Efees 6:13 - NQAARIIT NE ROOG

¹³ Ten taxu nqotyo ndiiki ƥonax ke Roog fop. Neene, boo andoona yee ñaal mbaaxeer ne a gara, xan nu mbaag o nqox oxe fodna a nuun mbaambir, too saƭik a cinj yaa nu maafna fop.

Efees 6:13 Referans Kwoze

2 Korint 10:4

Yaam refee yee njer jalu ƥonax ke i ñoxorteel. Ƥonax in kaa inoor na Roog, a njeg katil boo a mbaag o njiƭit saŋe ke. Kaa i yaqaa xa ƭelem xa maamaaɓ axe,

YEGIL MBAAX NE YEESU ne Lik a bindtuuna 21:36

Yetooxyo boog, too nqeɗaa waxtu fuu refna, ndax a koom nu njeg doole faa nu ndaɗitna keene na xewkaa fop, ngeenoox mbaambir no Ƥeenqe no kiin oxe.»

Efees 5:16

Njiriiñoorityo o daaw oluu nu njegna, yaam jamaane fee i ndefna felee.

YEGIL MBAAX NE YEESU ne Lik a bindtuuna 8:13

Ax ke samna no ƭeŋkeleer ne tektu wiin we andoona yee kaa nan fa lay fee, a njaɓin ndak fo ndak fo o ɗaay, ndaa koy njegee a paƴ na den sax sax. A pe a leng-leng soom a ngimaa, ndaa ƭeetlax ke a ngarangaa, kaa ndalfooxaa o mbes o ngim onqe a cinj.

Mbeeñil 3:10

Yaam ne gayoona ke layuuma no kaa farna no saƭkel, ten taxu mi itam oo xam gaynaakong na jamaane fee Roog a toroxandkaa adna fee fop, ndax ta ɗeetloox we ngenna no lanq ke fop.

Kolos 4:12

Epafaras fee nu mbogitna xeet oxe simnaa a nuun. O tag Kiristaa Yeesu yoo, too a naaga o gomreel na qeƭ yaam nuun, ndax nu ñak sik, saƭik no fop ke refna o bug Roog.

Malaki 3:2

Ndi an na hatilkaa bes feene ta garkaa? Kaam ee an na geenooxkaa naŋ, yaa ta feeñna?, yaam kaa nand fo fiɗel no paal o qaaxaw soo a ran-gandaa taw nen xeme.

O baawaare xe 12:1

Wetandooxi o Saasak of yaa fo ndeƥandoong of, boo ñaal taamaala ke a ngelko fo ngaraa, soo xa kiid axe mbeleeroonga a mbadiid,

Efees 5:6

Ba o leng a nax a nuun fo fa lay fa njegee xoox, yaam tooñ nandu neene na taxkaa fuux le Roog a dal took no we mbañuuna o nanan.

Mbeeñil 6:17

yaam bes fa maak fee da nqawkaa a in a fadiida, too an na waagkan o haŋ?»

Amos 6:3

Nu mbugee nan kaa farna no ñaal ne o njakad a fudooxankaa a nuun boo ƈut, soo mbi’aa kaa na qicaa took nuun maat yednu.

O leetar ole Pool a bindna GIMU WE NGENNA ROM 13:12

O yeng ole xe faafaa, too mbeet ne xey a leeliidaa. Fat i mbaas boog a pi a niɓaanu ke, too nqot ƥonax ke Roog a cooxna a in, ndax i ñoow na qoolaand ale.

Saak 4:7

Ten taxu, neewandooxyo paam Roog. Mbañyo o ƈiƴ oxe, too xan a riƈatoox a nuun.

1 Piyeer 4:1

Ne Kiristaa a coono’itna no cer ke boog, nuun itam, saƭkityo neene, yaam oxe coono’na no cer um, a ƴutoora fa bakaad.