too yaakaar ne wo saalkee muk.

Hebre 11:26

Jeerel nen a Kiristaa fee o Muumucil oxe regteena, hupu no ten o njiriiñ ee kalal ke ndefna kam Misira fop, yaam kaa doon’u a kid um took tabid ke na ngaraa.

Galati 3:28

Jegatee njektir ndeer o Yaawuur fo o tefee o Yaawuur, ndeer o paɗ fa jaambuur, ndeer o koor fo o tew, yaam nuun fop, o leng nu ndefu na Kiristaa Yeesu.

Mace 6:1

«Mbootooxyo lalit mbaambir no wiin we yee kaa nu njof, ndax da ƭeet a nuun soom. Nu mbi’angaan, nu njegkee ndabid leng paam Faap nuun fee refna na asamaan.

Mace 5:12

Mbelakinooxyo, too ndef kam o ɗaay, yaam ndabid nuun xan a magin na asamaan. Ba nu mbeecit itam ee neene duleer we adooxna a nuun a ñagadilit’e.»

Esayi 3:11

Kaa koy, ndaw naqad took no soxodu xe, yaam xan a rabdel a pi um.

YEGIL MBAAX NE YEESU ne Lik a bindtuuna 6:35

Kaa koy, mbexyo fañ nuun, mbi’anaa a den paax, ƥandtaa, too mbañ o yaakaar teen tig. Yaaga, xan ndabid nuun a magin, nu ndef xa ƥiy no xe refna Took-ee-took, yaam a faaxa no gore’aƭaru we fo soxodu we.

1 Korint 12:13

In fop, no Yiif leng kut le i mbatiise’e, ndax i mbog, ndefat njer leng kut na Kiristaa, ta ref o Yaawuur mbaat o tefee o Yaawuur, o paɗ mbaat jaambuur. In fop, no Yiif leng le i yerne.

Kolos 3:25

Oxe na fi’taa njofaƭar, xan a daaw njofaƭar um, too keene, o leng paykee teen o lak.

Mace 20:7

A ndoonaan ee: ‹O leng jangee jang a in.› A laya a den ee: ‹Ndetyo na ƭing es nuun itam.›