Efees 6:20 - NQAARIIT NE ROOG

²⁰ Kaam ref oxaa Roog a lulna, ndax um yegnitaa Yegil mbaax neene, taxna um jengel ndiiki. Nqeɗyo boog, ndax Roog a ci’aam njambaar naa um layantan ne waranuuma o layit.

Efees 6:20 Referans Kwoze

2 Korint 5:20

In ndefu we Kiristaa a lulna, soo ta nand nen Roog fa xoox um na layaa fa nuun na pexey in. In we nqeɗaa a nuun no gon Kiristaa nu njaɓ o njofoorandel fa Roog.

Kolos 4:4

andnin wiin we a qool qac ne ta wartaxama.

2 Timote 2:9

Yegil mbaax neene taxu um coono’aa boo jengel neeke nen a saasaay. Kaa koy fa lay fee Roog jengaand.

Filip 1:7

Xalaat es na nuun fop, nuun we mbogna na yirmande fee daawuuma, keene cofu yoo, yaam kaa nu ndef no xeeñ es, ta ref um ɓekel kaso mbaat yaa um xoxtaa, saƭkandaa Yegil mbaax ne.

A pi ake 26:29

Pool a doonaan ee: «A waaga o ref ndiiki de, a waaga o ref taa mbaambir itam. Kaa koy, kaam xeɗaa a Roog, boo refkee wo soom, ndaa weeke na nan-gilooxaxam xaye, nuun fop, nu ndefat ke refuuma, bo ta yoqaa a cengir akeeke.»

1Saŋ 3:16

Mene i anditkaa o mbeq onqe: Kiristaa a ɓoxota o ñis um yaam in. Ten taxu in itam, i mbara o ƥoxot o ñis in yaam fog in.

2 Timote 1:16

Yaasam o Yaal oxe a xayand yirmande um kam mbind Onesifoor. Yaaloortaam no ten a caf a mayu, too kaso fee refuuma fi’iran gaci.

1 Tesalonik 2:2

Nu anda itam ee ye i ngelkaa fo ngar me nuun, i ñagadil’e, mbenel kam teeru fee Filip. Kaa koy, Roog a ci’’a a in njambaar, ndax i yegniid a nuun Yegil mbaax ne ten, ke i mbañ’eena fop oo.

Filip 1:20

Kaam cungaa rek, too yaakaaraa yee jegkiim gaci. Feek naa moofum, too boo kili, xan Kiristaa a ɓoxotel o ndam no cer es fa doole, ta ref um sutel kaso mbaat um wartel teen,

Efees 6:19

Nqeɗanaamoo itam, ndax a mbanuu haƥatuuma bug o lay, um jeg kaa layuuma, boo waag o andnoor kunpa ke no Yegil mbaax ne fo njambaar.

Efees 4:1

Mi fee dameena kaso yaam Kiristaa, mexe maƭooxaa a nuun boog, ndax nu ñoowit ne Roog a bugtuuna no xoy o jegu njiriiñ ole ta xoyna a nuun.

Efees 3:1

Ten taxu, mi Pool fee Kiristaa a taxna um wegel kaso yaam nuun, kaam gen no xeɗanaa a nuun a Roog, nuun we ndefeerna Yaawuur.

A pi ake 28:31

Kaa waare’oogu kaa farna no Maat ne Roog, a jangnaa kaa farna no Yaal oxe Yeesu Kiristaa, a yoonandtin njambaar maak fo o yaadax.

A pi ake 28:20

Ten taxu um xeɗ, ndax um ga a nuun boo lay fa nuun, yaam oxe xeet fee Isra’el a yaakaarna taxu um kepel a cengir akeeke.»

A pi ake 5:29

Piyeer fo apootar waa a ndoona a den ee: «Ndax Roog i mbaru o nanan ndi wiin we?

Xa peƭit axe 13:17

O lulaaƥe paaxeer kaa oraa taamaala, o kore’u xe mat a sakaa jam.

Yudaa 1:3

Nuun we fexuuma! Kaam jeemoogu o bind a nuun no kaa farna na muc ale i njegna, ye ga’uuma yee wareef es oo. Ten taxu, mexe bindaa a nuun o leetar olene, ndax um saƭakin a nuun, nu maafrel yaam o ngim onqe Roog a ci’na jaf leng kut tedu we ndefna wiin um.

Filemon 1:10

mexe xeɗooxanang a Onesiim. O ƥees oo na Kiristaa, yaam meeke kam kaso fee, faap um refatum no ngim onqe.

A pi ake 21:33

Maaga, kelfa faa a matiida a Pool, a damin, soo a hebil ta humel fo ceen ƭik. A cinj kaaga, a laamta oxe refna Pool fo ke ta fi’na.

Esayi 58:1

O Yaal oxe kaa tee: «Falalooxi a maak, fañ o waas. Fat o ñuxur of a nannoox koƭu nen fangax a luuƥ. Yegni xeet es njofaƭar den, andnoor we no mbind Yakoob pakaad den.

Yeremi 1:17

Wo Yeremi koy, humnooxi. Inooxi, ret daawin a den fop ke um hebilkang. Ba o send mbaambir den, yaam ndik um sendnoorong mbaambir den.

Esayi 33:7

We ngenna Ari’el owe njibnaa xa buuq kam ped ke, we na sakaa jam a loolaa ciic.

Yeremi 40:1

O Yaal oxe a daawna a Yeremi fa lay um a cinj ye Nebusaradan fee adooxanna yeeyetax we no maad oxe Babilon a nomtit’uuna Rama. Yeremi kaa humit’el ceen a ndeer no we ndameena na Yeerusaleem fo na Yudaa mbaajoogeena o ƥis Babilon took o hup doole.

2 Korint 3:12

Ne i njegna yaakaar neene taxu boo i njeg a koolax.

Kolos 4:3

Nqeɗanyo a in itam, ndax Roog a waag o ci a in o gom no calel ke. Neene, xam waag o yegnitaa kunpa fee Kiristaa taxna um jengel,

Filemon 1:9

ndaa ke moƴanaxama koy, um xeɗong no mbeq. Mi Pool, ke refuuma ref o nogoy fop oo, soo doon teen ref oxaa jengeena yaam Kiristaa Yeesu,