Efees 6:21 - NQAARIIT NE ROOG

²¹ Mexe luliidaa a Tisik fee o pog in no ngim onqe me nuun. Fexaanum no xeeñ es, too kaa ref o caajal o kore’u no calel ke no Yaal oxe. Xan a yegin a nuun fop ke jofna na mi fo ke um fi’aa.

Efees 6:21 Referans Kwoze

A pi ake 20:4

Weeke ndeeƭu we yoon’ina fa den: Sopateer fee o ƥiy Pirus fee genna na teeru faa Beere, Aristark fa Sekondus we ngenna na teeru faa Tesalonik, Gayus fee genna na teeru faa Derbe, Timote fa Tisik fa Torofim we ngenna no jegel olaa Asi itam a mboga teen.

2 Timote 4:12

Tisik o mat, kaam lulin Efees.

Tiit 3:12

Boo luliiduuma a Artimas mbaat a Tisik me wo, fat o ñofaam o soƥiid Nikopolis, yaam maaga narum o ƴiid.

2 Piyeer 3:15

Ƭeetaqinyo ne o Yaal in a muñtaa ndax nu muc. Keene refu ke o pog in Pool a bindna a nuun itam, na pexey o jeg-yiif ole Roog a cooxuuna.

1 Piyeer 5:12

Mexe bindaa a nuun a ƭelem a leng-leng akeene no ndimle Silwe fee fi’uuma nen o pog o kore’u, ndax um saƭakin a nuun, soo seede yee keene refu yirmande fa ndigil fee Roog. Saƭikyo a paax no ten!

Filemon 1:16

Yaam ndiiki, refatee o paɗ soom, ndaa oxaa hupna o paɗ. O pog of o paax oo na Kiristaa. O pog es o paax oo itam, ndaa a waraan o moƴ o ref na wo, yaam ne nu andirna yaaga, ndoon teen mbogat no Yaal oxe.

1 Timote 4:6

Boo layoona fog we keene fop, xan o ref o caajal o paax na Kiristaa Yeesu, o caajal oxaa na ñoowtaa fa lay fee no ngim onqe, refna a cangin a paax ale o reefaa.

Kolos 1:7

Keene koy refu ke Epafaras fee i mbexna mbex, too a ref o yoon in no calel ke, a janginna a nuun. O ten oo, o caajal o tamooxu no calel ke Kiristaa a ndeer nuun a refu.

1 Korint 4:17

Keene o mat taxu um luliid a Timote me nuun, ten fee refna o ƥees o ngore’u no Yaal oxe. Boo ta garna xan a wetand a nuun me dakuuma fa Kiristaa Yeesu fo ne um jangnitaa a ndeer pokatax ke no gimu we fop.

Filip 1:12

Fog es, kaam bug nu and ee ke dalaxama fop kaa tax Yegil mbaax ne a moƴ o joot.