Efees 6:18 - NQAARIIT NE ROOG

¹⁸ Mbi’yo keene fop, yoonandtin a qeƭ, nqeɗaa o ndimle Roog na pexey Yiif le. Saƭikyo no keene boog, ngen teen, too nqeɗanaa tedu we fop.

Efees 6:18 Referans Kwoze

1 Tesalonik 5:17

Naangyo o nqeɗaa ñaal fo o yeng,

Kolos 4:2

Nuun fop, fat nu njof mbaambir na qeƭ, yokoox teen, ndef no ngidim.

Filip 4:6

Ba nu nqalam dara! No kuu refna, ndiisyo a Roog coxla nuun, nqeɗaa, nqeɗooxaa, too ngidman itam.

1 Timote 2:1

Mexe eet o heblaa fop boog, da nqeɗaa, a nqeɗooxaa, a nqeɗanaa lakas we itam, a ngidmaa a Roog yaam wiin we fop.

Yudaa 1:20

Kaa koy, nuun we fexuuma, moƴyo o njokraa kam o ngim o tedu nqe nuun, nqeɗtaa Yiif Tedu le.

Mark 14:38

Yetooxyo, too nqeɗ, ndax nu yenkee no mbog. Yiif le a jagandooxa, ndaa cer ke kaa ngees.»

YEGIL MBAAX NE YEESU ne Lik a bindtuuna 21:36

Yetooxyo boog, too nqeɗaa waxtu fuu refna, ndax a koom nu njeg doole faa nu ndaɗitna keene na xewkaa fop, ngeenoox mbaambir no Ƥeenqe no kiin oxe.»

Mace 26:41

Yetooxyo too nqeɗ ndax nu yenkee no mbog. Yiif le a jagandooxa, ndaa cer ke kaa ngees.»

Dañel 9:20

«Maad’aam o xeɗaa, weejlaa pakaad es fo ke na Isra’el fee xeet es soo diisaa o Yaal oxe Roog es kaa farna no joong o tedu le ten.

Efees 1:16

kaam gen no gidmaa a Roog yaam nuun, wetandooxaa a nuun na qeƭ es.

A kim a tedu ke 6:9

Ngoƭaamoo nuun fop we na mbi’aa paaxeer, yaam o Yaal oxe a nana xa lool es.

O leetar ole Pool a bindna GIMU WE NGENNA ROM 12:12

Fat o ɗaay a ref fa nuun yaam yaakaar ne nu njegna. Njegyo o muñ kam coono ke, too ngen no nqeɗaa.

Mark 13:33

Mbootooxyo boog, too yetoox, yaam nu andee a mbane waxtu fee a refkaa.

1 Piyeer 4:7

Muukandoong ne no kuu refna a matiida. Saqyo boog yiif jagandooxu, soo yetoox, ndax nu mbaag o nqeɗaa.

A pi ake 1:14

Den fop kaa mbog’u xeeñ leng, a ngen na qeƭ. A jeg’a itam rew leng-leng nen a Mari fee ya Yeesu fo xa teɓ axe Yeesu.

YEGIL MBAAX NE YEESU ne Lik a bindtuuna 22:46

Yeesu a laya a den ee: «Xar taxu nu ƭaanaa? Inooxyo too nqeɗ, ndax nu yenkee no mbog.»

A kim a tedu ke 4:1

O yaal a ƭat ale no jeejeek we a xoolne yee a kim alene kaa yoonandteel o nqilimb. A kim a tedu laa fogna na ke Dawid oo.

Hebre 5:7

Kam o ñoow um na adna fee, Kiristaa kaa xeɗoogu a Roog fee waag’uuna o mucil na fa nqon, a yoonandtin xa iin fo xa kooniit. Roog a jaɓa a qeƭ um, yaam ne ta ɓoxotoox’ina no ten.

2 Timote 1:3

Ñaal fo o yeng kaam wetandooxang na qeƭ es. Ten taxu itam, gidmaam a Roog fee daan es a ndagooxoogna, too mi itam um dagooxan ndiiki fo yiif dalu.

Filip 1:4

xeɗanaa a nuun, nuun fop, diisan ne ɗaaytuuma

1 Maad we 8:52

Fat a kid of a mbetoox na qeƭax no tag of fo na qeƭax Isra’el fee xeet of, ndax o nan-giloox a den a mbanuu da ƈufginooxang.

1 Maad we 9:3

O Yaal oxe a laya a Salomo yee: «Jaɓaam a qeƭ of fo a qeƭax ale xeɗooxaxamoona. Kesaam Mbind nene maxoona, too xan gon es a gen teen boo kili, a kid es fo xeeñ es a ndef teen boo faw.

1 Maad we 8:54

Ye Salomo a ƴutna a qeƭ aleene fo a qeƭax aleene ta xeɗooxoogna o Yaal oxe, a inooxa mbaambir o sadaxand ole no Yaal oxe me ta gooknoox’ina, a letin xa ƥay um farna fa asamaan.

Efees 6:19

Nqeɗanaamoo itam, ndax a mbanuu haƥatuuma bug o lay, um jeg kaa layuuma, boo waag o andnoor kunpa ke no Yegil mbaax ne fo njambaar.

A pi ake 12:5

Piyeer kaa yetooxoogel na kaso faa, ndaa we mbogna no fog olaa no gimu waa kaa nqeɗanoogun a Roog kili.

Hoose 12:4

Kam o fud ya um, Yakoob a ƴiƴta o maag um, too ye ta deyna o fes ñaƭ, a maafra fa Roog.

Dañel 6:10

Kaaga a taxa boo o maad Daryus a dalin kebil neene soo a ñaasin.

Esayi 26:16

O Yaal oxe, ye i ndeeƭna no njaaxɗataand, i mbaaƭoogaang. I ƈufginooxaang na qeƭ, ye a qaw ale wo a dalna took in.

1 Maad we 8:59

Yaasam fa lay fee um xeɗoortaa meeke a ref paam o Yaal oxe Roog in ñaal fo yeng, soo ta fi’anaa o tag um fa xeet fee Isra’el paax ñaal oo ñaal.

Filemon 1:5

Gon of a jootiida boo me mi yaam ne fexoona tedu we fop fo ne gimtoona no Yaal oxe Yeesu.

Sakari 12:10

Maaga, xam fudin took mbind Dawid fo took lakas we ngenna Yeerusaleem fop yiif yirmande fo a qeƭax. Xan a ndaxaaƴooxaam, mi fee da ndibna. Xan a mboygooxin ne o kiin a foygoortaa fa ñak no ƥiy o leng kut onqe ta jegna. Kaam ee xan a mboygooxin tigi ne taaw fa nqonu a foygoorteel.

Ke bindeena no xe ne’eena YOB 27:10

Ndax no Cegu katil oxe o ɗaay um a refu? Ndax na Roog a jagnaa a qeƭ um mbanuu refna?

Esteer 4:8

A cooxa a Hatak a pind ake yiƥadoox’eena kebil ne na saŋik ale no Yaawuur we yegnit’eena kam Suusaan, ndax ta lalkin a Esteer. A layaan itam, ndax Esteer a ret maa no maad oxaa, a xeɗooxanik xeet fee ta fogna, ndax ta yirim a den.

A pi ake 10:2

O koor oxaaga kaa reefoogu a Roog, a saɗarin, ten fo ƥasil um fop. Kaa dimle’oogu rool mayu ndeer no Yaawuur we, soo a gen no xeɗaa a Roog kili.

A pi ake 6:4

Neene itam, in fa qoox in, xan i mbaag o ndam no nqeɗaa, too ndef no calel ke na waare fee.»

Efees 3:18

Yaasam nu mbaag o and, nuun fo we mbogna na xeet fee Roog fop, ne o mbeq onqe Kiristaa a yaajitna soo a jigdit neen, a goƭ took soo a xooɗ.

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.

O leetar ole Pool a bindna GIMU WE NGENNA ROM 8:15

Yiif le nu ndaawna ɓekee a nuun muk no mbaƭ, boo a taxkaa nu ndefahin no diid. Yiif leene o mat refu Yiif Tedu le fi’na a nuun xa ƥiy Roog boo i nqoyataa a Roog «Aba, Faap!»

Efees 2:22

No ten, nu mboga nuun itam, no we tabaxeena, ndax nu ndefat ngenand Roog na pexey Yiif le ten.

YEGIL MBAAX NE YEESU ne Lik a bindtuuna 3:37

Lemek a ref o ƥiy Metuseela, Metuseela a ref o ƥiy Henok, Henok a ref o ƥiy Yered, Yered a ref o ƥiy Maxalaleel, Maxalaleel a ref o ƥiy Kenaan,

Kolos 1:4

yaam kaa i layel o ngim nuun na Kiristaa Yeesu fo o mbeq onqe nu njegna no gimu we fop.

Galati 4:6

Ne nu ndefna xa ƥiy xa time taxu Roog a luliid Yiif no Ƥeem kam in. Yiif leene koy na falalooxaa yee: «Aba, Faap!»

YEGIL MBAAX NE YEESU ne Lik a bindtuuna 3:26

Nangay a ref o ƥiy Maat, Maat a ref o ƥiy Mataca, Mataca a ref o ƥiy Semey, Semey a ref o ƥiy Yoseek, Yoseek a ref o ƥiy Yooda,

Kolos 1:3

Kaa i ngidmaa a Roog Faap no Yaal in Yeesu Kiristaa, a mbanuu i nqeɗanaa a nuun,

1 Sami’el 1:12

Ne Xaan a miñ’ina na qeƭ lool, a taxa Eeli a ref no horooxan.

Mace 17:21

Kaa koy, jini fa nandu neene a qeƭ fo koor soom mbaagu tax ta sutoox.]»