Efees 6:6 - NQAARIIT NE ROOG

⁶ Keene koy, baa ref soom na kid den nen waa na mbaaƭaa kaa felna wiin we, ndaa nen faɗ Kiristaa waa na mbi’aa o bug ole Roog fo xeeñ letu.

Efees 6:6 Referans Kwoze

1 Tesalonik 2:4

Kaa koy, Roog kaa ɗeet a in soom nen waa ngatilna Yegil mbaax ne, soo a doxnin a in. Refee yee kaa i layaa, ndax i mbel wiin we, ndaa Roog fee na horooxaa a qeeñ in.

Galati 1:10

Ndiiki koy, kaa felna wiin we um waaƭaa ndi kaa felna a Roog? Kaam ee ndax kaam waaƭaa o fel wiin we? Um maad’angaa o felaa wiin we, refkoogiim o paɗ Kiristaa.

Efees 5:17

Ten taxu ba nu ndef ɗof, ndaa andyo o bug ole no Yaal oxe.

1 Piyeer 4:2

Yaaga koy, no ngap onqe yoqna no ñoow nuun, naangyo o ñoowaa no bug ole Roog, ndaa baa ref no ke wiin we a yaawaa.

Filip 2:12

Fog es we fexuuma, naa nu moofu kaa nu nananaam. Ten taxu, kaa nu mbar o ƭofit o ñoow nuun no ngim a duuf, nu ngebooxin fo a qalaat fo o saɗar a Roog. Keene koy, baa ref soom yaa nu mbaagaxama o ndoon a ngid. Kaa nu mbar o moƴ o njofnoox teen ndiiki fee goƭuuma a nuun,

Mace 12:50

Yaam oxuu na fi’aa ke Faap es fee na asamaan a bugna, o ndeɓ es o ngoor oo, o ndeɓ es o ndew oo, ya es oo.»

Hebre 10:36

Kaa nu mbar o saƭik kañ, ndax nu mbadin o bug ole Roog soo mbaag o ndaaw ke ta regitna,

Kolos 1:9

Ten taxu in itam, no kaa xotitna na koom alaa i layeena paru na nuun, i nqeɗanaa a nuun a Roog, ndekan a nuun xa ƥay, ndax ta yip na nuun o and o deyu sik, nu mbaag o njekit ke ta bugna, ta yoon fo yiif fo o and no tig Roog.

Mace 7:21

«No we na layaxam ee ‹O Yaal oxe! O Yaal oxe!› a jega waa ndokkeerna kam Maat ne na asamaan. Oxe na fi’aa ke Faap es fee na asamaan a bugna soom na rokkaa teen.

1Saŋ 2:17

Adna feene koy fo a yaaw um, kaa mbaafaa, ndaa oxe na fi’aa ke Faap fee a bugna, xan a maadaa boo kili.

O leetar ole Pool a bindna GIMU WE NGENNA ROM 6:17

Kaa koy, fat Roog a ɓoxotel o ngidim! Nuun we ndeeƭna faɗ bakaad, ndiiki nu nanana fo xeeñ letu lalgand ne refna kam a cangin ale nu ndaawneena.

Kolos 4:12

Epafaras fee nu mbogitna xeet oxe simnaa a nuun. O tag Kiristaa Yeesu yoo, too a naaga o gomreel na qeƭ yaam nuun, ndax nu ñak sik, saƭik no fop ke refna o bug Roog.

Yeremi 24:7

Xam ci a den yiif laa da anditna yee mi refu o Yaal oxe. Xan a ndef xeet es, soo um ref Roog den, yaam xan a nomtooxiid me mi fo a qeeñ den fop.

1 Piyeer 2:15

Yaaga koy, ke Roog a bugna refu yee nu mbi’aa paax, ndax we njegeerna o and fo ñaku xoox we a naang miik.

Yeremi 3:10

Cinj kaaga fop sax, o pog um o tew Yudaa fa ngore’aƭaru fee nomtooxiidee me mi fo xeeñ um fop, ndaa no cat ɗelem soom.» O Yaal oxe layun.

1 Tesalonik 4:3

Ke Roog a bugna kañ refu nu ted, too nu mbootoox ceeq.

Mark 3:35

Yaam oxuu na fi’aa ke Roog a bugna, oxaaga o ndeɓ es o ngoor oo, o ndeɓ es o ndew oo, ya es oo.»

1 Korint 7:22

O paɗ oxe o Yaal oxe a mucilna, a jega a xoox um no Yaal oxe, too oxe andoona yee kaa jeg’u a xoox um, Kiristaa a muclangaan, o paɗ um a refataa.