Efees 6:19 - NQAARIIT NE ROOG

¹⁹ Nqeɗanaamoo itam, ndax a mbanuu haƥatuuma bug o lay, um jeg kaa layuuma, boo waag o andnoor kunpa ke no Yegil mbaax ne fo njambaar.

Efees 6:19 Referans Kwoze

Kolos 4:3

Nqeɗanyo a in itam, ndax Roog a waag o ci a in o gom no calel ke. Neene, xam waag o yegnitaa kunpa fee Kiristaa taxna um jengel,

A pi ake 4:29

Ndiiki koy o Yaal oxe, ɗeeti ne da ngartoortaa a in, ci’i a in, in we na mbaɗooxang, i yegnitik fa lay of fo njambaar!

2 Tesalonik 3:1

Fog we, nqeɗyo ndax fa lay fee no Yaal oxe a ñof o jof mbaambir, a niwel ne nu niwtuuna.

1 Tesalonik 5:25

Fog we, fat nu nqeɗanaa a in itam.

Hebre 13:18

Ngenyo no nqeɗanaa a in boog! A woora a in ee i njega yiif dalu, yaam i mbuga o mbi ke jofna no kuu ta refna.

A pi ake 4:31

Yaa da nqeɗna boo a ƈut, lanq kaa no mbiñ onqaa da moof’ina a yo’nooxa. Den fop a maya fo Yiif Tedu le, a yegnitaa fa lay fee Roog fo njambaar.

1 Tesalonik 2:2

Nu anda itam ee ye i ngelkaa fo ngar me nuun, i ñagadil’e, mbenel kam teeru fee Filip. Kaa koy, Roog a ci’’a a in njambaar, ndax i yegniid a nuun Yegil mbaax ne ten, ke i mbañ’eena fop oo.

2 Korint 8:7

Ne nu njegna halal no fop, ta ref o ngim onqe fo fa lay fee fo o and ole fo o jaflax no fop fo o mbeq onqe nu njegna na in, neene itam nu mbaru o ngoorgoorlooxit no calel paaxu keene.

Efees 1:9

A andnoora a in kunpa fee ta ɗaapna, too ta yuuɓ’un yaaga, ndax ta fadnin na Kiristaa.

1 Korint 4:1

A soƥangaa yee neene tige a saxtu koy, kaa nu mbar o ƭeet a in nen dag Kiristaa waa ndoxneena o ndaawnaa lakas we kunpa ke ndefna na Roog.

A pi ake 28:31

Kaa waare’oogu kaa farna no Maat ne Roog, a jangnaa kaa farna no Yaal oxe Yeesu Kiristaa, a yoonandtin njambaar maak fo o yaadax.

A pi ake 19:8

Pool a roka no mbind a qeƭ naa no Yaawuur waa. Maaga, a waare’ooga fo njambaar boo a qool a tadak, a jeetaayaa fa den kaa farna no Maat ne Roog, too a waaƭaa maa ta gimnooritna a den.

A pi ake 13:46

Maaga, Pool fa Barnabaas a laya a den a qool qac ee: «Nuun o mat fa lay fee Roog a war’e eet o waare. Kaa koy, ne nu mbañuuna, nu ngate’ana a qoox nuun ee o ñoow o fagkeer ole a jomba a nuun. Ten taxu in we ndetaa farna fo we ndefeerna Yaawuur.

Filemon 1:22

Mexe xeɗang itam o jagandanaam maa daluuma, yaam yaakaaraam ee xan Roog a jaɓ a qeƭ nuun, boo um waag o soƥiid a nuun.

Kolos 2:2

ndax da mbaag o njeg yaaloor, o mbeq a fokat a den, da mbapoor yiif o andik kunpa Roog, ta ref Kiristaa.

2 Korint 3:12

Ne i njegna yaakaar neene taxu boo i njeg a koolax.

1 Korint 1:5

Yirmande feene refu yee xañee a nuun dara no ten. A ci’a a nuun nu mbaag fa lay, njeg o and itam.

A pi ake 14:3

Pool fa Barnabaas a miñ’a Ikooñum. Kaa layoogu fa doole, too a njeg a koolax no Yaal oxe. O Yaal oxe a ci’a a den sañ-sañ faa da mbi’taa xa anddiloor fo comlaand. Neene, a lalta yee ke da mbaare’oogna na yirmande fee ten ndigil kak oo.

A pi ake 9:27

Maaga, Barnabaas a jangaan, a ɓisin no apootar waa. A wetandooxa a den ne Sool a ga’it’ina o Yaal oxe na ƭat ale fo ne ta layit’ina fo ten. Barnabaas a wetandooxa a den itam ne Sool a waare’toogna fo njambaar no gon le Yeesu kam Damaas.

1 Timote 3:16

Kunpa fee no reef a Roog tig maak oo: Roog kaa xawoox, a ref o kiin. Yiif le Roog a lalta yee a jofa, malaaka ke a nga’in, ta waare’el adna fa muum. Mayu na adna fee a ngimaan, cinj kaaga, ta yoɗel, a sipel kam o ndam um.

2 Korint 7:4

Jegaam a koolax a maak na nuun, ta refat sax o wooƥ o fakoor es na nuun. Kaam ee, mayaam fo xa yaaloorand, may muut fo o ɗaay kam coono ke in fop.

2 Korint 1:11

Nuun itam, nu langantangaa a in fo a qeƭ, yaaga xan Roog a jaɓ a qeƭ ake wiin mayu a nqeɗanaa a in, too xan a ci’it a in teen yirmande. Neene, xan wiin mayu a ngidim a Roog itam yaam in.

1 Korint 2:7

O jeg-yiif ole i mbaare’aa refu ole hatna na Roog, a ref kunpa, too Roog a yuuɓ’un yaaga jamaane jegafulee, ndax ta ɓis a in no ndam.

O leetar ole Pool a bindna GIMU WE NGENNA ROM 15:30

Fog we, yaam Yeesu Kiristaa fee refna o Yaal in fo yaam o mbeq onqe Yiif Tedu le a ci’taa, kaam xeɗaa a nuun nu yoon fa mi, maafrel, nqeɗanaam a Roog.

A pi ake 18:26

A layoogata fo njambaar no mbind a qeƭ naa den. Ye Pirisil fa Akilaas a nanuuna, a nqoyaan maa den, a tektin a ƭat ale Roog a qool qac.

A pi ake 4:13

Yaa waa mbog’ina no Mal naa a nga’na njambaar ne Piyeer fa Saŋ, kaaga a beta a den lool, yaam a and’a yee a cang den goƭee. Kaa koy, a and’ata yee no we yoonoogna fa Yeesu a mbogu itam.

A pi ake 2:4

Den fop a maya fo Yiif Tedu le, too a ndalfooxa o layaa lak lakas kaa Yiif le a ci’na a den.

A pi ake 9:29

Kaa layoogu itam, too a ñimatiraa fo Yaawuur we na layaa a gerek, ndaa weene kaa mbaaƭoogu maa da nquufitna ñoot o ñis um.

O leetar ole Pool a bindna GIMU WE NGENNA ROM 16:25

Fat i simat a Roog boog! O ten jegu sañ-sañ faa ta saƭkinitna a nuun kam o ngim onqe na pexey Yegil mbaax ne um yegnitaa. Yegil mbaax neene um waare’aa koy, kaa jagin na Yeesu Kiristaa. Roog a feeñla a in yuuƥ kunpa’u ne ten ɗasin’eena yaaga.

2 Korint 6:11

I laya fa nuun fop, too i ƭasee a nuun dara, nuun qaariit in ke ngenna Korint, kaa i mbetan a nuun a qeeñ in.

Efees 3:9

A ci’axam itam, ndax um xoolandan wiin we fop, da and ne kunpa fee Roog a wareena o feeñlit. Roog oxe sakna fop, kaa bug’u o ɗasin yuuƥ neene, yaaga boo fa ndiik.