Efees 6:5 - NQAARIIT NE ROOG

⁵ Nuun faɗ we, nananyo yaal pind nuun na adna fee no kuu refna. Saɗaryo a den, too niw a den fo xeeñ galagee dara, nen Kiristaa nu mbi’anan.

Efees 6:5 Referans Kwoze

Efees 5:22

Nuun rew we, fat oxuu refna na nuun a jaɓan o kor um ne nu njaɓanitna o Yaal oxe.

Malaki 1:6

O ƥiy kaa ci’aa a faap um cer, soo o tag a niwaa o yaal mbind um. Yaaga boog, mi fee faap nuun, xar taxu nu ci’iraam cer? Ndi mi fee o Yaal nuun, xar taxu nu niwiraam? Mi o Yaal oxe Hupna fop na laamtaa a nuun keene, nuun saasadax we na ñawle’aa gon es soo ndamtin ee: «Na xar i ñawle’taa gon of?»

1 Piyeer 3:2

yaam ne da nga’kaa o ñoowooƭ nuun o ñaku ƥanjel ole, too a war o niwel.

Filemon 1:16

Yaam ndiiki, refatee o paɗ soom, ndaa oxaa hupna o paɗ. O pog of o paax oo na Kiristaa. O pog es o paax oo itam, ndaa a waraan o moƴ o ref na wo, yaam ne nu andirna yaaga, ndoon teen mbogat no Yaal oxe.

Filip 2:12

Fog es we fexuuma, naa nu moofu kaa nu nananaam. Ten taxu, kaa nu mbar o ƭofit o ñoow nuun no ngim a duuf, nu ngebooxin fo a qalaat fo o saɗar a Roog. Keene koy, baa ref soom yaa nu mbaagaxama o ndoon a ngid. Kaa nu mbar o moƴ o njofnoox teen ndiiki fee goƭuuma a nuun,

A kim a tedu ke 86:11

O Yaal oxe, andnooraam a ƭat of, ndax um ñaaƴaa no ndigil of. Ci’aam xeeñ damooxu, ndax um saɗar gon of.

2 Korint 1:12

Kañoor in refu ke yiif in a seede’aa. A pesoorooƭ in kam adna fee, moƴtaa sax a ndeer nuun, kaa reeƭu no tedel fo no ngor naa hatna na Roog na pexey yirmande um fop, refee muk no and no kiin.

1 Korint 7:22

O paɗ oxe o Yaal oxe a mucilna, a jega a xoox um no Yaal oxe, too oxe andoona yee kaa jeg’u a xoox um, Kiristaa a muclangaan, o paɗ um a refataa.

Mace 8:9

Mi o mat, kaam fi’aa ke we kelfa’axama a simaxam. Jegaam itam xiixire waa um lulaa. Kaam layaa o leng ee: ‹Reti!› ta ret, soo um lay o lakas ee: ‹Gari!› ta gar. Kaam layaa surga es itam ee: ‹Fi’i kene!› ta fi’in.»

Mace 6:24

«O leng waagee o dagoox yaal ɗik, yaam yaaga xan a fex oxene soo a fañ oxaana, mbaat ta damoox no xene soo a sib oxe yoqna. Nu mbaagee ndagooxaa a Roog, soo mbug o ndagoox Xaaliis.»

Mberaand 16:9

Malaaka fee no Yaal oxe a layaan ee: «Nomtooxi maa no yaal of, too neewandoox no ɓay um.»

Efees 6:24

Yaasam yirmande fee Roog a ref fo fop we mbexna o Yaal in Yeesu Kiristaa o mbeq o saƭku.

A kim a tedu ke 123:2

Ga’angi, ne a kid ake no dag we a ngaantaa no ɓay no yaal den, ne a kid ake no ceefeer oxe a ngeleerooxtaa no ɓay no yaal um o tew, neene a kid in a ngeleerooxtu farna fo o Yaal oxe Roog in, boo yaa ta yirimkaa a in.

1 Caloori ke 29:17

Wo Roog es, andaam ee kaa o horooxaa a qeeñ ake fop soo fex o cofel. Fi’anaaxoong boog ci’it ke mi no fud o letu kam o cofel ole no xeeñ es, too ga’aam xaye fo o ɗaay xeet of feeke ndefna fa mi a mbi’anong leng kut ke fi’uuma.

Yosuwe 24:14

Ndiiki koy, saɗaryo o Yaal oxe too mbaɗooxin fo o ñak sik fo ngor. Mbatinyo roog ke daan nuun a mbaɗooxoogna, ye da ndefaa kaltaa Ofrat fo no saax laa Misira, soo mbaɗoox o Yaal oxe doŋ.

2 Korint 7:15

Tiit koy a jega na nuun o mbeq o maak, a moƴaan a jeg koy yaa ta wetandooxaa ne nu njaɓanit’uuna fo ne nu ndalnit’uuna, njeg no ten a bootax boo sendaa.

1 Korint 2:3

O neew doole tigi fadtiid’um me nuun, sendaa yaam diid.

A pi ake 2:46

Bes fuu refna, kaa mbokatooroogu no Mbind Roog ne, a mbogaa mbuuru ne kam pind ke, a ñaamaa fo o mbeq fo xeeñ yelefu,

Mace 6:22

«A ngid refu o lampa cer. Ñiiñax a ñaaƴangee a ngid of, xan cer of fop a nqool.

O leetar ole Pool a bindna GIMU WE NGENNA ROM 9:3

Jaɓaam Roog a halakaam, um xaajoor fa Kiristaa sax, ndax we fogtuuma xeet a muc, a waag’angaa o jeg.