Efees 6:2 - NQAARIIT NE ROOG

² «Niwi a faap of fa ya of», refu kebil eetaand ne yoonandteena a tegit:

Efees 6:2 Referans Kwoze

A sutax ale 20:12

Niwi a faap of fa ya of, ndax o xuuɗ kam saax le um ci’kang, mi o Yaal oxe Roog of.

A cangatin ale 27:16

‹Oxuu niwaƭarna a faap um mbaat a ya um a halakooxa!› Fat xeet fee fop a ndoon ee: ‹Amiini!›

Xa peƭit axe 20:20

Oxe na salooxaa a faap um fa ya um, xan o ñoow um a nuk nen o lampa ñufu ndeer o niɓaan.

Malaki 1:6

O ƥiy kaa ci’aa a faap um cer, soo o tag a niwaa o yaal mbind um. Yaaga boog, mi fee faap nuun, xar taxu nu ci’iraam cer? Ndi mi fee o Yaal nuun, xar taxu nu niwiraam? Mi o Yaal oxe Hupna fop na laamtaa a nuun keene, nuun saasadax we na ñawle’aa gon es soo ndamtin ee: «Na xar i ñawle’taa gon of?»

Heseki’el 22:7

Faap fa yaay kaa nqeefel me wo, o gataakoon ole a ñagadileel a ndeer of, o waan ole fo o ñaaw oxe a mbalteel.

Yeremi 35:18

Cinj kaaga, Yeremi a laya Reerekab we yee: «Keeke o Yaal oxe Roog fee Isra’el Hupna fop a layu: ‹Nu nan-gilooxa kebil ne Yoonadab fee o taan nuun, ngay fop ke ta hebilna, soo mbi fop ke ta simna a nuun.

O leetar ole Pool a bindna GIMU WE NGENNA ROM 13:7

Oxuu nu saqanna o lad, ndabdeenoo o ten! Oxe nu mbarna o ndabid a bateer, ndabdeenoo o ten. Oxuu nu mbarna o ndabid juuti, ndabdeenoo o ten. Oxuu nu mbarna o saɗar, saɗareenoo, too oxuu nu mbarna o niw, niweenoo.

A cangatin ale 5:16

Niwi a faap of fa ya of, ne heblitoonga o ten, ndax o xuuɗ too ɗaay kam saax le um ci’kang, mi o Yaal oxe Roog of.

Yeremi 35:7

Nu maxkee pind, nu nduufkee ax leng, nu njimbkee taxar biiñ too nu njegkee dara no keene fop. Xan nu ngenaa kam ƭiif no ñoow o ñis nuun fop, ndax nu nquuɗ no saax le nu molkaa.›

Efees 6:3

«Ndax o ɗaay too xuuɗ.»

1 Timote 5:4

A soƥangaa koy ee o ñaaw oxe kaa jeg xa ƥiy mbaat xa taan axaa ngeenooxuuna, wiin we no ƥasil neene a mbara o lalit ee kaa ndeefaa a Roog. A mbara o ngeenoox a paax we ngeenoox’ina a den yaaga mbaagoodee dara. Kaaga kaa felna a Roog tigi yoo.