Efees 6:11 - NQAARIIT NE ROOG

¹¹ Nqotyo ƥonax ke Roog fop ndax nu mbaag o nqox pexey ke no ƈiƴ oxe.

Efees 6:11 Referans Kwoze

2 Korint 10:4

Yaam refee yee njer jalu ƥonax ke i ñoxorteel. Ƥonax in kaa inoor na Roog, a njeg katil boo a mbaag o njiƭit saŋe ke. Kaa i yaqaa xa ƭelem xa maamaaɓ axe,

O leetar ole Pool a bindna GIMU WE NGENNA ROM 13:12

O yeng ole xe faafaa, too mbeet ne xey a leeliidaa. Fat i mbaas boog a pi a niɓaanu ke, too nqot ƥonax ke Roog a cooxna a in, ndax i ñoow na qoolaand ale.

1 Tesalonik 5:8

Fat i mbod no ke i mbi’aa, in we ndefna na qoolaand ale. Fat ndoki njelem in a ref o ngim fo o mbeq, soo o maxanda njelem in a ref i yaakaaraa a muc ale.

Efees 6:13

Ten taxu nqotyo ndiiki ƥonax ke Roog fop. Neene, boo andoona yee ñaal mbaaxeer ne a gara, xan nu mbaag o nqox oxe fodna a nuun mbaambir, too saƭik a cinj yaa nu maafna fop.

1 Piyeer 5:8

Njagandooxyo, kaam ee yetooxyo! O ƈiƴ oxe refna o pañ nuun, kaa widaa nen njogoy nqeexe, a waaƭaa oxaa ta saŋikna.

2 Korint 2:11

ndax Saytaane ci’kaand o gom olaa ta jegitna doole took in, yaam pexey um fo a pi um mo’ee o leng na in.

Efees 4:14

Yaaga i ndefkatee xa teɓandoong axaa a yag-ee-yag ake a ƥisaa, soo a cangin a andand ake wiin naanax a ndalinna a ndiñaa a den mene fo maana. Wiin weene kaa mo’nooraa lakas we na pexey o ƴiƴ ole da nqalaatanna a qoox den.

Kolos 3:10

Ndiiki koy, nu ndokooxa ngiin nqas ne na jib’atintaa no nand Roog fee sakuuna, ndax ta fadnoox no andin tigi.

O leetar ole Pool a bindna GIMU WE NGENNA ROM 13:14

Fat nu ndokoox o Yaal oxe Yeesu Kiristaa. Ba nu ndeefan a pug ake nuun, ndik nu mbadin a yaaw a paaxeer ake nuun.

2 Korint 11:3

Kaa koy, kaam diidaa sax a qalaat nuun a ndok no naanaxir, soo nu naang tukit o kumnoor o saƭku o ñaku sik ole humin’ina a nuun fa Kiristaa, nu nandat fa Awa fee fangool fa ƈiƴu fee a nax’ina.

2 Korint 6:7

fo na pexey waare in no ndigil ne fo na pexey katil fee Roog. Ƥonax in refu o cofel ole i ñoxorteel soo mbegoortan.

Mbeeñil 2:24

Nuun lakas we mbogna no mbokatax ne no gimu we Tiyatiir o mat, andaam ee nu ndamooxee na cangin a koɓong aleene fo ke da nqoyaa kunpa qooɗu ke Saytaane. Mexe layaa a nuun boog ee gadinkiim a nuun a toq a lakas.

Efees 4:24

Ndokooxyo ngiin nqas ne sakeena a nand fa Roog, soo a feeñ kam o ñoow o jofu le saqna ndigil ne, too a ted.

Hebre 7:25

Ten taxu, ndiiki Yeesu a waaga o mucil boo faw we na matiidaa a Roog na pexey um, yaam oxe ñoowaa boo xaye, ndax ta xeɗanaa a den a Roog.

Yudaa 1:24

Roog oxe refna o leng, a ref o Muumucil in na pexey o Yaal in Yeesu Kiristaa, ten soom waagu o saytoox a nuun no njom nuu refna. O ten waagu o geenin a nuun itam no ndam um, nu ñak sik, ndef no ɗaay o maak. Yaasam ta ɓoxotel o ndam fo maat fa doole fa sañ-sañ no kaa xotitna no mberaand naa, a gar ndiiki bo na moos boo moos! Amiini.

2 Korint 4:4

Wiin weene ngimee, yaam oxe na fi’ooxaa roog na jamaane feeke kaa fuulin a qalaat den, ndax nga’kee meleƈ le na qoolaand ale no Yegil mbaax ne Kiristaa fee refna nitaal ne Roog.

1 Korint 10:13

Nu ƭeetlooxkaand ƭeetlax naa o kiin a mosaandeena o ɗeetloox, too Roog fee refna gor xaƴkee a nuun, nu sipanel ƭeetlax naa hupna a nuun doole. Kaa xaƴaa nu ƭeetlooxel, ndaa a naaga o soƥaa ta jagand yaaga naa nu sutoorna teen, ndax nu ngatil ƭeetlax keene.

Mark 13:22

Xan Kiristaa maamaaɓ fo duleer maamaaɓ a mbeeñ, too xan a mbi’aa xa anddiloor fo comlaand, ndax da nax we Roog a jilna sax, a mbaagangaan.

Mbeeñil 12:9

Maaga, Niŋki-naŋka maak ne a foor’e tafil. Ten refu Mbangool ne yaaga na xoyeel o ƈiƴ oxe mbaat Saytaane. Ten oxe na naxaa adna fa muum a jooriide a lanq, ten fo malaaka ke ten.

Mbeeñil 19:20

Naaga, Ɓaanoor a naage nuus a damnoorel, ten fo o tuleer o maamaaɓ oxe fi’’ina xa anddiloor mbaambir um. Xa anddiloor axeene a naxtoogu we ndaaw’ina o ñaas ole Ɓaanoor, soo a mbaɗooxaa nitaal um. Maaga, den ɗik fop a ndeɓe na mbeel fiɗel alaa no nqeen ke moƴna o saas.

Saak 4:7

Ten taxu, neewandooxyo paam Roog. Mbañyo o ƈiƴ oxe, too xan a riƈatoox a nuun.

Haahate we 3:2

yaam a bug soom suk ke no Ii-isra’el we a and soo a aqatoox xire, tan-tan boog we and’eeruuna yaaga:

Nehemi 4:13

Layaam maak we, kelfa ke fo fop we maad’uuna yee: «Calel ke a magna, a yaaj, too kaa i pictoor no saŋe ne, ngoƭatir.