Efees 6:10 - NQAARIIT NE ROOG

¹⁰ Ndiiki koy, ne nu mbogna no Yaal oxe, mbaaƭityo no ten doole nuun, too ndokoox katil magnu ne ten.

Efees 6:10 Referans Kwoze

Filip 4:13

Waagaam fop yaam oxe na dif’axam.

Esayi 40:31

ndaa we yaakaarna o Yaal oxe kaa ndaawaa doole fa nqas. Kaa yetaa nen a canjiik, a ƈufaa, too nqijkee, a ñaaƴaa, too ñakkee doole.»

Yosuwe 1:9

Ba o weec ee mi layong ee saƭakinooxi too saq njambaar. Ba o saɗar boog too ba o diid, yaam mi o Yaal oxe Roog of mexey fa wo muu o retaa.»

1 Korint 16:13

Ndiiki koy, yetooxyo, saƭik no ngim onqe, ndef goor, too saƭakinooxaa.

1 Piyeer 5:10

Roog fee mayna yirmande, xoyu a nuun na Kiristaa, ndax nu mbog no ndam o mbagkeer onqe ten. Roog fa xoox um xan a fap a nuun na Kiristaa, a cinj yaa nu coono’na o ndik, a saƭkand a nuun, a ci a nuun doole, a fi a nuun bo nu mbaagkee o yen.

Kolos 1:11

Kaa i nqeɗaa itam doole um fee jegna o ndam a fap a nuun o saax oo saax, ndax nu mbaag o saƭik too njeg o muñ,

Efees 1:19

Kaam xeɗaa itam, ndax nu and ke refna katil maak njegee hap ne ta jegna na in, in gimu we. Katil neene refu sax ke Roog a lalitna fa doole fa mbagkatar,

Efees 3:16

Kaam xeɗan, ta ci a nuun, nu saƭik fa doole na pexey Yiif le ten no ngiin kam ne nuun, ndax nu ndaawtin na halal fee no ndam onqe ten.

2 Timote 4:17

O Yaal oxe rek fartaxam, a dif’aam, a muclaam no njogoy ne, ndax waare fee a fadnoorit na mi, we ndefeerna Yaawuur fop a nanin.

Esayi 40:28

Ndax kaa andino? Ndax kaa nanino? O Yaal oxe refu Roog bo na moos boo moos. O ten saku adna fee, a xotit no cat boo no cat. Naagee o xijaa, too doole um wañooxkee muk. O leng waagee paang o jeg-yiif um fop.

2 Timote 2:1

Wo o mat o ƥees, fapoori yirmande fee refna na Kiristaa Yeesu.

2 Caloori ke 15:7

Yaaga boog, saƭikyo too ba nu nqaƴ xa ƥay nuun da yaar, yaam a pi ake nuun xan a saɗgel.»

Safe le no tuleer AGE 2:4

Ten taxu mi o Yaal oxe mexe layaa a nuun ee: Ndiiki koy, wo Serubabel, saƭakinooxi, wo Yosuwe fee o ƥiy Yosadak, refna o saasadax o maak oxe, saƭakinooxi, nuun xeet fee no saax le fop, saƭakinooxyo! Ndopyo calel, yaam mexey fa nuun. Mi o Yaal oxe Hupna fop layun.

A kim a tedu ke 138:3

A koom alaa ƴufginooxoonga, jaaɓaxamo, soɗaam njambaar, ci o laaw es doole.

Filip 4:8

Ndiiki koy, fog es, fat a qalaat nuun a njagin no fop ke refna ndigil fo kuu deyeena o niw fo kuu faaxna fo fop ke xoolna, a deyel o fex, a warel o jaɓ, a faax, a deyel o tagas.

Sakari 8:13

Nuun mbind Yudaa fo nuun mbind Isra’el, ne nu ndefit’ina saloor a ndeer qeet ke, neene nu ndefitkaa we na mbarke’tateel, a cinj yaa um mucilkaa a nuun. Ba nu saɗar dara ndaa saqyo njambaar!

1 Caloori ke 28:10

Me ta refna koy, fat o and a paax ee o Yaal oxe jilong ndax o maxanin mbind naa na refkaa Mbind Roog. Saƭakinooxi boog too jal!»

1 Sami’el 23:16

Na bes fa leng, Yoonatan fee o ƥiy Sawul a daba a Dawid Horsa, ndax ta saƭakinin na Roog.

Sakari 8:9

Saqyo njambaar! Nuun we nanaa ndiiki fa lay fa leng kut fee duleer we a yegnitna no gon es, ye a per ake no Mbind es a ndooneel ndax ta maxatinel. Mi o Yaal oxe Hupna fop layun.

A cangatin ale 31:23

O Yaal oxe a hebla a Yosuwe fee o ƥiy Nun ke ta warna o fi soo a layin ee: «Saƭakinooxi too saq njambaar, yaam wo na rokinkaa Ii-isra’el we no saax le daaɓooxuuma o ci’in a den. Mi fa xoox es xam ref fa wo.»

1 Caloori ke 28:20

Cinj kaaga, Dawid a ɓaata teen ee: «O ƥees, saƭakinoooxi too jal! Ba o saɗar boog, too ba o diid! O Yaal oxe Roog es xaƴkirang, oxey fa wo too xan a damtong boo yaa calel ke no Mbind ne ten a muukooxkaa.

2 Korint 13:11

Ndiiki koy fog we, fat o ɗaay a ref fa nuun! Njeemyo o njagandoox, yaalooraa, mbog xalaat, ñoowaa na jam! Yaaga Roog fee refna o mbeq fa jam xan a ref fa nuun.

1 Piyeer 3:8

Ndiiki koy, njegyo nuun fop xalaat fa leng kut, too mbog o liir. Njegyo a ndeer nuun o mbeq fa yirmande fo a neewandax.

Filip 3:1

Fog es, mbelakinooxyo no Yaal oxe. Dapatinaa leng kut ke no leetar oleeke xijliraam, too ten na saƭakinaa a nuun.

1 Piyeer 4:11

Nuun waawaare we, fat a ƭelem nuun a njagir fo fa lay fee Roog. Nuun we ndefna diidimle itam, fat nu ndimle’taa fa doole fee Roog a cooxna a nuun, ndax no kuu ta waagna waag o ref, Roog a ɓoxotel o ndam na pexey Yeesu Kiristaa fee jegna o ndam fa katil bo na moos boo moos. Amiini.

1Saŋ 2:14

Nuun xa teɓandoong axe, bindaam a nuun yaam nu anda a Faap fee. Nuun paap ke, bindaam a nuun yaam nu anda oxe refna yaa fo mberaandoong naa. Nuun xa pes axe, bindaam a nuun yaam nu njega doole, fa lay fee Roog na nuun a genu, too nu maafa o paaxeer oxe.